ಜ್ಞಾನಾರ್ಜನೆಗೆ ಗ್ರಂಥಾಲಯ ಸಹಕಾರಿ

ಬಸವಕಲ್ಯಾಣ: ಜ್ಞಾನಾರ್ಜನೆಗೆ ಗ್ರಂಥಾಲಯ ಸಹಕಾರಿಯಾಗಿದ್ದು, ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಶಾಖಾಧಿಕಾರಿ ನಿಂಗಪ್ಪ ಹೇಳಿದರು. ಬಿಕೆಡಿಬಿ ಸಭಾಭವನದ ಸಾರ್ವಜನಿಕ ಗ್ರಂಥಾಲಯದಲ್ಲಿ ಗ್ರಂಥಾಲಯ ವಿಜ್ಞಾನ ಪಿತಾಮಹದ ಡಾ. ಎನ್​.ಆರ್​.ರಂಗನಾಥನ್​ ಜನ್ಮದಿನದ ನಿಮಿತ್ತ ಬುಧವಾರ ಆಯೋಜಿಸಿದ್ದ ಗ್ರಂಥ ಪಾಲಕರ ದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಗ್ರಂಥಾಲಯಕ್ಕೆ ರಂಗನಾಥನ್​ ನೀಡಿರುವ ಕೊಡುಗೆ ಅವಿಸ್ಮರಣೀಯ ಎಂದು ಬಣ್ಣಿಸಿದರು. ಗ್ರಂಥಾಲಯ ಸಿಬ್ಬಂದಿ ದೀಪಾಲಿ ಮಾನೆ, ಪ್ರಮುಖರಾದ ಲೋಕೇಶ್​ ಕನಕ, ಬಲಭೀಮ ವಾನಕೆಡೆ, ಬಸವರಾಜ ಮುಚಳಂಬ, ಓದುಗ ವಿದ್ಯಾರ್ಥಿಗಳು ಇದ್ದರು.

ಪುಸ್ತಕ ದೇಣಿಗೆ: ಇದೇ ಸಂದರ್ಭದಲ್ಲಿ ಡಾ.ಭಾಗ್ಯಶಾಲಿ ಶೇರ್ಖಾನೆ ಅವರು ಓದುಗರ ಉಪಯೋಗಕ್ಕಾಗಿ ಎಂಬಿಬಿಎಸ್​ ಮತ್ತು ನೀಟ್​ ಸ್ಪರ್ಧಾತ್ಮಕ ಪರೀಕ್ಷೆಗೆ ಸಂಬಂಧಿಸಿದ ಅಮೂಲ್ಯ ಪುಸ್ತಕಗಳನ್ನು ಗ್ರಂಥಾಲಯಕ್ಕೆ ದೇಣಿಗೆ ನೀಡಿದರು.