ಸಿಲಿಕಾನ್ ಸಿಟಿ ವಿಮಾನ ನಿಲ್ದಾಣದಲ್ಲಿ ಕೊರಿಯನ್ ಮಹಿಳೆಗೆ ಕಿರುಕುಳ.. ಕಿರಾತಕ ಅಂದರ್​ KIAL

ಆರೋಪಿಯನ್ನು ಮೊಹಮ್ಮದ್ ಅಫಾನ್ ಅಹ್ಮದ್ ಎಂದು ಗುರುತಿಸಲಾಗಿದೆ. ಆತ ದಕ್ಷಿಣ ಕೊರಿಯಾದ ಮಹಿಳೆಗೆ ಚೆಕ್-ಇನ್ ಲಗೇಜ್ ಮತ್ತು ಟಿಕೆಟ್‌ನಲ್ಲಿನ ಸಮಸ್ಯೆಯನ್ನು ಉಲ್ಲೇಖಿಸಿ ಪರಿಶೀಲನೆಗಾಗಿ ಮಹಿಳೆಯನ್ನು ತಡೆದಿದ್ದಾನೆ. ನಂತರ ಹೆಚ್ಚಿನ ತಪಾಸಣೆಯ ನೆಪದಲ್ಲಿ ಅವರನ್ನು ಪುರುಷರ ಶೌಚಾಲಯಕ್ಕೆ ಕರೆದೊಯ್ದು, ಅನುಚಿತವಾಗಿ ಮಹಿಳೆಯನ್ನು ಮುಟ್ಟಿದ್ದಾರೆ. ತಪಾಸಣೆಯ ವಿಧಾನವನ್ನು ಆಕ್ಷೇಪಿಸಿದರೂ ಸಹ ಸಿಬ್ಬಂದಿ ಶೋಧ ಕಾರ್ಯ ಮುಗಿಸಿ "ಧನ್ಯವಾದಗಳು" ಎಂದು ಹೇಳಿ ಅಲ್ಲಿಂದ ಹೊರಟು ಹೋದರು ಎಂದು ಮಹಿಳೆ ಆರೋಪಿಸಿದ್ದಾರೆ.

ಲೈಂಗಿಕ ಕಿರುಕುಳ ಮತ್ತು ಹಲ್ಲೆಗೆ ಸಂಬಂಧಿಸಿದಂತೆ ಆರೋಪಿ  ಮೊಹಮ್ಮದ್ ಅಫಾನ್ ಅಹ್ಮದ್ ವಿರುದ್ಧ ಬಿಎನ್‌ಎಸ್ ಸೆಕ್ಷನ್ 75 ರ ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ. ತನಿಖಾಧಿಕಾರಿಗಳು ಅಹ್ಮದ್ ಅವರ ಉದ್ಯೋಗ ಇತಿಹಾಸ, ಸಂಭಾವ್ಯ ಹಿಂದಿನ ದೂರುಗಳು ಮತ್ತು ಇತರರನ್ನು ಇದೇ ರೀತಿ ಗುರಿಯಾಗಿಸಲಾಗಿದೆಯೇ ಎಂಬುದನ್ನು ಪರಿಶೀಲನೆ ನಡೆಸುತ್ತಿದ್ದಾರೆ. 

ಈ ಘಟನೆಯು ವಿಮಾನ ನಿಲ್ದಾಣದ ಭದ್ರತಾ ಪ್ರೋಟೋಕಾಲ್‌ಗಳಲ್ಲಿನ ದುರ್ಬಲತೆಗಳನ್ನು ಎತ್ತಿ ತೋರಿಸಿದ್ದು, ಅಂತರರಾಷ್ಟ್ರೀಯ ಪ್ರಯಾಣಿಕರನ್ನು ರಕ್ಷಿಸಲು ಶೋಧನಾ ಕಾರ್ಯವಿಧಾನಗಳು ಮತ್ತು ಸಿಬ್ಬಂದಿ ತರಬೇತಿಯನ್ನು ಪರಿಶೀಲಿಸುವಂತೆ ಒತ್ತಾಯಿಸಿದೆ (ಏಜೆನ್ಸೀಸ್​).