Khaki collar for those who go to jail but don't learn their lesson
ಚಿಂತಾಮಣಿ: ನಗರದ ಜನನಿಬಿಡ ಪ್ರದೇಶದಲ್ಲಿ ಯುವಕನಿಗೆ ಚಾಕು ತೋರಿಸಿ 5 ಸಾವಿರ ರೂ. ಸುಲಿಗೆ ಮಾಡಿದ್ದ ಇಬ್ಬರನ್ನು ನಗರಠಾಣೆ ಪೊಲೀಸರು ಬಂಧಿಸಿದ್ದಾರೆ.
ನಗರದ ಜೆ.ಜೆ.ಕಾಲನಿ ನಿವಾಸಿ ವಿಶ್ವನಾಥ್ (21), ನಗರ ಹೊರ ವಲಯದ ಕರಿಯಪ್ಪಲ್ಲಿ ಗ್ರಾಮದ ***ಬನ್ನಿ (23) ಬಂಧಿತರು. ಇಬ್ಬರು 2 ತಿಂಗಳ ಹಿಂದೆ ಇದೇ ಕೃತ್ಯ ಮಾಡಿ ಜೈಲು ಸೇರಿ ಬೇಲ್ ಮೇಲೆ ಹೊರಬಂದಿದ್ದರು. ಪುನ@ ಮತ್ತದೆ ಚಾಳಿ ಮುಂದುವರಿಸಿದ್ದರು.
ಪ್ರಕರಣ ಹಿನ್ನೆಲೆ: ಆರೋಪಿಗಳಿಬ್ಬರು 2026ರ ಫೆಬ್ರವರಿ 12ರಂದು ಮಧ್ಯಾಹ್ನನಗರದ ಬೆಂಗಳೂರು ಜೋಡಿ ರಸ್ತೆಯ ಅಂಜನಿ ಚಿತ್ರ ಮಂದಿರದ ಬಳಿ ಎಳನೀರು ತೆಗೆದುಕೊಳ್ಳುತ್ತಿದ್ದ ನಗರದ ಪ್ರಭಾಕರ್ ಬಡಾವಣೆಯ ನಿವಾಸಿ ಕೃಷ್ಣಮೂರ್ತಿ (72) ಎಂಬುವರ ಕೈಯಲ್ಲಿದ್ದ ವಾಚ್ನ ಪಿನ್ ಸರಿ ಮಾಡಿಕೊಡುತ್ತೇವೆ ಎಂದು ಹೇಳಿ ಒಬ್ಬ ವಾಚ್ ಪಡೆದುಕೊಂಡರೆ, ಅಲ್ಲಿಯೇ ಇದ್ದ ಮತ್ತೊಬ್ಬ ಯಾರಿಗೋ ೋನ್ ಮಾಡಬೇಕು ಎಂದು ಹೇಳಿ ಮೊಬೈಲ್ ಪಡೆದು ಪರಾರಿಯಾಗಿದ್ದರು. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡ ನಗರಠಾಣೆ ಪೊಲೀಸರು ವಿಶ್ವನಾಥ್ ಎಂಬಾತನನ್ನು ಬಂಧಿಸಿ, ಜೈಲಿಗೆ ಅಟ್ಟಿದ್ದರು.
ಮತ್ತೆ ಸುಲಿಗೆಗೆ ಇಳಿದರು: 2026ರ ಮೇ 15ರಂದು ಚಿಂತಾಮಣಿ ಹಳೇ ಸಿವಿಲ್ ಬಸ್ ನಿಲ್ದಾಣದ ರಸ್ತೆಯಲ್ಲಿರುವ ಗುರುಭವನದ ಮುಂಭಾಗದ ರಸ್ತೆಯಲ್ಲಿ ನಿಂತುಕೊಂಡಿದ್ದ ಆರೋಪಿಗಳು, ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುವ ಶಿಡ್ಲಘಟ್ಟ ತಾಲೂಕಿನ ದಿಬ್ಬೂರಹಳ್ಳಿ ನಿವಾಸಿ ಹೇಮಂತ್ ಕುಮಾರ್ (27) ಅವರನ್ನು ತಡೆದು, ನನ್ನ ತಮ್ಮನಿಗೆ ಚಾಕುವಿನಿಂದ ತಿವಿದು 24 ಸಾವಿರ ರೂ. ಕಿತ್ತುಕೊಂಡಿದ್ದಿಯಾ. ತಮ್ಮನ ಬಳಿ ನಿನ್ನ ೋಟೋ ಇದೆಯೆಂದು ಬೆದರಿಸಿ, ಬೈಕ್ನಲ್ಲಿ ನಗರದ ಚೇಳೂರು ರಸ್ತೆಯ ರೈಲ್ವೆ ಗೇಟ್ನಿಂದ ಸಮೀಪದ ರ್ನಿಜನ ಪ್ರದೇಶದಲ್ಲಿರುವ ಇಟ್ಟಿಗೆ ್ಯಾಕ್ಟರಿ ಬಳಿಗೆ ಕರೆದೊಯ್ದು ಅಲ್ಲಿದ್ದ ಇತರ ನಾಲ್ವರು ಸೇರಿ ಮಾರಕಾಸ್ತ್ರ ತೋರಿಸಿ 5 ಸಾವಿರ ರೂ. ೋನ್ಪೇ ಮಾಡಿಸಿಕೊಂಡಿದ್ದರು. ಹೇಮಂತ್ ಕುಮಾರ್ ಪ್ರಕರಣ ದಾಖಲಿಸಿದ್ದು, ನಗರಠಾಣೆ ಪೊಲೀಸರು ೋನ್ ಪೇ ಮಾಡಿದ್ದ ಬ್ಯಾಂಕ್ ಖಾತೆದಾರನನ್ನು ಪತ್ತೆ ಹಚ್ಚಿ, ಅವರ ಮೂಲಕ ಇಬ್ಬರನ್ನು ಬಂಧಿಸಿದ್ದಾರೆ. ಇವರೊಟ್ಟಿಗೆ ಇದ್ದ ಇನ್ನು ನಾಲ್ವರ ಸೆರೆಗೆ ಬಲೆ ಬೀಸಿದ್ದಾರೆ.