JJM stalled for three years
ಗ್ರಾಪಂ ವ್ಯಾಪ್ತಿಯ 13 ಗ್ರಾಮಗಳಲ್ಲಿ ಜೆಜೆಎಂ ಕಾಮಗಾರಿ ಪೂರ್ಣವಾಗಿಲ್ಲ. ಗ್ರಾಪಂ ಕೇಂದ್ರವಾಗಿರುವ ಮದ್ದೇರಿ, ಎಂ.ಚೋಳಘಟ್ಟ ಗ್ರಾಮಗಳಿಗೆ ಇತ್ತೀಚೆಗೆ ಜೆಜೆಎಂ ಕಾಮಗಾರಿ ಪ್ರಾರಂಭ ಮಾಡಿದ್ದು, ಗ್ರಾಮಗಳ ಮುಖ್ಯ ಬೀದಿಗಳಲ್ಲಿ ಪೈಪ್ ಲೈನ್ ಬಾಣಿ ಅಗೆದಿದ್ದು, ರೋಗಿಗಳನ್ನು ಆಸ್ಪತ್ರೆಗೆ ಸಾಗಿಸಲು ಕಾರು, ಆಂಬುಲೆನ್ಸ್ ಗ್ರಾಮದ ಒಳಗೆ ಬರದಂತಾಗಿದೆ. ಸಂಬಂಧಪಟ್ಟ ಅಧಿಕಾರಿಗಳು ಕಳಪೆ ಕಾಮಗಾರಿ ವೀಸಿ ಲೋಪಗಳಾಗದಂತೆ ಕಾಮಗಾರಿ ವೇಗ ಹೆಚ್ಚಿಸಬೇಕಿದೆ.
— ದೇವರಾಜ್ ಎಂ.ಚೋಳಘಟ್ಟ ಗ್ರಾಮಸ್ಥ
ಜೆಜೆಎಂ ಯೋಜನೆಯಡಿ ಕೊಳವೆ ಬಾವಿ ಕೊರೆಯಲಾಗಿದ್ದು, ಕೆಲವು ಗ್ರಾಮಗಳಲ್ಲಿ ನೀರು ಸಿಗದಿದ್ದರೂ ಮೋಟಾರ್ ಪಂಪ್ ಅಳವಡಿಸಿ ಗ್ರಾಪಂ ಓವರ್ ಹೆಡ್ ಟ್ಯಾಂಕ್ನಿಂದ ಜೆಜೆಎಂ ನಲ್ಲಿಗಳಲ್ಲಿ ನೀರು ಹರಿಸಿ ಕಾಮಗಾರಿಗಳಿಗೆ ಮುಗಿಸಿದ್ದಾರೆ. ಇನ್ನೂ ಕೆಲ ಗ್ರಾಮಗಳಲ್ಲಿ ಓವರ್ ಹೆಡ್ ಟ್ಯಾಂಕ್ ನಿಮಾರ್ಣದ ಕಾಮಗಾರಿ ಪೂರ್ಣವಾಗದೆ ಹಳೇ ಓವರ್ ಹೆಡ್ ಟ್ಯಾಂಕ್ನಿಂದಲೇ ನೀರು ಸರಬರಾಜು ಮಾಡಲಾಗುತ್ತಿದೆ. ಮದ್ದೇರಿ ಗ್ರಾಪಂ ವ್ಯಾಪ್ತಿಯ ಯಾವುದೇ ಗ್ರಾಮಗಳಲ್ಲಿ ಗುಣಮಟ್ಟವೂ ಸಪರ್ಮಕವಾಗಿ ಆಗಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಅಪೂರ್ಣ, ಕಳಪೆ ಕಾಮಗಾರಿ ಕುರಿತು ಗುತ್ತಿಗೆದಾರರ ಬಳಿ ಸಾರ್ವಜನಿಕರು ಪ್ರಶ್ನೆ ಮಾಡಿದಾಗ ಗುತ್ತಿಗೆದಾರರು ಇನ್ನು ಕೆಲಸ ಬಾಕಿ ಇದ್ದು, ಮೇನ್ಪೈಪ್ನಲ್ಲಿ ನೀರು ಸೋರಿಕೆ ಪರೀಕ್ಷೆಗಾಗಿ ನೀರು ಹರಿಸುತ್ತಿದ್ದೇವೆ. ಕಾಮಗಾರಿಯ ಕೊನೆಯಲ್ಲಿ ಗ್ರಾಮಗಳಲ್ಲಿ ಅಗೆದಿರುವ ಪೈಪ್ಲೈನ್ ಗುಣಿ ಮುಚ್ಚಿ ಸಿಮೆಂಟ್ ಹಾಕಲಾಗುವುದು ಎಂದು ಉಡಾೆ ಉತ್ತರ ನೀಡುವ ಮೂಲಕ ಜಾರಿಕೊಳ್ಳುತ್ತಿದ್ದಾರೆ. ಈ ಕುರಿತು ಸಂಬಂಧಪಟ್ಟ ಇಲಾಖೆ ಅಧಿಕಾರಿಗಳ ಗಮನಕ್ಕಿದ್ದರೂ ಕ್ರಮ ವಹಿಸುತ್ತಿಲ್ಲ ಎಂದು ಸಾರ್ವಜನಿಕರು ಆರೋಪಿಸುತ್ತಿದ್ದಾರೆ.