ಸಿಸಿ ಕ್ಯಾಮರಾದಲ್ಲಿ ಸೆರೆಯಾದ ದೃಶ್ಯ.
ನೆಲಮಂಗಲ : ನೆಲಮಂಗಲ ಸಮೀಪದ ದಾಸನಪುರದಲ್ಲಿರುವ ಆಭರಣ ಮಳಿಗೆಗೆ ನುಗ್ಗಿದ ಮೂವರು ದುಷ್ಕರ್ಮಿಗಳು, ಗನ್ ತೋರಿಸಿ 30 ಲ ರೂ. ಮೌಲ್ಯದ ಚಿನ್ನಾಭರಣ ಹಾಗೂ ನಗದು ದೋಚಿ ಪರಾರಿಯಾಗಿದ್ದಾರೆ.
ದಾಸನಪುರ ಬಸ್ ನಿಲ್ದಾಣ ಬಳಿಯ ರಾಮ್ ದೇವ್ ಜುವೆಲ್ಲರಿ ಶಾಪ್ನಲ್ಲಿ ಮಂಗಳವಾರ ಸಂಜೆ 5.30ರಲ್ಲಿ ದರೋಡೆ ನಡೆದಿದೆ. ಮಳಿಗೆ ಮಾಲೀಕ ಮಾಣಿಕ್ ರಾಮ್ ಅವರು ಮಕ್ಕಳು ಅಂಗಡಿಯಲ್ಲಿದ್ದಾಗ ಬೈಕ್ನಲ್ಲಿ ಬಂದಿದ್ದ ಮೂವರು ದರೋಡೆಕೋರರು ಆಭರಣ ಖರೀದಿಸುವ ಗ್ರಾಹಕರ ಸೋಗಿನಲ್ಲಿ ಒಳ ಪ್ರವೇಶಿಸಿದ್ದರು. ಕಿವಿಯೋಲೆ ತೋರಿಸುವಂತೆ ಕೇಳಿದ್ದಾರೆ. ನಂತರ ಆಭರಣ ನೋಡುತ್ತಿರುವಂತೆಯೇ ಏಕಾಏಕಿ ಗನ್ ತೋರಿಸಿ ಕೈಗೆ ಸಿಕ್ಕಿದ್ದನ್ನೆಲ್ಲ ದೋಚಿ ಪರಾರಿಯಾಗಿದ್ದಾರೆ.
ಅಂಗಡಿಯಲ್ಲಿದ್ದವರು ಆರೋಪಿಗಳನ್ನು ಹಿಡಿಯಲು ಯತ್ನಿಸಿದಾಗ ತಪ್ಪಿಸಿಕೊಂಡು ಓಡಿ ಹೋಗಿದ್ದಾರೆ. ಇದೇ ವೇಳೆ ಆರೋಪಿಯೊಬ್ಬನ ಮೊಬೈಲ್ ಶಾಪ್ನಲ್ಲೇ ಬಿದ್ದಿದ್ದು, ಅದರ ಮೂಲಕ ಆರೋಪಿಗಳ ಸುಳಿವು ಪೊಲೀಸರಿಗೆ ಸಿಕ್ಕಿದೆ ಎಂದು ಗೊತ್ತಾಗಿದೆ. ಮಾದನಾಯಕನಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಬೈಕ್ನಲ್ಲಿ ಬಂದಿದ್ದ ಮೂವರು ಕಿವಿಯೋಲೆ ತೋರಿಸುವಂತೆ ಕೇಳಿದರು. ಈ ರೀತಿ ವಿನ್ಯಾಸದ ಕಿವಿಯೋಲೆ ನಮ್ಮಲ್ಲಿ ಇಲ್ಲ ಎಂದು ಹೇಳಿದೆವು. ಆ ಕೂಡಲೇ ಗನ್ ತೋರಿಸಿ ಬೆದರಿಸಿದರು. 30 ಗ್ರಾಂ ಚಿನ್ನಾಭರಣ, 50 ಸಾವಿರ ನಗದು ಎತ್ತಿಕೊಂಡು ಓಡಿಹೋದರು. ನಮ್ಮನ್ನು ಕಿರುಚದಂತೆ ಮುಖ ಪರಚಿ, ಬಾಯಿ ಮುಚ್ಚಿಸಿದರು.
ಸಂಜೆ 5.30ರಲ್ಲಿ ರಾಬರಿಯಾಗಿದೆ. ಬೈಕ್ನಲ್ಲಿ ಬಂದಿದ್ದ ಮೂವರು ಪಿಸ್ತೂಲ್ ತೋರಿಸಿ ಚಿನ್ನಾಭರಣ ಹಾಗೂ 50 ಸಾವಿರ ರೂ. ನಗದು ದೋಚಿದ್ದಾಗಿ ಜ್ಯುವೆಲರಿ ಅಂಗಡಿ ಮಾಲೀಕ ಮಾಣಿಕ್ ರಾಮ್ ದೂರು ಕೊಟ್ಟಿದ್ದಾರೆ. ದರೋಡೆ ಪ್ರಕರಣ ದಾಖಲಿಸಿಕೊಂಡಿದ್ದು, ಶ್ರೀವೇ ಆರೋಪಿಗಳನ್ನು ಬಂಧಿಸಲಾಗುವುದು.