ಪೊಲೀಸರಿಗೆ ಸೌಲಭ್ಯ ಕಲ್ಪಿಸುವುದು ಸರ್ಕಾರದ ಕರ್ತವ್ಯ

ಆಳಂದ: ಪೊಲೀಸ್​ ಇಲಾಖೆ ಸಿಬ್ಬಂದಿ ನಿತ್ಯ ಜನರ ಭದ್ರತೆಗೆ ಶ್ರಮಿಸುತ್ತಿದ್ದು, ಅವರಿಗೆ ಉತ್ತಮ ವಸತಿ ಸೌಲಭ್ಯ ಒದಗಿಸುವುದು ಸರ್ಕಾರದ ಕರ್ತವ್ಯ. ಹೊಸ ವಸತಿಗೃಹದಿಂದ ಸಿಬ್ಬಂದಿ ಮತ್ತು ಅವರ ಕುಟುಂಬಕ್ಕೆ ಅನುಕೂಲವಾಗಲಿದೆ ಎಂದು ರಾಜ್ಯ ನೀತಿ ಮತ್ತು ಯೋಜನಾ ಆಯೋಗದ ಉಪಾಧ್ಯರೂ ಆದ ಶಾಸಕ ಬಿ.ಆರ್​.ಪಾಟೀಲ್​ ಹೇಳಿದರು.

ಪೊಲೀಸ್​ ಠಾಣೆ ಆವರಣದಲ್ಲಿ ಕಲಬುರಗಿ ಜಿಲ್ಲಾ ಪೊಲೀಸ್​ ಹಾಗೂ ಕರ್ನಾಟಕ ರಾಜ್ಯ ಪೊಲೀಸ್​ ವಸತಿ ಮತ್ತು ಮೂಲಭೂತ ಸೌಲಭ್ಯ ಅಭಿವೃದ್ಧಿ ನಿಗಮದಿಂದ ಪೊಲೀಸ್​ ಗೃಹ-2025 ಹಂತ-4 ಯೋಜನೆಯಡಿಯಲ್ಲಿ 3.50 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಿರುವ 12 ವಸತಿಗೃಹಗಳ ಕಾಗಿಣಾ ಬ್ಲಾಕ್​ ಅನ್ನು ಲೋಕಾರ್ಪಣೆಗೊಳಿಸಿ ಮಾತನಾಡಿ, ಸಕಾರಿ ಕಟ್ಟಡಗಳು ಕೇವಲ ನಿರ್ಮಾಣವಾಗುವುದಷ್ಟೇ ಅಲ್ಲ, ದೀರ್ಕಾಲ ಬಾಳಿಕೆ ಬರುವಂತೆ ಗುಣಮಟ್ಟದ ಕಾಮಗಾರಿ ನಡೆಯಬೇಕು. ಸಾರ್ವಜನಿಕರ ಹಣದಿಂದ ನಿರ್ಮಾಣವಾಗುವ ಕಟ್ಟಡಗಳು ಹಲವು ವರ್ಷಗಳವರೆಗೆ ಉಪಯೋಗವಾಗಬೇಕು ಎಂದರು.

ಎಸ್​.ಪಿ ಅಡ್ಡೂರು ಶ್ರೀನಿವಾಸುಲು, ಹೆಚ್ಚುವರಿ ಎಸ್​ಪಿ ಮಹೇಶ ಮೇಣ್ಣನವರ್​, ಡಿವೈಎಸ್​ಪಿ ತಮ್ಮಾರಾಯ ಪಾಟೀಲ್​, ಸಿಪಿಐ ಜಗದೀಶ ಕೆ.ಜಿ., ಪಿಐ ಶರಣಬಸಪ್ಪ ಕೋಡ್ಲಾ, ಕ್ರೆಂ ಪಿಎಸ್​ಐ ಸಂಜೀವ ರೆಡ್ಡಿ, ಪ್ರಮುಖರಾದ ಸಿದ್ದರಾಮ ಪ್ಯಾಟಿ, ಈರಣ್ಣ ಹತ್ತರಕಿ, ಸಂಜಯ ಪಾಟೀಲ್​ ಭೂಸನೂರ, ರಾಮ ಹತ್ತರಕಿ, ಸಿದ್ದರಾಮ ದೇಸಾಯಿ, ದಯಾನಂದ ಶೇರಿಕರ, ಮಹಾದೇವ ಜಿಡ್ಡೆ ಇತರರಿದ್ದರು.