ಚಾಮರಾಜನಗರದ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಡಿಸಿ ಶ್ರೀರೂಪಾ ಹನೂರಿನಲ್ಲಿ ವಿಷ ಮಿಶ್ರಿತ ನೀರು ಕುಡಿದು ಹಸುಗಳು ಮೃತಪಟ್ಟ ಮಾಲೀಕರಿಗೆ ಸೋಮವಾರ ಪರಿಹಾರದ ಆದೇಶ ಪತ್ರ ವಿತರಿಸಿದರು. ಪಶು ವೈದ್ಯಾಧಿಕಾರಿ ಡಾ.ಸಿದ್ದರಾಜು, ಹಸು ಮಾಲೀಕರಾದ ಪರಶಿವಮೂರ್ತಿ, ತಂಗರಾಜು ಮತ್ತು ಇತರರಿದ್ದರು.
ಚಾಮರಾಜನಗರ: ಹನೂರು ತಾಲೂಕಿನ ಶೆಟ್ಟಳ್ಳಿ ಮತ್ತು ರಾಮಾಪುರ ಸಮೀಪದ ಗುನ್ನೂರು ಗ್ರಾಮದಲ್ಲಿ ವಿಷ ಮಿಶ್ರಣ ನೀರು ಕುಡಿದು ಮೃತಪಟ್ಟ 11 ಹಸುಗಳ ಇಬ್ಬರು ಮಾಲೀಕರಿಗೆ ಜಿಲ್ಲಾಧಿಕಾರಿ ಶ್ರೀರೂಪಾ ಸೋಮವಾರ ಪರಿಹಾರದ ಆದೇಶ ಪತ್ರ ವಿತರಣೆ ಮಾಡಿದರು.
ನಗರದ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಮೃತ 6 ಹಸುಗಳ ಮಾಲೀಕ ಪರಶಿವಮೂರ್ತಿ ಮತ್ತು ಮೃತ 5 ಹಸುಗಳ ಮಾಲೀಕ ತಂಗರಾಜುಗೆ ತಲಾ 1 ಹಸುಗೆ 15 ಸಾವಿರ ರೂ.ಗಳಂತೆ ರಾಜ್ಯ ಸರ್ಕಾರದಿಂದ ಪರಿಹಾರ ನೀಡಲು ಆದೇಶ ಪತ್ರವನ್ನು ನೀಡಲಾಯಿತು. ಒಂದೆರಡು ದಿನಗಳಲ್ಲಿ ರೈತರ ಖಾತೆಗೆ ಪರಿಹಾರ ಹಣ ಜಮೆಯಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.