ಮಿದುಳಿನ ಬೆಳವಣಿಗೆಗೆ ಅಯೋಡಿನ್​ ಅವಶ್ಯ brain development

ನಗರದ ಡಿವಿಜಿ ಶಾಲೆಯಲ್ಲಿ ಸ್ಮಾರ್ಟ್​ ಇಂಡಿಯಾ ಸಂಸ್ಥೆಯಿಂದ ಮಂಗಳವಾರ ಹಮ್ಮಿಕೊಂಡಿದ್ದ ಅಯೋಡಿನ್​ ಕೊರತೆ ನಿವಾರಣೆ ಜಾಗೃತಿ ಬೀದಿ ನಾಟಕಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಇದು ಸಮುದ್ರ ಆಹಾರ, ಅಯೋಡಿಕರಿಸಿದ ಉಪ್ಪು, ಹಾಲು ಮತ್ತು ಮೊಟ್ಟೆಗಳಲ್ಲಿ ಕಂಡುಬರುತ್ತದೆ. ಅಯೋಡಿನ್​ ಕೊರತೆಯು ಗಾಯಿಟರ್​ (ಕುತ್ತಿಗೆಯಲ್ಲಿ ಊತ), ಮಕ್ಕಳಲ್ಲಿ ಮಾನಸಿಕ ಬೆಳವಣಿಗೆಯ ಕುಂಠಿತಕ್ಕೆ ಕಾರಣವಾಗಬಹುದು, ದೇಹದಲ್ಲಿನ ನರಗಳು ಮತ್ತು ಮೂಳೆಗಳ ಬೆಳವಣಿಗೆ, ಚಯಾಪಚಯ ಕ್ರಿಯೆ ನಿಯಂತ್ರಿಸುವುದು, ಮತ್ತು ಥೈರಾಯ್ಡ್​ ಗ್ರಂಥಿಯ ಸರಿಯಾದ ಕಾರ್ಯನಿರ್ವಹಣೆಗೆ ಇದು ಅವಶ್ಯ ಎಂದರು.

ಹೃದಯ ಬಡಿತ, ಚಯಾಪಚಯ, ದೇಹದ ಉಷ್ಣತೆ ಮತ್ತು ಸ್ನಾಯುಗಳ ಸಂಕೋಚನದಂತಹ ಅನೇಕ ದೈಹಿಕ ಕಾರ್ಯಗಳ ಮೇಲೆ ಪರಿಣಾಮ ಬೀರುವ ಗ್ರಂಥಿಯಾದ ಥೈರಾಯ್ಡ್​ ಗ್ರಂಥಿಗೆ ದೇಹಕ್ಕೆ ಅಗತ್ಯವಿರುವ ಸ್ಮೂ ಪೋಷಕಾಂಶವೆಂದರೆ ಅಯೋಡಿನ್​. ಗರ್ಭಾವಸ್ಥೆಯಲ್ಲಿ ಮತ್ತು ಬಾಲ್ಯದಲ್ಲಿ ಅಯೋಡಿನ್​ ಕೊರತೆಯು ವಿಶೇಷವಾಗಿ ಹಾನಿಕಾರಕವಾಗಿದೆ, ಏಕೆಂದರೆ ಇದು ಕಲಿಕಾ ಸಾಮರ್ಥ್ಯದ ನಷ್ಟ, ಮಾನಸಿಕ ಕುಂಠಿತ, ಗರ್ಭಪಾತಕ್ಕೆ ಕಾರಣವಾಗಬಹುದು. ಆದ್ದರಿಂದ ಅಯೋಡಿನ್​ ಅನ್ನು ಯಾರೂ ಕೀಳರಿಮೆ ಮನೋಭಾವದಿಂದ ಕಾಣಬಾರದು ಎಂದು ಸಲಹೆ ನೀಡಿದರು.

ಸ್ಮಾರ್ಟ್​ ಇಂಡಿಯಾ ಸಂಸ್ಥೆಯ ಸಂಯೋಜಕ ಶಿವರಾಜ್​ ಮಾತನಾಡಿ, ಅಯೋಡಿನ್​ ಕೊರತೆ, ಇದರ ದುಷ್ಪರಿಣಾಮ ಹಾಗೂ ನಿವಾರಣೆ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸುವುದು ಹಾಗೂ ಚಿಕಿತ್ಸೆ ಪಡೆದುಕೊಳ್ಳುವ ಕುರಿತು ಬೀದಿ ನಾಟಕ ಮೂಲಕ ಪ್ರತಿ ಸರ್ಕಾರದ ಶಾಲೆಗಳಲ್ಲಿ ಅರಿವು ಮೂಡಿಸುವ ಕಾರ್ಯದಲ್ಲಿ ನಮ್ಮ ಕಲಾ ತಂಡ ಸಿದ್ಧವಾಗಿದೆ ಎಂದು ತಿಳಿಸಿದರು.