ಅಂತರ ಜಿಲ್ಲಾ ಕಳ್ಳನ ಬಂಧನ

ಚೇಳೂರು ತಾಲೂಕಿನ ಕದಿರೇನಹಳ್ಳಿಯ ನಿವಾಸಿ ಕೆ.ಆರ್​.ಪ್ರಶಾಂತ್​ (26) ಬಂಧಿತ. ಈತ ವೃತ್ತಿಯಲ್ಲಿ ಅಡುಗೆ ಕೆಲಸ ಮಾಡಿಕೊಂಡಿದ್ದ ಎನ್ನಲಾಗಿದೆ.

ಜು.9ರಂದು ಸಂಜೆ ಚಿಂತಾಮಣಿ ನಗರದ ನಾಮಾ ಕಿಟ್ಟಣ್ಣ ಎಂಬುವವರ ಬಂಗಾರದ ಅಂಗಡಿಯ ಮುಂಭಾಗದಲ್ಲಿ ಪ್ರಶಾಂತ್​ ಅನುಮಾನಾಸ್ಪದವಾಗಿ ಓಡಾಡುತ್ತಿದ್ದುದನ್ನು ಗಮನಿಸಿದ ಕೆಂಚಾರ್ಲಹಳ್ಳಿ ಠಾಣೆ ಪೊಲೀಸರು ಆತನನ್ನು ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಿದ್ದಾರೆ. ಆರೋಪಿ 1 ವರ್ಷದ ಹಿಂದೆ ಕೋನೇಪಲ್ಲಿ ಗ್ರಾಮದ ಲ್ಮಪತಿ ಎಂಬುವವರ ಮನೆಯಲ್ಲಿ 66 ಗ್ರಾಂ ಒಡವೆ, 5 ತಿಂಗಳ ಹಿಂದೆ ಆನಪಲ್ಲಿ ಗ್ರಾಮದ ವಿನೋದಮ್ಮ ಎಂಬುವವರ ಮನೆಯಲ್ಲಿ 23 ಗ್ರಾಂ ಚಿನ್ನಾಭರಣ ಕಳ್ಳತನ ಮಾಡಿರುವುದಾಗಿ ಬಾಯಿಬಿಟ್ಟಿದ್ದಾನೆ.

ಬೆಂಗಳೂರಿನಲ್ಲೂ ದರೋಡೆ:

ಪ್ರಶಾಂತ್​ ಚಿಕ್ಕಬಳ್ಳಾಪುರ ಜಿಲ್ಲೆಯಷ್ಟೇ ಅಲ್ಲದೆ, ಹೊಸಕೋಟೆ ಠಾಣೆ ಹಾಗೂ ಬೆಂಗಳೂರು ಕಾಮಾಪಾಳ್ಯ ಪೊಲೀಸ್​ ಠಾಣೆ ವ್ಯಾಪ್ತಿಯಲ್ಲಿಯೂ ಕಳ್ಳತನ ಪ್ರಕರಣಗಳಲ್ಲಿ ಭಾಗಿಯಾಗಿರುವ ಅಂತರ ಜಿಲ್ಲಾ ಮನೆಗಳ್ಳನಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಚಿಕ್ಕಬಳ್ಳಾಪುರ ಜಿಲ್ಲಾ ಪೊಲೀಸ್​ ಅಧೀಕ್ಷಕ ಕುಶಾಲ ಚೌಕ್ಸೆ ಹಾಗೂ ಹೆಚ್ಚುವರಿ ಪೊಲೀಸ್​ ಅಧೀಕ್ಷಕ ಜಗನ್ನಾಥ್​ ರೈ ಅವರ ಮಾರ್ಗದರ್ಶನದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಕೆಂಚಾರ್ಲಹಳ್ಳಿ ಠಾಣೆ ಪೊಲೀಸ್​ ಇನ್​ಸ್ಪೆಕ್ಟರ್​ ಜಿ.ಸಿ. ನಾರಾಯಣಸ್ವಾಮಿ, ಸಬ್​ ಇನ್​ಸ್ಪೆಕ್ಟರ್​ ಶ್ಯಾಮಲಾ, ಶರಣಗೌಡ ಎಸ್​.ಮೂಲಿಮನಿ ಮತ್ತು ಸಿಬ್ಬಂದಿ ರವಿಕುಮಾರ್​, ಮುನಿಕೃಷ್ಣ, ಲೋಕೇಶ್​, ಸುನಿತಾ, ಮಲ್ಲಿಕಾರ್ಜುನ ಧವಳೇಶ್ವರ ಪಾಲ್ಗೊಂಡಿದ್ದರು.