ಹುಮನಾಬಾದ್ ಹೊರವಲಯದ ಕೈಗಾರಿಕಾ ಪ್ರದೇಶದ ಕಾರ್ಖಾನೆಗಳಿಗೆ ಸಹಾಯಕ ಆಯುಕ್ತ ಪ್ರಕಾಶ ಕುದರೆ ನೇತೃತ್ವದ ತಂಡ ಗುರುವಾರ ಭೇಟಿ ನೀಡಿ ಪರಿಶೀಲನೆ ನಡೆಸಿತು. ತಹಸೀಲ್ದಾರ್ ಜಗದೀಶ್ ಚೌರ, ತಾಪಂ ಇಒ ದೀಪಿಕಾ ನಾಯ್ಕರ್, ಪಿಎಸ್ಐ ಸುರೇಶಕುಮಾರ, ಮಾಲಿನ್ಯ ನಿಯಂತ್ರಣ ಮಂಡಳಿ ಅಧಿಕಾರಿ ಸಂತೋಷ ಇತರರಿದ್ದರು.
- ಹುಮನಾಬಾದ್ ಕೈಗಾರಿಕಾ ಪ್ರದೇಶಕ್ಕೆ ಎಸಿ ಪ್ರಕಾಶ ಕುದರೆ ನೇತೃತ್ವದ ತಂಡ ಭೇಟಿ
ಹುಮನಾಬಾದ್: ಹೊರವಲಯದ ಕೈಗಾರಿಕಾ ಪ್ರದೇಶದ ವಿವಿಧ ಕಾರ್ಖಾನೆಗಳಿಗೆ ಸಹಾಯಕ ಆಯುಕ್ತ ಪ್ರಕಾಶ ಕುದರೆ ನೇತೃತ್ವದ ತಂಡ ಗುರುವಾರ ಭೇಟಿ ನೀಡಿ ಪರಿಶೀಲನೆ ನಡೆಸಿತು.
ಕಾರ್ಖಾನೆಗಳಲ್ಲಿ ತ್ಯಾಜ್ಯ ವಿಲೇವಾರಿ ನಿಯಮಗಳನ್ನು ಸಮರ್ಪಕ ಪಾಲಿಸದಿರುವ ದೂರು ಹಿನ್ನೆಲೆಯಲ್ಲಿ ಜಿಲ್ಲಾಧಿಕಾರಿ ಆದೇಶದ ಮೇರೆಗೆ ಕರ್ನಾಟಕ ಪೇಪರ್ ಕಂಪನಿ, ಸ್ಕೂಟಿಕ್ ಲ್ಯಾಬ್ಸ್ ಪೆವೇಟ್ ಲಿಮಿಟೆಡ್, ಆರ್-ಕೆಮ್ ಪೆವೇಟ್ ಲಿಮಿಟೆಡ್, ರಾಡಿಸನ್ ಲ್ಯಾಬ್ಸ್, ಪ್ರೋಮಿನಲ್, ನಿಚಿನೋ ಹಾಗೂ ಫಾಮಾರ್ಸ್ಯುಟಿಕಲ್ ಕಾರ್ಖಾನೆಗಳಿಗೆ ಭೇಟಿ ನೀಡಿ ಮಾಹಿತಿ ಕಲೆ ಹಾಕಿತು.
ತ್ಯಾಜ್ಯವನ್ನು ಎಸ್ಒಪಿ (ಸ್ಟಾಂಡರ್ಡ್ ಆಪರೇಟಿಂಗ್ ಪ್ರೋಸಿಜರ್) ಹಾಗೂ ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ (ಕೆಎಸ್ಪಿಸಿಬಿ) ನಿಗದಿಪಡಿಸಿರುವ ನಿಯಮಾನುಸಾರ ವಿಲೇವಾರಿ ಮಾಡಲಾಗುತ್ತಿದೆಯೇ ಎಂಬುದನ್ನು ಅಧಿಕಾರಿಗಳು ಪರಿಶೀಲಿಸಿದರು. ಕೆಲ ಕಾರ್ಖಾನೆಗಳಿಂದ ಹೊಗೆ ಹೊರಸೂಸುತ್ತಿರುವುದು, ಅಂತರ್ಜಲ ಗುಣಮಟ್ಟದ ಮೇಲೂ ಪರಿಣಾಮ ಬೀರುವ ಕುರಿತು ಮಾಹಿತಿ ಸಂಗ್ರಹಿಸಿದರು.
ತಹಸೀಲ್ದಾರ್ ಜಗದೀಶ್ ಚೌರ, ತಾಪಂ ಇಒ ದೀಪಿಕಾ ನಾಯ್ಕರ್, ಪಿಎಸ್ಐ ಸುರೇಶಕುಮಾರ, ಮಾಲಿನ್ಯ ನಿಯಂತ್ರಣ ಮಂಡಳಿ ಅಧಿಕಾರಿ ಸಂತೋಷ, ಜೆಸ್ಕಾಂ ಸಹಾಯಕ ನಿರ್ದೇಶಕ ರಮೇಶ್ ಮೈನಳೆ ಇತರರಿದ್ದರು.-----------
ಡಿಸಿ ನಿರ್ದೇಶನದಂತೆ ಗಡವಂತಿ ಕೈಗಾರಿಕಾ ಪ್ರದೇಶದ ಕೆಂಪು ವರ್ಗಕ್ಕೆ ಸೇರಿರುವ ಕೈಗಾರಿಕೆಗಳಿಗೆ ನನ್ನ ನೇತೃತ್ವದಲ್ಲಿ ತಹಸೀಲ್ದಾರ್, ಪರಿಸರ ಅಧಿಕಾರಿ, ತಾಪಂ ಇಒ, ಕೈಗಾರಿಕಾ ಅಧಿಕಾರಿ, ಪೊಲೀಸರೊಂದಿಗೆ ಎಂಟು ಕಾರ್ಖಾನೆ ಪರಿಶೀಲನೆ ನಡೆಸಿಲಾಗುವುದು. ಇಂದು 6 ಕಾರ್ಖಾನೆ ಪರಿಶೀಲಿಸಿದ್ದು, ಮೇಲಧಿಕಾರಿಗಳಿಗೆ ವರದಿ ಸಲ್ಲಿಸಲಾಗುವುದು.
— > -ಪ್ರಕಾಶ ಕುದರೆ ಸಹಾಯಕ ಆಯುಕ್ತ