ಬೆಳೆ ವಿಮೆ ಪರಿಹಾರ ವಿತರಣೆಯಲ್ಲಿ ಅನ್ಯಾಯ

ಚಿತ್ತಾಪುರ: ಬೆಳೆ ವಿಮೆ ಪರಿಹಾರ ವಿತರಿಸುವಲ್ಲಿ ತಾರತಮ್ಯ ಆಗಿದ್ದು, ದಿಗ್ಗಾಂವ್​ ಹಾಗೂ ಮೊಗಲಾ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ರೈತರಿಗೆ ಅಲ್ಪ ಪರಿಹಾರ ವಿತರಿಸಲಾಗಿದೆ ಎಂದು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ತಾಲೂಕು ಅಧ್ಯಕ್ಷ ಶಾಮರಾಯ ಸಂಗಾವಿ ದೂರಿದರು.

ಪ್ರಜಾಸೌಧದ ಕಚೇರಿಯಲ್ಲಿ ಶುಕ್ರವಾರ ತಹಸೀಲ್ದಾರ್​ ನಾಗಯ್ಯ ಹಿರೇಮಠ ಹಾಗೂ ಸಹಾಯಕ ಕೃಷಿ ನಿರ್ದೇಶಕ ಸಂಜೀವಕುಮಾರ ಮಾನಕರ ಅವರಿಗೆ ಮನವಿಪತ್ರ ಸಲ್ಲಿಸಿದ್ದು, ತಾಲೂಕಿನ ರೈತರಿಗೆ ಬೆಳೆ ವಿಮೆ ಹಣ ಈಗಾಗಲೇ ಕೆಲವು ಕಂತುಗಳ ಹಣ ಮಂಜೂರಿ ಮಾಡಿರುತ್ತಾರೆ. ಆದರೆ ಬಹುತೇಕ ರೈತರಿಗೆ 2025-26ನೇ ಸಾಲಿನ ಕಡೆಯ ಕಂತಿನ ಹಣ ಜಮೆ ಆಗಿರುವುದಿಲ್ಲ. ಬಹುಸಂಖ್ಯಾತರ ರೈತರಿಗೆ ಬೆಳೆ ವಿಮೆ ಹಣ ಬಂದಿಲ್ಲ ಎಂದು ಕಿಡಿಕಾರಿದರು.

ಪರಿಹಾರ ಹಣ ಆ.3ರೊಳಗಾಗಿ ಮಂಜೂರು ಮಾಡಲು ಸಂಬಂಧಪಟ್ಟ ಅಧಿಕಾರಿಗಳಿಗೆ ಆದೇಶ ಮಾಡಬೇಕು. ರ್ನಿಲಕ್ಷ ವಹಿಸಿದರೆ ಚಿತ್ತಾಪುರದ ಅಂಬೇಡ್ಕರ್​ ವೃತ್ತದಿಂದ ಲಾಡ್ಜಿಂಗ್​ ಕ್ರಾಸ್​ವರೆಗೂ ಬೃಹತ್​ ಪ್ರತಿಭಟನಾ ಮೆರವಣಿಗೆ ನಡೆಸಲಾಗುವುದು. ಜಿಲ್ಲಾಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡುವವರೆಗೂ ಹೋರಾಟ ನಿಲ್ಲಿಸುವುದಿಲ್ಲ ಎಂದು ಎಚ್ಚರಿಕೆ ನೀಡಿದರು.

ಜಿಲ್ಲಾ ಕಾರ್ಯಧ್ಯಕ್ಷ ಶ್ರೀಶೈಲ್​ ಪಾಟೀಲ್​ ದಿಗ್ಗಾಂವ್​, ತಾಲೂಕು ಗೌರವ ಅಧ್ಯಕ್ಷ ಆಯಿಲ್​ರೆಡ್ಡಿ ಪಾಟೀಲ್​ ಯರಗಲ್​, ಉಪಾಧ್ಯಕ್ಷ ಅರ್ಜುನ ಸಾಲಹಳ್ಳಿ, ಪ್ರಧಾನ ಕಾರ್ಯದರ್ಶಿ ಬಸವರಾಜ ಬಿರಾದಾರ, ಪ್ರಮುಖರಾದ ಗುರುಲಿಂಗಪ್ಪ ಕೆಂಪನೋರ, ಕಿಶನ್​ ಪವಾರ್​, ಶಿವಯೋಗಿ ಕಲ್ಕರಿ, ವಿಜಯಕುಮಾರ ರಾಠೋಡ್​, ಅಶೋಕ ಗುತ್ತೇದಾರ್​, ಮಲ್ಲಿಕಾರ್ಜುನ ಬಂದಳ್ಳಿ, ಶಂಭುಲಿಂಗ ಸಂಗಾವಿ, ವೀರೇಶ ಭಂಗಿ, ಭೀಮರಾಯ ದೇವರ, ದೇವಿಂದ್ರಪ್ಪ ಅಲ್ಲೂರ, ಶರಣಪ್ಪ ಅವಂಟಿ, ಸಾಬಣ್ಣ ಪೂಜಾರಿ, ಸಾಬಣ್ಣ ಡಿಗ್ಗಿ, ಮಹ್ಮದ್​ ದಸ್ತಗಿರ, ಮೌಲನಸಾಬ, ಭಾಗಪ್ಪ ದೊರೆ ಇತರರಿದ್ದರು.