ಭಾರತೀಯ ಕೃಷಿಕರು ವಿಶ್ವಕ್ಕೆ ಮಾದರಿ Indian farmers

ತಾಲೂಕಿನ ನರಸಿಂಹ ತೀರ್ಥ ಸಮೀಪವಿರುವ ಸ್ವಾಮಿ ವಿವೇಕಾನಂದ ವಿದ್ಯಾಸಂಸ್ಥೆಯಲ್ಲಿ ಕಿಸಾನ್​ ಸಂಘದ ತಾಲೂಕು ಸಮಿತಿ ಹಾಗೂ ಗ್ರಾಮ ಸಮಿತಿಗಳ ಪ್ರತಿನಿಧಿಗಳ ಒಂದು ದಿನದ ಪ್ರಶಿಕ್ಷಣ ವರ್ಗ, ಗೋವುಪೂಜೆ, ರಾಶಿ ಪೂಜೆ, ಭಾರತಮಾತೆ ಮತ್ತು ಭಗವಾನ್​ ಬಲರಾಮ ಪೂಜೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ನೇಪಾಳದ ಪಶುಪತಿನಾಥ ದೇವಾಲಯದಿಂದ ಹಿಡಿದು ತಿರುಪತಿಯ ಶ್ರೀನಿವಾಸ ದೇವಾಲಯದವರೆಗೂ ಹಲವಾರು ಪ್ರಸಿದ್ಧ ದೇವಾಲಯಗಳಲ್ಲಿ ತ್ಯದ ನೈವೇದ್ಯಕ್ಕೆ ವಿವಿಧ ತಳಿಗಳ ಭತ್ತ ಬೆಳೆದುಕೊಡುತ್ತಿದ್ದರು. ದೇಶಿಯ ನಾಟಿ ಹಸುವಿನ ಹಾಲು&ಮೊಸರು &ತುಪ್ಪವನ್ನು ನೀಡುತ್ತಿದ್ದ ಭಾರತೀಯ ಕೃಷಿಕರು ವಿಶ್ವಕ್ಕೆ ಮಾದರಿಯಾಗಿದ್ದಾರೆ ಎಂದರು.

ಬಿಕೆಎಸ್​ ಕರ್ನಾಟಕ ದಕ್ಷಿಣ ಪ್ರಾಂತ್ಯದ ಸಂಘಟನಾ ಕಾರ್ಯದರ್ಶಿ ಕೆ.ಎನ್​.ನಾರಾಯಣಸ್ವಾಮಿ ಮಾತನಾಡಿ, ಇದು ರೈತರಿಗಾಗಿ, ರೈತರಿಂದ, ರೈತರ ಮೂಲಕ ನಡೆಯುವ ಸಂಘಟನೆಯಾಗಿದ್ದು, ರೈತ ಬೆಳೆದ ಬೆಳೆಗಳಿಗೆ ಲಾಭದಾಯಕ ಬೆಲೆ, ಜಿಎಸ್​ಟಿ ರದ್ದು ಮತ್ತು ಕೃಷಿ ಒಳಹರಿವಿನ ಬೆಲೆ ಏರಿಕೆಗೆ ಅನುಗುಣವಾಗಿ ಪಿಎಂ ಕಿಸಾನ್​ ನಿಧಿ ಹೆಚ್ಚಳದಂತಹ ಬೇಡಿಕೆಗಳಿಗಾಗಿ ಹೋರಾಡುತ್ತದೆ ಎಂದರು.

ಕಿಸಾನ್​ ಸಂಘದ ಕಾರ್ಯ ನೀತಿ ದಕ್ಷಿಣ ಪ್ರಾಂತ ಉಪಾಧ್ಯಕ್ಷ ಎ.ಅಪ್ಪಾಜಿಗೌಡ ಮಾತನಾಡಿ, ಯಾವುದೇ ರಾಜಕೀಯ ಸಂಬಂಧವಿಲ್ಲದೆ, ಕೇವಲ ರೈತರ ಹಿತಕ್ಕಾಗಿ ಕೆಲಸಕ್ಕೆ 1978ರಲ್ಲಿ ದತ್ತೋಪಂತ್​ ಥೇಂಗಡಿ ಸ್ಥಾಪಿಸಿದರು. ಭಾರತದ ರೈತರ ಸಮಗ್ರ ಅಭಿವೃದ್ಧಿಗಾಗಿ ಕೆಲಸ ಮಾಡುವ ಒಂದು ರೈತ ಸಂಘಟನೆಯಾಗಿದೆ, ಇದನ್ನು ತಾಲೂಕಿನ ಗ್ರಾಮ ಗ್ರಾಮಗಳಲ್ಲಿ ಕಾರ್ಯ ಚಟುವಟಿಕೆಗಳನ್ನು ಜಾತ್ಯಾತಿತವಾಗಿ ಪಕ್ಷಾತಿತವಾಗಿ ರೈತರನ್ನು ಸಂಘಟಿಸುವ ಮೂಲಕ ಕಾರ್ಯ ನಿರ್ವಹಿಸುತ್ತಿರುವುದು ಮಾದರಿಯಾಗಿದೆ ಎಂದರು.

ಸಾಧಕ ಕೃಷಿಕರಾದ ತೊಂಡಹಳ್ಳಿ ಪ್ರಭಾಕರ್​, ಡಿ.ಕುರುಬರಹಳ್ಳಿ ಪಾಪಮ್ಮ, ಮಿಣಿಜೇನಹಳ್ಳಿ ಪಾಪಮ್ಮ, ಹಾಸನದ ಡಾ.ಯೋಗೇಶ್​, ಜಿಲ್ಲಾ ಉಪಾಧ್ಯಕ್ಷ ಅರಹಳ್ಳಿ ಶ್ರೀನಿವಾಸಗೌಡ, ಜಿಲ್ಲಾ ಕೋಶಾಧ್ಯಕ್ಷ ವಕೀಲ ವಿ.ಜಯಪ್ಪ, ಮಹಿಳಾ ಪ್ರಮುಖ್​ ಬಿ.ಎಸ್​.ಶಶಿಕಲಾ, ಜಿಲ್ಲಾ ಕಾರ್ಯದರ್ಶಿ ಕೆ.ಗೋಪಾಲರೆಡ್ಡಿ, ಯುವ ಪ್ರಮುಖ ನಂಗಲಿ ಸತೀಶ್​, ಉಪಾಧ್ಯಕ್ಷ ವೆಂಕಟರಾಮಚಾರಿ, ನಗರ ಘಟಕದ ಅಧ್ಯಕ್ಷ ಧನಂಜಯ ಇದ್ದರು.