ತೊಂಡೆಬಾವಿ ಹೋಬಳಿಯ ಅಲ್ಲಿಪುರದ ಸರ್ಕಾರಿ ಪ್ರೌಢಶಾಲೆ ಕೊಠಡಿಗಳನ್ನು ಹೊಸೆಟ್ ಸಂಸ್ಥೆಯ ವೀರಣ್ಣಗೌಡ ಮತ್ತು ಮಂಜುನಾಥ್ ಉದ್ಘಾಟಿಸಿದರು. ಮುಖ್ಯಶಿಕ್ಷಕ ಶ್ರೀನಿವಾಸ್, ಅಂಜುಮನ್ ಸಂಘದ ಅಧ್ಯಕ್ಷ ಅಂಜುಮನ್ ಇ ಜಪಾರ್ಯ, ನವೀನ್ ಕುಮಾರ್ ಇತರರು ಇದ್ದರು.
ಹೋಬಳಿಯ ಅಲ್ಲಿಪುರದ ಸರ್ಕಾರಿ ಪ್ರೌಢಶಾಲೆಯಲ್ಲಿ ಮಕ್ಕಳ ಉತ್ತಮ ಶಿಕ್ಷಣಕ್ಕೆ ಪೂರಕ ವಾತಾವರಣ ನಿರ್ಮಿಸಲು ಕೊಠಡಿಗಳ ನಿಮಾರ್ಣ ಮಾಡಲಾಗಿದೆ ಎಂದು ಮುಖ್ಯಶಿಕ್ಷಕ ಶ್ರೀನಿವಾಸ್ ತಿಳಿಸಿದರು.
ಅಲ್ಲಿಪುರ ಸರ್ಕಾರಿ ಪ್ರೌಢಶಾಲೆ ಹೊಸೆಟ್ ಸಂಸ್ಥೆಯ ನೆರವಿನೊಂದಿಗೆ 60 ಲಕ್ಷ ಅನುದಾನದಲ್ಲಿ ನಿಮಾರ್ಣವಾದ 4 ಶಾಲಾ ಕಟ್ಟಡಗಳನ್ನು ಹೊಸೆಟ್ ಸಂಸ್ಥೆಯವರಾದ ವೀರಣ್ಣಗೌಡ ಮತ್ತು ಮಂಜುನಾಥ್ ಉದ್ಘಾಟಿಸಿ ಮಾತನಾಡಿ, ಸ್ಮಾರ್ಟ್ ಕ್ಲಾಸ್, ಶೌಚಾಲಯ, ಕುಡಿಯುವ ನೀರಿನ ಸೌಲಭ್ಯ ಹೀಗೆ ಸೌಕರ್ಯ ಸರಿಯಾದ ರೀತಿಯಲ್ಲಿ ಇದ್ದಾಗ ಮಕ್ಕಳಿಗೆ ಶಿಕ್ಷಣಕ್ಕೆ ಅನೂಕೂಲವಾತ್ತದೆ ಎಂದರು.
ಅಂಜುಮನ್ ಸಂಘದ ಅಧ್ಯಕ್ಷ ಅಂಜುಮನ್ ಇ ಜಪಾರ್ಯ ಮಾತನಾಡಿ, ಶಾಲಾ ಕಟ್ಟಡಗಳನ್ನು ಸರಿಯಾದ ರೀತಿಯಲ್ಲಿ ಸದ್ಬಳಕೆ ಮಾಡಿಕೊಳ್ಳಬೇಕು ಎಂದರು.
ನವೀನ್ ಕುಮಾರ್ ಮಾತನಾಡಿ, ಕುಮಾರಿ ರಿಯಾಜ್ಡ್ ಯುಎಸ್ಎ ಹೊಸಟ್ ಸಂಸ್ಥೆಯ ಸಂಸ್ಥಾಪಕರ ನೆರವಿನೊಂದಿಗೆ ನಿಮಾರ್ಣವಾದ ಕಟ್ಟಡವನ್ನು ಸರಿಯಾಗಿ ಸದ್ಬಳಕೆ ಮಾಡಿಕೊಳ್ಳಬೇಕು ಎಂದರು.
ಸಂಘದ ಕಾರ್ಯದರ್ಶಿ ನೀರ್ ಶಹಬಾದ್ ಹುಸೇನ್, ಮುಖ್ಯಶಿಕ್ಷಕ ಶ್ರೀನಿವಾಸ್, ಎಚ್ಡಿಎಂಸಿ ಅಧ್ಯಕ್ಷ ನಟರಾಜ್, ನವೀನ್ ಕುಮಾರ್ ಇತರರು ಇದ್ದರು.