Iconic Urvashi theatre Demolish
- ಲೀಸ್ ಅವಧಿ ಮುಕ್ತಾಯ.. ಭೂ ಮಾಲೀಕರಿಂದ ಊರ್ವಶಿ ಥಿಯೇಟರ್ ನೆಲಸಮ.
- ಕನ್ನಡ ಮಾತ್ರವಲ್ಲ ಹಿಂದಿ, ತಮೀಳು, ತೆಲುಗು ಸಿನಿಮಾಗಳ ಪಾಲಿಗೂ ಇದೊಂದು ಲಕ್ಕಿ ಥಿಯೇಟರ್
- 1970ರಲ್ಲಿ ನಿರ್ಮಾಣವಾಗಿರೋ ಊರ್ವಶಿ ಥಿಯೇಟರ್ ದೇಶದ ಅತಿ ದೊಡ್ಡ ಐಕಾನಿಕ್ ಸಿಂಗಲ್ ಸ್ಕ್ರೀನ್
Iconic Urvashi theatre Demolish: 1970ರಲ್ಲಿ ಡಾ.ರಾಜ್ ಕುಮಾರ್ ಅವರಿಂದ ಉದ್ಘಾಟನೆಯಾಗಿದ್ದ ಐತಿಹಾಸಿಕ, ಸಿಂಗಲ್ ಸ್ಕ್ರೀನ್ ಥಿಯೇಟರ್ ಊರ್ವಶಿ ಚಿತ್ರಮಂದಿರ ಇಂದು ನೆಲಸಮಗೊಂಡಿದೆ. ಐದು ಸಾವಿರಕ್ಕೂ ಹೆಚ್ಚು ಸಿನಿಮಾಗಳ ಪ್ರದರ್ಶನಕ್ಕೆ ಸಾಕ್ಷಿಯಾಗಿದ್ದ ಇದು ಇನ್ನು ನೆನಪು ಮಾತ್ರ.
ಬೆಂಗಳೂರಿನ ಲಾಲ್ ಬಾಗ್ ರಸ್ತೆ ಬಳಿ ಇರುವ ಈ ಊರ್ವಶಿ ಥಿಯೇಟರ್ಗೆ 55 ವರ್ಷಗಳ ಇತಿಹಾಸವಿದೆ. ಆದರೆ.. ಯಶ್ ಅಭಿನಯದ ಟಾಕ್ಸಿಕ್ ಸಿನಿಮಾ ರಿಲೀಸ್ ಆಗುವ ಮುನ್ನವೇ
ಸುಪ್ರೀಂ ಕೋರ್ಟ್ನ ತೀರ್ಪಿನಿಂದಾಗಿ
ಡೆಮಾಲಿಶ್ ಆಗುತ್ತಿರುವುದು ಹಲವರ ಬೇಸರಕ್ಕೆ ಕಾರಣವಾಗಿದೆ. ಜೊತೆಗೆ ಇದು ಸೆಲಬ್ರೆಟಿಗಳ ಫೇವರೇಟ್ ಥಿಯೇಟರ್ ಆಗಿತ್ತು.
ಸೆಲಬ್ರೆಟಿಗಳ ಪಾಲಿನ ಲಕ್ಕಿ ಥಿಯೇಟರ್
1970ರಲ್ಲಿ ನಿರ್ಮಾಣವಾಗಿರೋ ಊರ್ವಶಿ ಥಿಯೇಟರ್ ದೇಶದ ಅತಿ ದೊಡ್ಡ ಐಕಾನಿಕ್ ಸಿಂಗಲ್ ಸ್ಕ್ರೀನ್ಗಳಲ್ಲಿ ಒಂದು
ಬಸೆಟ್ಟಿ ಶೆಟ್ಟಿ ಎಂಬುವವರಿಂದ ಶ್ರೀನಿವಾಸ ಎಂಟರ್ಪ್ರೈಸಸ್ ಸಂಸ್ಥೆಯು ಲೀಜ್ಗೆ 1970ರಲ್ಲಿ ಜಾಗ ಖರೀದಿ ಮಾಡಿತ್ತು. 45 ವರ್ಷಕ್ಕೆ ಭೋಗ್ಯಕ್ಕೆಂದು ಒಪ್ಪಂದ ಮಾಡಿಕೊಳ್ಳಲಾಗಿತ್ತು. ಅದರ ಕಾಲಾವಧಿ 2018ಕ್ಕೆ ಮುಗಿದಿದ್ದ ಹಿನ್ನೆಲೆ, ಕೇಸ್ ಕೋರ್ಟ್ ಮೆಟ್ಟಿಲೇರಿತ್ತು. 2026ರ ಫೆಬ್ರವರಿ 15ರೊಳಗೆ ಜಾಗ ಬಿಟ್ಟುಕೊಡಲು ಹೈಕೋರ್ಟ್ ಆದೇಆಇಸಿತ್ತು. ನಂತರ ಈ ಕೇಸ್ ಸಂಬಂಧ ಸುಪ್ರೀಂ ಕೋರ್ಟ್ನಲ್ಲಿ ವಿಚಾರಣೆ ನಡೆಯುತ್ತಿತ್ತು. ಕೋರ್ಟ್ ಆದೇಶದ ನಂತರ ಜಾಗ ಡೆಮಾಲಿಷ್ ಮಾಡಲಾಗಿದೆ ಎನ್ನಲಾಗಿದೆ
2026ರ ಆರಂಭದಿಂದ ಸಿನಿಮಾ ಪ್ರದರ್ಶನ ಮುಂದುವರೆದಿತ್ತು. ದುನಿಯಾ ವಿಜಯ್ ನಟನೆಯ ಲ್ಯಾಂಡ್ಲಾರ್ಡ್ ಸಿನಿಮಾ ಪ್ರದರ್ಶನ ಕಂಡ ನಂತರ ಕೆಲ ಕಾಲ ಸ್ಥಗಿತಗೊಳಿಸಲಾಗಿತ್ತು. ಆನಂತರ ಧುರಂಧರ್ ದಿ ರಿವೇಂಜ್ ಪ್ರದರ್ಶನ ಕಂಡುಕೊಂಡಿತ್ತು. ಸದ್ಯ ಭಾನುವಾರದವರೆಗೂ ಬೆಥ್ಲಹೆಮ್ ಕುಟುಂಬಂ ಯೂನಿಟ್ ಪ್ರದರ್ಶನವಿತ್ತು. ಆದರೆ ಅದಕ್ಕೂ ಮುನ್ನವೇ ನೆಲಸಮಗೊಳಿಸಲಾಗಿದೆ.
ಈ ಸಿನಿಮಾ ಹಿಟ್ ಕಂಡಿದ್ದವು
ಅಮೆರಿಕಾ ಅಮೆರಿಕಾ, ಎಕೆ 47, ಇಂಡಿಯನ್, ಶಿವಾಜಿ, ಬಾಹುಬಲಿ ಹಾಗೂ ಕೆಜಿಎಫ್, ಕಾಂತಾರಾ ಸೇರಿದಂತೆ ಹಲವು ಹಿಟ್ ಸಿನಿಮಾಗಳು ಇಲ್ಲಿ ಪ್ರದರ್ಶನವಾಗಿವೆ, (ಏಜೆನ್ಸೀಸ್).