ಆನೇಕಲ್ನಲ್ಲಿ ವಾಟಳ್ ಸಂಘದಿಂದ ಹಮ್ಮಿಕೊಂಡಿದ್ದ ರಾಜ್ಯೋತ್ಸವದಲ್ಲಿ ಶಿಕ್ಷಣ ತಜ್ಞ ಜಿ.ಎಂ.ಆರ್.ಮುನಿರಾಜು ಅವರನ್ನು ಸನ್ಮಾನಿಸಲಾಯಿತು. ಅಸ್ಲಾಂಪಾಶ, ಚುಟುಕು ಶಂಕರ್, ಮುನಿರಾಜು, ಗಿರೀಶ್, ಅನಿತಾ, ಇಲಿಯಾಸ್ ಖಾನ್, ಕಿರುತೆರೆ ನಟ ಚಂದ್ರು, ನಿರ್ದೇಶಕ ಗುಡ್ನಳ್ಳಿ ಮುನಿರಾಜು ಇದ್ದರು.
ಆನೇಕಲ್ : ನಾಡು&ನುಡಿ ಹಾಗೂ ಸಂಸತಿಗಾಗಿ ಸೇವೆ ಸಲ್ಲಿಸಿದವರನ್ನು ಸನ್ಮಾನಿಸುವುದು ಮತ್ತು ಅವರ ಮಾರ್ಗದರ್ಶನದಲ್ಲಿ ಮುನ್ನಡೆಯುವುದು ನಮ್ಮೆಲ್ಲರ ಕರ್ತವ್ಯ ಎಂದು ವಾಟಾಳ್ ನಾಗರಾಜ್ ಅಭಿಮಾನಿಗಳ ಸಂಘದ ತಾಲೂಕು ಅಧ್ಯಕ್ಷ ಸನಾವುಲ್ಲ ತಿಳಿಸಿದರು.
ಪಟ್ಟಣದ ಉದಯಕುಮಾರ್ ವೃತ್ತದಲ್ಲಿ ವಾಟಾಳ್ ಸಂಘದಿಂದ ಆಯೋಜಿಸಿದ್ದ ಕನ್ನಡ ರಾಜ್ಯೋತ್ಸವದಲ್ಲಿ ಮಾತನಾಡಿ, ವೈಯುಕ್ತಿಕ ಬದುಕಿನ ಜತೆಗೆ ನಾಡು&ನುಡಿಗಾಗಿ ಸೇವೆ ಸಲ್ಲಿಸುವವರನ್ನು ಸಂಘಟನೆಗಳು ರಾಜ್ಯೋತ್ಸವದ ವೇಳೆ ಗೌರವಿಸುತ್ತಾ ಬಂದಿವೆ. ಇದು ಸಂಘಟನೆಗಳ ಜವಾಬ್ದಾರಿಯೂ ಹೌದು. ವಾಟಾಳ್ ಸಂಘದಿಂದ ಪ್ರತಿ ವರ್ಷವೂ ಇಂತಹ ಸಾಧಕರನ್ನು ಸಮಾಜಕ್ಕೆ ಪರಿಚಯಿಸುವ ಕಾರ್ಯ ಜರುಗುತ್ತಿದೆ ಎಂದು ತಿಳಿಸಿದರು.
ದಲಿತಪರ ಹೋರಾಟಗಾರ ಡಿ.ವೆಂಕಟೇಶ್ ಮಾತನಾಡಿ, ಹೊರನಾಡ ಭಾಷೆ ಮತ್ತು ಆಚಾರ&ವಿಚಾರಗಳು ನಿರಂತರ ಪ್ರಭಾವ ಬೀರುವ ಗಡಿನಾಡ ಪ್ರದೇಶಗಳಲ್ಲಿ ಕನ್ನಡ ಸಂಸತಿಯನ್ನು ಉಳಿಸಿ, ಬೆಳೆಸುವುದು ಸುಲಭದ ಮಾತಲ್ಲ. ಇಂಥಹ ಮಿತಿಗಳನ್ನು ಮೀರಿ ಪ್ರಾದೇಶಿಕ ಭಾಷೆಯನ್ನು ಸಂರಕ್ಷಿಸುವ ಕಾರ್ಯವನ್ನು ವಾಟಾಳ್ ಸಂ ಮಾಡುತ್ತಿದೆ ಎಂದರು.
ಇದೇ ವೇಳೆ ಕಲಾ ಕೇಸರಿ ಉದಯ್ ಕುಮಾರ್ ನಾಮಫಲಕಕ್ಕೆ ಪುಷ್ಪ ನಮನ ಸಲ್ಲಿಸಲಾಯಿತು. ತಾಲೂಕಿನ ಶಿಕ್ಷಣ ತಜ್ಞ ಜಿ.ಎಂ.ಆರ್. ಮುನಿರಾಜು, ಪತ್ರಕರ್ತ ಪ್ರಸನ್ನ ಕುಮಾರ್, ವಕೀಲೆ ಅನುರಾಧಾ, ವಿಕ್ರಂ ಉದಯ್ ಕುಮಾರ್, ತಿರುಪಾಳ್ಯ ಮುನಿರಾಜು, ನಿವೃತ್ತ ಶಿಕ್ಷಕ ಸೈಯದ್ ರಹಮತುಲ್ಲಾ ಅವರನ್ನು ಸನ್ಮಾನಿಸಿ ಗೌರವಿಸಲಾಯಿತು.