2028ರ ಚುನಾವಣಾ ಕದನಕ್ಕೆ ಕೈ ತಾಲೀಮು 2028 election battle

ಅದರ ಅಂಗವಾಗಿ ತಾಲೂಕಿನ ದುಗ್ಗಸಂದ್ರ ಹೋಬಳಿ ವ್ಯಾಪ್ತಿಯಲ್ಲಿ ಆವಣಿ ಬ್ಲಾಕ್​ ಕಾಂಗ್ರೆಸ್​ ಅಧ್ಯಕ್ಷ ವಿ.ಆದಿನಾರಾಯಣ ನೇತೃತ್ವದಲ್ಲಿ "ಕಾಂಗ್ರೆಸ್​ ನಡಿಗೆ ಹಳ್ಳಿಗಳ ಕಡೆಗೆ' ಎಂಬ ಕಾರ್ಯಕ್ರಮ ಮೂಲಕ ಚಾಲನೆ ದೊರೆತಿದೆ. ದುಗ್ಗಸಂದ್ರ ಹೋಬಳಿಯ ಪ್ರತಿ ಗ್ರಾಮಕ್ಕೂ ಭೇಟಿ ನೀಡಿ ಸರ್ಕಾರದ ಪಂಚ ಗ್ಯಾರಂಟಿಗಳ ಬಗ್ಗೆ ಸ್ವ&ಸಹಾಯ ಸಂಘದ ಮಹಿಳೆಯರಿಗೆ ಹಾಗೂ ಸಾರ್ವಜನಿಕರಿಗೆ ಅರಿವು ಮೂಡಿಸುವ ಹಾಗೂ ಆದಿನಾರಾಯಣ ಚಾರಿಟಬಲ್​ ಟ್ರಸ್ಟ್​ನಿಂದ "ದೀರ್ಘಸುಮಂಗಲೀ ಭವ' ಹಮ್ಮಿಕೊಳ್ಳುವ ಕುರಿತು ಮಾಹಿತಿ ನೀಡಲಾಗುತ್ತಿದೆ.

ಕಾಂಗ್ರೆಸ್​ ಸರ್ಕಾರದ ಯೋಜನೆಗಳು ಪ್ರತಿ ಫಲಾನುಭವಿಗೂ ಸಿಗಬೇಕು. ಕೈ ತಪ್ಪಿರುವವರಿಗೆ ಯೋಜನೆ ಸೌಲಭ್ಯ ಒದಗಿಸುವ ನಿಟ್ಟಿನಲ್ಲಿ ಗ್ರಾಮಗಳ ಭೇಟಿಯಲ್ಲಿ ಆದ್ಯತೆ ನೀಡಲಾಗಿದೆ. ಜೆಡಿಎಸ್​ ಮತ್ತು ಬಿಜೆಪಿಗಿಂತಲೂ ಜನರ ಕಷ್ಟ ಪರಿಹರಿಸಲು ತಾಲೂಕು ಕಾಂಗ್ರೆಸ್​ ಸದಾ ಸಿದ್ಧವಿದೆ ಎಂಬ ಅಭಯದ ಮೂಲಕ ಕಾಂಗ್ರೆಸ್​ನತ್ತ ಜನರನ್ನು ಸೆಳೆಯುವ ಕಸರತ್ತು ಶುರುವಾಗಿದೆ.

.

ಆದಿನಾರಾಯಣ ಚಾರಿಟಬಲ್​ ಟ್ರಸ್ಟ್​ನಿಂದ ತಾಲೂಕಿನ ಗ್ರಾಮಗಳ ಹೆಣ್ಣು ಮಕ್ಕಳಿಗೆ ಅರಿಶಿಣ, ಕುಂಕುಮ, ಸೀರೆ ಕುಪ್ಪಸ ತೆಂಗಿನ ಕಾಯಿ ಒಳಗೊಂಡ ಬಾಗಿನ ಕಾರ್ಯಕ್ರಮವನ್ನು ಹಳ್ಳಿ ಮಟ್ಟದಲ್ಲಿ ಹಮ್ಮಿಕೊಳ್ಳುವ ಪೂರ್ವಭಾವಿ ಸಭೆಗಳನ್ನು ನಡೆಸಿ ಮುಂಬರುವ ಗ್ರಾಪಂ, ತಾಲೂಕು, ಜಿಲ್ಲಾ ಪಂಚಾಯಿತಿ ಎಲೆಕ್ಷನ್​ಗೆ ಕಾಂಗ್ರೆಸ್​ ಅಡಿಪಾಯ ಗಟ್ಟಿಗೊಳಿಸುವ ಕಾರ್ಯಕ್ಕೆ ಮುಂದಾಗಿದೆ.

ನಗರ ಬ್ಲಾಕ್​ ಕಾಂಗ್ರೆಸ್​ ಅಧ್ಯಕ್ಷ ಅಮಾನುಲ್ಲ, ಕಾಂಗ್ರೆಸ್​ ಮುಖಂಡರಾದ ಜಿ.ರಾಮಲಿಂಗಾರೆಡ್ಡಿ, ಆರ್​. ಆರ್​. ರಾಜೇಂದ್ರಗೌಡ, ಎಂ.ಸಿ.ಸರ್ವಜ್ಞ ಗೌಡ, ಗುಜ್ಜನಹಳ್ಳಿ ಮಂಜುನಾಥ್​, ಕೆ.ಎನ್​. ಉಮಾಶಂಕರ್​, ಆರ್​.ಎಸ್​. ಸುಹಾಸ್​ ಶೆಟ್ಟಿ, ಕೆ. ಸತೀಶ್​, ಸಿದ್ಧಘಟ್ಟ ಮುನಿಸ್ವಾಮಿಗೌಡ, ಕೆ.ಎಂ. ವೆಂಕಟರಾಮರೆಡ್ಡಿ, ಮಲ್ಲಿಕಾರ್ಜುನರೆಡ್ಡಿ, ಹನುಮನಹಳ್ಳಿ ಸುಬ್ರಮಣ, ಪಿ.ಎಂ. ಸದಾಶಿವಯ್ಯ, ಜಮ್ಮನಹಳ್ಳಿ ಕೃಷ್ಣ, ಕಗ್ಗಿನಹಳ್ಳಿ ಶ್ರೀನಿವಾಸ್​, ಶಶಿಕಲಾ, ತಿರುವೇಣಿಯಮ್ಮ, ಭೈರೇಗೌಡ, ಅಮರ್​ ಮತ್ತಿತರ ಮಖಂಡರು ಕಾಂಗ್ರೆಸ್​ ನಡಿಗೆ ಹಳ್ಳಿಗಳ ಕಡೆಗೆ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ಮೂಲಕ ಕಾರ್ಯಕ್ರಮ ಯಶಸ್ವಿಗೆ ಕಾರ್ಯ ನಿರ್ವಹಿಸುತ್ತಿದ್ದಾರೆ.