ಕಲಬುರಗಿಯ ಗುರುಕುಲ ಪಿಯು ವಾಣಿಜ್ಯ ಕಾಲೇಜಿನಲ್ಲಿ ಸೋಮವಾರ ಆಯೋಜಿಸಿದ್ದ ವಿದ್ಯಾರ್ಥಿಗಳ ಸ್ವಾಗತ ಸಮಾರಂಭದಲ್ಲಿ ವಿಲಾಸ ಬಗಾಡೆ, ಸಂತೋಷ ಕುಲಕರ್ಣಿ, ಮಂಗೇಶಕುಮಾರ ಖಡಕೆ, ರವಿಕುಮಾರ ವಲ್ಲಮಸೆಟ್ಟಿ, ರಮೇಶ ಕುಲಕರ್ಣಿ ಇದ್ದರು.
- ಪ್ರಾಚಾರ್ಯ ವಿಲಾಸ ಬಗಾಡೆ ಹೇಳಿಕೆ
- ಗುರುಕುಲ ಪಿಯು ವಾಣಿಜ್ಯ ಕಾಲೇಜಿನಲ್ಲಿ ಸ್ವಾಗತ ಸಮಾರಂಭ
ಕಲಬುರಗಿ: ಒಳ್ಳೆಯ ಗುರಿ, ಸೂಕ್ತ ಮಾರ್ಗದರ್ಶನದಿಂದ ಮಾತ್ರ ಯಶಸ್ಸು ಸಾಧ್ಯ ಎಂದು ಗುರುಕುಲ ಪದವಿ ಮಹಾವಿದ್ಯಾಲಯದ ಪ್ರಾಂಶುಪಾಲ ವಿಲಾಸ ಬಗಾಡೆ ಹೇಳಿದರು.
ಜಾಜಿ ಫೌಂಡೇಷನ್ನ ಗುರುಕುಲ ಪದವಿಪೂರ್ವ ಕಾಲೇಜು ವಾಣಿಜ್ಯ ವಿಭಾಗದಲ್ಲಿ ಸೋಮವಾರ ಆಯೋಜಿಸಿದ್ದ ಸ್ವಾಗತ ಸಮಾರಂಭದಲ್ಲಿ ಮಾತನಾಡಿ, ವಾಣಿಜ್ಯಶಾಸ ಕೋರ್ಸ್ ಆಯ್ಕೆ ಮಾಡಿಕೊಂಡಿದ್ದೀರಿ. ಇದರಲ್ಲಿ ಅಕೌಂಟ್ಸ್ ವಿಷಯ ಪ್ರಾಧಾನ್ಯತೆ ಪಡೆದಿದೆ. ಭವಿಷ್ಯದಲ್ಲಿ ವ್ಯಾಪಾರ, ವ್ಯವಹಾರ ಮಾಡುವವರು ಶಿಸ್ತು, ಕ್ರಮಬದ್ಧ ಜೀವನದಿಂದ ಒಳ್ಳೆಯ ವ್ಯಾಪಾರಿಗಳಾಗಲು ಈ ಮೂಲಕ ಸಾಧ್ಯವಾಗಲಿದೆ ಎಂದರು.
ಗುರುಕುಲ ಸ್ವತಂತ್ರ ಪದವಿಪೂರ್ವ ಕಾಲೇಜಿನ ಉಪ ಪ್ರಾಂಶುಪಾಲ ಮಂಗೇಶಕುಮಾರ ಖಡಕೆ ಮಾತನಾಡಿ, ಗುರು&ಶಿಷ್ಯರ ಸಂಬಂಧ ಪವಿತ್ರವಾದದ್ದು. ಶಿಷ್ಯರು ಗುರಿ ಮುಟ್ಟುವವರೆಗೂ ಶಿಕ್ಷಕರು ವಿದ್ಯಾರ್ಥಿಗಳ ಸಾಧನೆಯ ಪ್ರತಿ ಹಂತದಲ್ಲೂ ಮಾರ್ಗದರ್ಶನ ಮಾಡಬೇಕು ಎಂದು ಹೇಳಿದರು.
ಗುರುಕುಲ ಪಬ್ಲಿಕ್ ಶಾಲೆ ಪಾಚಾರ್ಯ ಸಂತೋಷ ಕುಲಕರ್ಣಿ, ಗುರುಕುಲ ಸ್ವತಂತ್ರ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲ ರವಿಕುಮಾರ ವಲ್ಲಮಶೆಟ್ಟಿ ಮಾತನಾಡಿದರು.
ಮಾನವ ಸಂಪನ್ಮೂಲ ಅಧಿಕಾರಿ ರಮೇಶ ಕುಲಕರ್ಣಿ ಇತರರಿದ್ದರು. ವಿದ್ಯಾರ್ಥಿ ಸಂಕರ್ಷಣ ಲಾತುರಕರ್ ಪ್ರಾರ್ಥನೆ ಗೀತೆ ಹಾಡಿದರು. ವಿದ್ಯಾರ್ಥಿನಿ ಅಕ್ಷರಾ ಕಳಸ್ಕರ್ ಸ್ವಾಗತಿಸಿದರು. ವಿದ್ಯಾರ್ಥಿ ಮುಸ್ಕಾನ್ ವಂದಿಸಿದರು. ಪಲಕ್ ಮತ್ತು ರೋಹನ್ ನಿರೂಪಣೆ ಮಾಡಿದರು.
"
ದೇಶದ ಭವಿಷ್ಯ ವಿದ್ಯಾರ್ಥಿಗಳ ಕೈಯಲ್ಲಿದೆ. ಶಿಸ್ತು ಮತ್ತು ಪ್ರಾಮಾಣಿಕತೆಯಿದ್ದರೆ ಸಮಾಜದಲ್ಲಿ ಮಾನ, ಸನ್ಮಾನ ದೊರೆಯಲಿದೆ. ವಿದ್ಯಾರ್ಥಿಗಳಲ್ಲಿ ನಿರಂತರ ಪ್ರಯತ್ನವಿದ್ದರೆ ಗುರಿ ತಲುಪಲು ಸಾಧ್ಯ.
— > ರವಿಕುಮಾರ ವಲ್ಲಮಶೆಟ್ಟಿ, ಪ್ರಾಂಶುಪಾಲ, ಗುರುಕುಲ ಪಿಯು ಕಾಲೇಜು