ಅಂಬೇಡ್ಕರ್​ ಮ್ಯೂಸಿಯಂಗೆ ಸರ್ಕಾರ ಹಸಿರು ನಿಶಾನೆ

"

ಸಾಮಾಜಿಕ ಪರಿವರ್ತನೆ ಕೇಂದ್ರ

ಶಿಕ್ಷಣ ತಜ್ಞರು, ನಾಯಕರು, ಸಮಾಜಮುಖಿ ಕಾರ್ಯಕರ್ತರು, ಸರ್ಕಾರಿ ಅಧಿಕಾರಿಗಳು, ಆರ್ಥಿಕ ತಜ್ಞರು, ವಿದ್ಯಾರ್ಥಿಗಳು ಹಾಗೂ ಸಮಾಜದ ವಂಚಿತ ವರ್ಗಗಳ ಸಾಮಾಜಿಕ ಪರಿವರ್ತನೆಯಲ್ಲಿ ತೊಡಗಿರುವ ವಿವಿಧ ಗುಂಪುಗಳ ನಡುವೆ ದೃಢವಾದ ಸಂಪರ್ಕವನ್ನು ಸ್ಥಾಪಿಸಲು ಈ ಕೇಂದ್ರವು ಪ್ರಮುಖ ಸಂಪನ್ಮೂಲ ಕೇಂದ್ರವಾಗಿ ಕಾರ್ಯನಿರ್ವಹಿಸಲಿದೆ. ಜಿಲ್ಲಾಧಿಕಾರಿಯವರ ಸಕಾರಾತ್ಮಕ ಹೆಜ್ಜೆ ಹಾಗೂ ರಾಜ್ಯ ಸರ್ಕಾರದ ತ್ವರಿತ ಸ್ಪಂದನೆಯಿಂದಾಗಿ ಜಿಲ್ಲೆಯಲ್ಲಿ ಶೈಕ್ಷಣಿಕ ಹಾಗೂ ಸಾಮಾಜಿಕ ಜಾಗೃತಿಯ ನೂತನ ಶಕ್ತಿ ಕೇಂದ್ರವೊಂದು ತಲೆ ಎತ್ತುತ್ತಿದ್ದು, ಸಾರ್ವಜನಿಕ ವಲಯದಲ್ಲಿ ಸಂತೋಷ ವ್ಯಕ್ತವಾಗಿದೆ.

ಜಿಲ್ಲೆಯಲ್ಲಿ ಶಾಶ್ವತವಾಗಿ ಉಳಿಯುವ ಕೆಲಸ ಮಾಡಬೇಕೆಂಬ ಆಲೋಚನೆ ಇತ್ತು. ಅಂಬೇಡ್ಕರ್​ ಅವರ ಹೆಸರು ಶಾಶ್ವತವಾಗಿ ಈ ಜಿಲ್ಲೆಯಲ್ಲಿ ಉಳಿಯುವಂತಹ ಕೆಲಸ ಮಾಡಬೇಕೆಂದು ಪ್ರಜ್ಞಾವಂತರು ಮತ್ತು ದಲಿತ ಮುಖಂಡರು ಒತ್ತಾಯ ಮಾಡುತ್ತಿದ್ದರು. ಜಿಲ್ಲೆಯಲ್ಲಿ ಅಂಬೇಡ್ಕರ್​ ಮ್ಯೂಸಿಯಂ ಮತ್ತು ಅಧ್ಯಯನ ಕೇಂದ್ರ ಸ್ಥಾಪಿಸಬೇಕೆಂಬ ಚಿಂತನೆಯೊಂದಿಗೆ 5 ಎಕರೆ ಜಮೀನು ಶಿಫಾರಸಿಗೆ ಸರ್ಕಾರಕ್ಕೆ ಮನವಿ ಮಾಡಲಾಗಿತ್ತು. ಇದಕ್ಕೆ ಸರ್ಕಾರ ಹಸಿರು ನಿಶಾನೆ ತೋರಿದ್ದು, ಪಕ್ಕದ ಚಿಕ್ಕಬಳ್ಳಾಪುರ ಜಿಲ್ಲೆಯ ಗೌರಿಬಿದನೂರು ಮತ್ತು ಚಿಂತಾಮಣಿಯಲ್ಲಿ ಅಧ್ಯಯನ ಕೇಂದ್ರಗಳು ಪ್ರಾರಂಭಗೊಂಡಿವೆ. ಕೋಲಾರದಲ್ಲಿಯೂ ಅದೇ ರೀತಿ ಅಧ್ಯಯನ ಕೇಂದ್ರ ಮತ್ತು ಮ್ಯೂಸಿಯಂ ಪ್ರಾರಂಭಿಸಿ ಅಂಬೇಡ್ಕರ್​ ಬಗೆಗಿನ ಪುಸ್ತಕಗಳು ಲಭ್ಯವಿರುವಂತೆ ಮಾಡಲಾಗುವುದು. ಅಂಬೇಡ್ಕರ್​ ಉಡುಪುಗಳು ಮ್ಯೂಸಿಯಂನಲ್ಲಿ ಲಭ್ಯವಿರುತ್ತವೆ. ಅಧ್ಯಯನ ಕೇಂದ್ರದಲ್ಲಿ ಆಡಿಟೋರಿಯಂ, ಹೈಟೆಕ್​ ಗ್ರಂಥಾಲಯ, ಭವನ ಒಳಗೊಂಡಂತೆ ನೂತನವಾಗಿ ಕಟ್ಟಡ ನಿಮಾರ್ಣವಾಗಲಿದೆ.

— ಎಂ.ಆರ್​ ರವಿ, ಜಿಲ್ಲಾಧಿಕಾರಿ