ಭಂಕೂರ, ಶಾಂತನಗರ, ಎಬಿಎಲ್ ಕ್ರಾಸ್ಗಳಲಿ ಎಕ್ಸ್ಪ್ರೆಸ್ ಸಹಿತ ಎಲ್ಲ ಬಸ್ಗಳ ನಿಲುಗಡೆಗೆ ಕ್ರಮಕೈಗೊಳ್ಳಬೇಕು ಎಂದು ಒತ್ತಾಯಿಸಿ ಭಂಕೂರ ಕ್ರಾಸ್ ಬಳಿ ರಸ್ತೆಯಲ್ಲಿ ಸಂಚಾರ ತಡೆದು ಎಸ್ಯುಸಿಐ(ಸಿ) ಸಂಟನೆಯಿಂದ ಪ್ರತಿಭಟನೆ ನಡೆಸಿ ಚಿತ್ತಾಪುರ ಡಿಪೋ ಉಪ ವ್ಯವಸ್ಥಾಪಕ ಗೊಲ್ಲಾಳಪ್ಪ ಬಿರಾದಾರಗೆ ಮನವಿ ಸಲ್ಲಿಸಲಾಯಿತು. ರಾವೇಂದ್ರ ಎಂ.ಜಿ., ಗಣಪತರಾವ ಮಾನೆ, ಜಗನ್ನಾಥ ಎಚ್.ಎಚ್., ಗುಂಡಮ್ಮ ಮಡಿವಾಳ ಇತರರಿದ್ದರು.
- ರಾಜ್ಯ ಸಮಿತಿ ಸದಸ್ಯ ಎಂ.ಶಶಿಧರ ಟೀಕೆ
- ಭಂಕೂರ ಕ್ರಾಸ್ನಲ್ಲಿ ಎಸ್ಯುಸಿಐ (ಎಂ) ಸಂಟನೆಯಿಂದ ಪ್ರತಿಭಟನೆ
ಶಹಾಬಾದ್: ದೇಶ ಸ್ವಾತಂತ್ರಗೊಂಡು ಏಳು ದಶಕ ಕಳೆದರೂ ಜನಸಾಮಾನ್ಯರಿಗೆ ಸಮರ್ಪಕ ಸಾರಿಗೆ ವ್ಯವಸ್ಥೆ ಕಲ್ಪಿಸುವಲ್ಲಿ ಸರ್ಕಾರ ಸಂಪೂರ್ಣ ವಿಫಲವಾಗಿವೆ ಎಂದು ಎಸ್ಯುಸಿಐ(ಸಿ) ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯ ಎಂ.ಶಶಿಧರ ಟೀಕಿಸಿದರು.
ಎಬಿಎಲ್ ಕ್ರಾಸ್, ಶಾಂತನಗರ ಹಾಗೂ ಭಂಕೂರ ಕ್ರಾಸ್ನಲ್ಲಿ ಎಕ್ಸ್ಪ್ರೆಸ್ ಹಾಗೂ ಎಲ್ಲ ಬಸ್ಗಳ ನಿಲುಗಡೆ ಮಾಡಬೇಕು ಎಂದು ಒತ್ತಾಯಿಸಿ ಭಂಕೂರ ಕ್ರಾಸ್ನಲ್ಲಿ ರಸ್ತೆ ಸಂಚಾರ ತಡೆದು ಎಸ್ಯುಸಿಐ (ಎಂ) ಸಂಟನೆಯಿಂದ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಮಾತನಾಡಿ, ನಗರದಿಂದ ಸುತ್ತಲಿನ ಗ್ರಾಮಗಳಿಗೆ ಹೋಗಲು ಸಮರ್ಪಕ ಬಸ್ ವ್ಯವಸ್ಥೆ ಇಲ್ಲ. ಭಂಕೂರ, ವಾಡಿ ಕ್ರಾಸ್ ಬಳಿ ಬಸ್ಗಳು ನಿಲ್ಲಿಸದಿರುವುದರಿಂದ ಶಹಾಬಾದ್ನಿಂದ ನಿತ್ಯ ಯಾದಗಿರಿ, ಕಲಬುರಗಿ, ಚಿತ್ತಾಪುರಕ್ಕೆ ಹೋಗಿ ಬರಲು ವ್ಯಾಪಾರಸ್ಥರು, ಉದ್ಯೋಗಿಗಳು, ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರಿಗೆ ತೊಂದರೆ ಆಗುತ್ತಿದೆ ಎಂದು ಕಿಡಿಕಾರಿದರು.
ಶಹಾಬಾದ್ ಮಾರ್ಗವಾಗಿ ಸಂಚರಿಸುವ ಕಲಬುರಗಿ, ಯಾದಗಿರಿ, ಚಿತ್ತಾಪುರ, ರಾಯಚೂರ ಬಸ್ಗಳನ್ನು ಭಂಕೂರ, ಶಾಂತನಗರ, ಎಬಿಎಲ್ ಕ್ರಾಸ್ ಬಳಿ ಕಡ್ಡಾಯವಾಗಿ ನಿಲ್ಲಿಸಬೇಕು. ಹೆಚ್ಚಿನ ಬಸ್ಗಳನ್ನು ಈ ಮಾರ್ಗದಲ್ಲಿ ಓಡಿಸಬೇಕು. ಶಹಾಬಾದ್ನಿಂದ ಯಾದಗಿರಿಗೆ ಬಸ್ ಓಡಿಸಬೇಕು. ಭಂಕೂರ, ಎಬಿಎಲ್ ಕ್ರಾಸ್ ಬಳಿ ಬಸ್ ತಂಗುದಾಣ ನಿರ್ಮಿಸಬೇಕು. ಎಬಿಎಲ್ ಕ್ರಾಸ್ ಬಳಿ ಸಂಚಾರಿ ನಿಯಂತ್ರಕರನ್ನು ನೇಮಿಸಬೇಕು. ನಿಗದಿತ ಸಮಯಕ್ಕೆ ಬಸ್ಗಳು ಸಂಚರಿಸಲು ಕ್ರಮ ಕೈಗೊಳ್ಳಬೇಕು. ಶಹಾಬಾದ್ಗೆ ಬಸ್ ಡಿಪೋ ಮಂಜೂರು ಮಾಡಬೇಕು ಎಂದು ಆಗ್ರಹಿಸಿದರು.
ಚಿತ್ತಾಪುರ ಡಿಪೋ ಉಪ ವ್ಯವಸ್ಥಾಪಕ ಗೊಲ್ಲಾಳಪ್ಪ ಬಿರಾದಾರ ಮನವಿ ಸ್ವೀಕರಿಸಿ ಮಾತನಾಡಿ, ಎಕ್ಸ್ಪ್ರೆಸ್ ಸಹಿತಿ ಎಲ್ಲ ಬಸ್ಗಳನ್ನು ಭಂಕೂರ, ಎಬಿಎಲ್ ಕ್ರಾಸ್ನಲ್ಲಿ ನಿಲ್ಲಿಸಲಾಗುವುದು. ಅಲ್ಲದೆ ಸಂಚಾರಿ ನಿಯಂತ್ರಕರನ್ನು ನೇಮಿಸಲು ಕ್ರಮ ಕೈಗೊಳ್ಳಲಾಗುವುದು. ಹೆಚ್ಚಿನ ಬಸ್ಗಳನ್ನು ಓಡಿಸಲು ಆಯಾ ಡಿಪೋಗಳಿಗೆ ಪತ್ರ ಬರೆಯುವುದಾಗಿ ಭರವಸೆ ನೀಡಿದರು. ಸಾರಿಗೆ ಅಧಿಕಾರಿಗಳಾದ ಭೀಮಶಾ, ವಿಜಯಕುಮಾರ ಜತೆಗಿದ್ದರು.
ಪ್ರಮುಖರಾದ ಗಣಪತರಾವ ಮಾನೆ, ಭಾಗಣ್ಣ ಬುಕ್ಕಾ, ಜಗನ್ನಾಥ ಎಸ್.ಎಚ್., ರಾವೇಂದ್ರ ಎಂ.ಜಿ., ಗುಂಡಮ್ಮ ಮಡಿವಾಳ, ರಾಜೇಂದ್ರ ಆತ್ನೂರ್, ನೀಲಕಂಠ ಹುಲಿ, ರಮೇಶ ದೇವಕರ್, ಮಹಾದೇವಿ ಮಾನೆ, ಸಿದ್ದು ಚೌಧರಿ, ಸ್ಫೂರ್ತಿ ಗುರಜಾಲಕರ್, ದೇವರಾಜ ಹೊನಗುಂಟಾ, ಅಜಯ ಗುರಜಾಲಕರ್, ರು ಪವಾರ್, ತಿಮ್ಮಣ್ಣ ಮಾನೆ, ತೇಜಸ್ ಇಬ್ರಾಹಿಂಪುರ, ದೇವರಾಜ, ಆನಂದ, ರಾಧಿಕಾ ಚೌಧರಿ ಇತರರಿದ್ದರು.