ಜಿಲ್ಲೆ ಫ್ಯಾಕ್ಸ್​ಗಳಲ್ಲಿ ಏಕೀಕೃತ ಅಂತರ್ಜಾಲ ವ್ಯವಸ್ಥೆ ವಿಳಂಬ

ಶಿವಾನಂದ ಹಿರೇಮಠ ಗದಗ

ರಾಜ್ಯದಲ್ಲಿ ಅಪೇಕ್ಸ್​, ಡಿಸಿಸಿ, ಕೆಸಿಸಿ ಬ್ಯಾಂಕ್​ಗಳಲ್ಲಿ ಕೋರ್​ ಬ್ಯಾಂಕಿಂಗ್​ ವ್ಯವಸ್ಥೆ ಜಾರಿ ಆದಂತೆ ಜಿಲ್ಲೆಯ ಕೃಷಿ ಪತ್ತಿನ ಸಹಕಾರ ಸಂಗಳಲ್ಲಿ (ಫ್ಯಾಕ್ಸ್​) ಏಕೀಕೃತ ತಂತ್ರಾಂಶ ವ್ಯವಸ್ಥೆ ಅನುಷ್ಠಾನ ಜಾರಿಗೊಳ್ಳುತ್ತಿಲ್ಲ. 6 ವರ್ಷಗಳ ಹಿಂದೆಯೇ ಯೋಜನೆ ಜಾರಿಯಾದರೂ ಸಹ ಯೋಜನೆ ನುಷ್ಠಾನ ಎಂಬುದು ಕುಂಟುತ್ತ ಸಾಗಿದೆ. ಕೇಂದ್ರದ ನಿಯಮದಂತೆ ವ್ಯವಸ್ಥೆ ಅಳವಡಿಸಿಕೊಳ್ಳಬೇಕು. ಆದರೆ, ಸಹಕಾರ ಸಂಗಳ ಆಡಳಿತ ಮಂಡಳಿ ಹಾಗೂ ಸ್ಥಳಿಯ ಜನಪ್ರತಿನಿಧಿಗಳ ಪ್ರಭಾವದಿಂದ ಈ ವ್ಯವಸ್ಥೆ ವಿಳಂಬ ಆಗುತ್ತಿದೆ. ಹೀಗಾಗಿ ಸ್ಥಳಿಯ ಸಹಕಾರಿ ಪತ್ತಿನ ಸಂಗಳಲ್ಲಿ ಆಗಾಗ ಅಕ್ರಮ ಪ್ರಕರಣ ಬೆಳಕಿಗೆ ಬರುತ್ತಿವೆ.

ಜಿಲ್ಲೆಯಲ್ಲಿ ಕಾರ್ಯ ನಿರ್ವಹಿಸುತ್ತಿರುವ 182ಫ್ಯಾಕ್ಸ್​ಗಳ ಪೈಕಿ 161ಫ್ಯಾಕ್ಸ್​ಗಳು ಈ ಯೋಜನೆಗೆ ಆಯ್ಕೆ ಆಗಿದ್ದವು. ಆಯ್ಕೆಯಾದಫ್ಯಾಕ್ಸ್​ಗಳಲ್ಲಿ 135ಫ್ಯಾಕ್ಸ್​ಗಳಲ್ಲಿ ಕಂಪ್ಯೂಟರೀಕರಣ ಮತ್ತು ತಂತ್ರಾಂಶ ಅಳವಡಿಕೆ ಕಾರ್ಯ ನಡೆಯುತ್ತಿದೆ. ಇನ್ನೂ ಶೇ. 40 ರಷ್ಟುಫ್ಯಾಕ್ಸ್​ಗಳಲ್ಲಿ ಯೋಜನೆ ಅಳವಡಿಕೆ ಬಾಕಿ ಇದೆ.

"ಒನ್​ ನೇಷನ್​ ಒನ್​ ಬೈಲಾ' ಪರಿಕಲ್ಪನೆ ಮೂಲಕ ದೇಶದ ಎಲ್ಲಫ್ಯಾಕ್ಸ್​ಗಳನ್ನು ಗಣಕೀಕೃತಗೊಳಿಸಿ ಪಾರದರ್ಶಕ ವ್ಯವಸ್ಥೆ ಜಾರಿಗೊಳಿಸಲು ಕೇಂದ್ರ ಸರ್ಕಾರ "ಇಂಟಲೆಕ್ಟ' ತಂತ್ರಾಂಶವನ್ನು ಎಲ್ಲಫ್ಯಾಕ್ಸ್​ಗಳು ಅಳವಡಿಸಿಕೊಳ್ಳಲು ಯೋಜನೆ ಜಾರಿ ತಂದಿದೆ. ಗ್ರಾಮೀಣ ರೈತರಿಗೆ ಶೇ.100 ರಷ್ಟು ಹಣಕಾಸಿನ ಸೌಲಭ್ಯ ದೊರಕಿಸಿಕೊಡುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ 2020 ರಲ್ಲೇ ಈ ಯೋಜನೆಗೆ 2500 ಕೋಟಿ ರೂ. ಮೀಸಲಿಟ್ಟಿತ್ತು. ಅದರಂತೆ ಆಯ್ದ ಫ್ಯಾಕ್ಸ್​ಗಳಲ್ಲಿ ಈಗಾಗಲೇ ಗಣಕೀಕರಣ ವ್ಯವಸ್ಥೆ ಅಳವಡಿಸಲು ಸೂಚಿಸಲಾಗಿತ್ತು. ಜಿಲ್ಲೆಯಲ್ಲಿ 161ಫ್ಯಾಕ್ಸ್​ಗಳನ್ನು ಆಯ್ಕೆ ಮಾಡಿಕೊಳ್ಳಲಾಗಿತ್ತು. ಆದರೂ, ಕಳೆದ ಮೂರ್ನಾಲ್ಕು ವರ್ಷದಿಂದ ಈ ವ್ಯವಸ್ಥೆ ಸಪರ್ಮಕವಾಗಿ ಅಳವಡಿಕೆ ಆಗಿಲ್ಲ. ಪಾರದರ್ಶಕ ವ್ಯವಸ್ಥೆಯನ್ನು ಸ್ಥಳಿಯ ಫ್ಯಾಕ್ಸ್​ ಆಡಳಿತ ಮಂಡಳಿ ವಿರೋಧಿಸುತ್ತಿದ್ದಾರೆ ಎನ್ನಲಾಗಿದೆ. ಹೀಗಾಗಿ ಕೇಂದ್ರ ಸರ್ಕಾರದಿಂದ ಶೂನ್ಯ ಬಡ್ಡಿದರಲ್ಲಿ ರೈತರಿಗೆ ಸಿಗಬೇಕಾದ ಸಾಲ ಸೌಲಭ್ಯ ಯೋಜನೆ ಪಲಾನುಭವಿಗಳಿಗೆ ಸಿಗುತ್ತಿಲ್ಲ. ಮೂಲಗಳ ಪ್ರಕಾರ ರಾಜ್ಯದ 6500ಕ್ಕೂ ಅಧಿಕ ಪ್ಯಾಕ್ಸ್​ಗಳ ಪೈಕಿ ಇನ್ನೂ ಶೇ. 60 ರಷ್ಟುಫ್ಯಾಕ್ಸ್​ಗಳಲ್ಲಿ ಮತ್ತು ಗದಗ ಜಿಲ್ಲೆಯಲ್ಲಿ ಶೇ. 40 ರಷ್ಟುಫ್ಯಾಕ್ಸ್ಗಳಲ್ಲಿ ಸಮರ್ಪಕ ಕಂಪ್ಯೂಟರೀಕರಣ ಆಗಿಲ್ಲ. ಜತೆಗೆ ಕಂಪ್ಯೂಟರ್​ ಕೌಶಲ್ಯ ಹೊಂದಿದ ಸಿಬ್ಬಂದಿಗಲೂ ಇಲ್ಲದಂತಾಗಿದೆ. ಸಹಕಾರ ಕ್ಷೇತ್ರದ ಬ್ಯಾಂಕಿಂಗ್​ ವ್ಯವಹಾರಗಳು ಭೌತಿಕವಾಗಿಯೇ ಜರುಗುತ್ತಿದ್ದು, ಅವ್ಯವಹಾರಗಳಿಗೆ ರಾಜ ಮಾರ್ಗ ಸೃಷ್ಟಿಯಾಗಿದೆ.

ಏಕೀಕೃತ ವ್ಯವಸ್ಥೆ ಇಲ್ಲದೇ ಅವ್ಯವಹಾರ:

ಇತ್ತೀಚೆಗೆ ತಾಲೂಕಿನ ಹರ್ಲಾಪುರ ಗ್ರಾಮದ ಕೃಷಿ ಪತ್ತಿನ ಸಹಕಾರ ಬ್ಯಾಂಕ್​ನಲ್ಲಿ ಡಿಜಿಟಲೀಕರಣ ವ್ಯವಸ್ಥೆ ಜಾರಿ ಇಲ್ಲದ ಕಾರಣದಿಂದ ಅದನ್ನೇ ಬಂಡವಾಳ ಮಾಡಿಕೊಂಡು ರೈತರಿಗೆ ವಿವಿಧ ರೂಪದಲ್ಲಿ ಸಿಗಬೇಕಿದ್ದ 1 ಕೋಟಿಗೂ ಅಧಿಕ ಹಣವನ್ನು ಲಪಟಾಯಿಸಿದ್ದ ಪ್ರಕರಣ ಬೆಳಕಿಗೆ ಬಂದಿತ್ತು. ಈ ಪ್ರಕರಣದ ಹಿಂದೆ ಹಲವು ಅಧಿಕಾರಿಗಳ ಕೈವಾಡ ಇದೇ ಎಂಬುದು ಮೇಲ್ನೋಟಕ್ಕೆ ಸಾಭಿತಾಗಿತ್ತು. ಲೆಕ್ಕಪರಿಶೋಧನೆ ಹೆಸರಲ್ಲಿ ಪ್ರಕರಣ ತಾಕಿರ್ಕ ಅಂತ್ಯ ಕಾಣಲಿಲ್ಲ. ಈ ಪ್ರಕರಣದಿಂದ ಹರ್ಲಾಪುರ ಗ್ರಾಮದ ರೈತರಿಗೆ ಅನ್ಯಾಯಾವಾಗಿತ್ತು.

ಫ್ಯಾಕ್ಸ್​ಗಳಲ್ಲಿ ಜರಗುತ್ತಿರುವ ಅವ್ಯವಹಾರ ತಡೆಯಲು, ರೈತರಿಗೆ ನೇರವಾಗಿ ಸಾಲಸೌಲಭ್ಯ ದೊರೆಯುಂತೆ ಮಾಡಲುಫ್ಯಾಕ್ಸ್​ಗಳನ್ನು ಡಿಜೀಟಲೀಕರಣ ಮಾಡುವ ಉದ್ದೇಶ ಹೊಂದಲಾಗಿದೆ.ಫ್ಯಾಕ್ಸ್​ಗಳನ್ನು "ಇಂಟಲೆಕ್ಟ್​' ಎಂಬ ತಂತ್ರಾಂಶದ ಅಡಿಯಲ್ಲಿ ತರುವುದು ಮತ್ತು ವಾಣಿಜ್ಯ ಬ್ಯಾಂಕ್​ಗಳಂತೆ ಫ್ಯಾಕ್ಸ​ಗಳಲ್ಲೂ ಕೋರ್​ ಬ್ಯಾಂಕಿಂಗ್​ ವ್ಯವಸ್ಥೆ ಅಳವಡಿಸುವುದೇ ಒನ್​ ನೇಷನ್​ ಒನ್​ ಬೈಲಾ ಯೋಜನೆ ಆಗಿದೆ. ಡಿಸಿ ಬ್ಯಾಂಕ್​ ಅಡಿಯಲ್ಲಿ 2017ರ ಮುಂಚೆ ಸ್ಥಾಪನೆಯಾದ ಆಯ್ದಫ್ಯಾಕ್ಸ್​ಗಳಿಗೆ ಕಂಪ್ಯೂಟರ್​ ಮತ್ತೀತರ ಸಾಮಗ್ರಿ ಖರೀದಿಸಲು 2.75 ಲಕ್ಷದಿಂದ 3 ಲಕ್ಷ ವರೆಗೂ ಅನುದಾನ ವಿನಿಯೋಗಿಸಲು ಸೂಚಿಸಲಾಗಿದೆ. ಯೋಜನೆ ಮಾತ್ರ ಸಮರ್ಪಕ ಸಾಕಾರಗೊಂಡಿಲ್ಲ.

ಸಹಕಾರ ಕ್ಷೇತ್ರದಲ್ಲಿ ಪಾರದರ್ಶಕತೆ ಮತ್ತು ಬಲವರ್ಧನೆಗಾಗಿ ಸಹಕಾರ ಕಾಯ್ದೆ ತಿದ್ದುಪಡಿಗೊಳಿಸಲಾಗಿತ್ತು. ಸೆಕ್ಷನ್​ 128/ಎ ಸೃಷ್ಟಿಸುವ ಮೂಲಕ ಸಹಕಾರ ಕ್ಷೇತ್ರಕ್ಕೆ ಪ್ರತ್ಯೇಖ ಜಿಲ್ಲಾ ಪ್ರಾಧಿಕಾರಿ, ಕೌಶಲ್ಯಭರಿತ ಸಿಬ್ಬಂದಿ ನೇಮಕ, ಫ್ಯಾಕ್ಸಗಳಲ್ಲಿ ವಂಶಾಡಳಿತಕ್ಕೆ ಇತಿಶ್ರೀ,ಫ್ಯಾಕ್ಸ್ ​ಗಳಲ್ಲಿ ಏಕೀಕೃತ ಅಂತರ್ಜಾಲ ವ್ಯವಸ್ಥೆ ಜಾರಿಗೆ ರಾಜ್ಯ ಸರ್ಕಾರ ಕಾಯಿದೆ ತಿದ್ದುಪಡಿಮಾಡಿದೆ. ಆದರೆ, ಸೆಕ್ಷನ್​ 128/ಎ ಉಪ ನಿಯಮಗಳ ಸೃಷ್ಟಿಯಾಗದ ಹಿನ್ನೆಲೆ ಕಾಯ್ದೆ ಇನ್ನೂ ಜಾರಿಆಗಿಲ್ಲ. ಇಂತಹ ಕಾನೂನು ರ್ದುಬಳಕೆ ಮಾಡಿಕೊಳ್ಳುತ್ತಿರುವ ಫ್ಯಾಕ್ಸ್​ಗಳ ಸ್ಥಳಿಯ ಆಡಳಿತ ಮಂಡಳಿಗಳು ಕೊಟ್ಯಂತರ ರೂ. ಅವ್ಯವಹಾರ ನಡೆಸುತ್ತಿವೆ ಎಂಬದು ಹರ್ಲಾಪುರಫ್ಯಾಕ್ಸ್ ಪ್ರಕರಣ ಸಾಯಾಗಿದೆ.