Four arrested for gambling
ಚಿಂತಾಮಣಿ: ತಾಲೂಕಿನ ರಾಸಪಲ್ಲಿ ಅರಣ್ಯದಲ್ಲಿ ಜೂಜು ಅಡ್ಡೆ ಮೇಲೆ ಗುರುವಾರ ದಾಳಿ ನಡೆಸಿದ ಪೊಲೀಸರು, ನಾಲ್ವರನ್ನು ಬಂಧಿಸಿ, 1,860 ರೂ. ನಗದು, ಇಸ್ಪೀಟ್ ಎಲೆ ವಶಪಡಿಸಿಕೊಂಡಿದ್ದಾರೆ.
ರಾಸಪಲ್ಲಿ ನಿವಾಸಿಗಳಾದ ಪ್ರಭಾಕರ(48), ಮುನಿಕೃಷ್ಣ (42), ಅಂಜಪ್ಪ(45), ಯಾಮಣ್ಣ (48) ಬಂಧಿತರು. ಅರಣ್ಯದಲ್ಲಿ ಜೂಜಾಟ ಆಡುತ್ತಿದ್ದಾರೆಂಬ ಖಚಿತ ಮಾಹಿತಿ ಆಧರಿಸಿ ಕೆಂಚಾರ್ಲಹಳ್ಳಿ ಪಿಎಸ್ಐ ಶ್ಯಾಮಲಾ, ಪೊಬೇಷನರಿ ಪಿಎಸ್ಐ ಶರಣಗೌಡ ಎಸ್.ಮೂಲಿಮಣಿ, ಸಿಬ್ಬಂದಿ ಲೋಕೇಶ್, ವಿಜಯ್ ಕುಮಾರ್ ಮತ್ತು ಶಶಿಕುಮಾರ್ ತಂಡದೊಂದಿಗೆ ಸ್ಥಳಕ್ಕೆ ಧಾವಿಸಿ ಜೂಜುಕೋರರನ್ನು ಬಂಧಿಸಿದ್ದಾರೆ. ಕೆಂಚಾರ್ಲಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.