ಗೃಹ ಬಳಕೆ cylinder ಸಿಲಿಂಡರ್ಗಾಗಿ ಸರದಿಸಾಲಿನಲ್ಲಿ ಕಾಯುತ್ತಿರುವ ಗ್ರಾಹಕರು.
- ಮನೆಬಾಗಿಲಿಗೆ ಬಾರದ ಗ್ಯಾಸ್, ಸಾರ್ವಜನಿಕರ ಆಕ್ರೋಶ
- ಏಜೆನ್ಸಿ ಮುಂದೆ ಸಾಲುಗಟ್ಟಿದ ಗ್ರಾಹಕರು
ಬಂಗಾರಪೇಟೆ: ತಾಲೂಕಿನ ಗ್ಯಾಸ್ ಏಜೆನ್ಸಿಯಲ್ಲಿ ಗೃಹ ಬಳಕೆಯ cylinder ಸಿಲಿಂಡರ್ಗಳ ವಿತರಣೆಯಲ್ಲಿ ಉಂಟಾಗಿರುವ ವಿಳಂಬ ಮತ್ತು ಅವ್ಯವಸ್ಥೆಯಿಂದ ಗ್ರಾಹಕರು ಪ್ರತಿದಿನ ಸಂಕಷ್ಟ ಅನುಭವಿಸುವಂತಾಗಿದೆ. ನಿಯಮದಂತೆ ಮನೆ ಬಾಗಿಲಿಗೆ ತಲುಪಬೇಕಾದ ಸಿಲಿಂಡರ್ಗಾಗಿ ಗ್ರಾಹಕರು ಮುಂಜಾನೆ 6 ಗಂಟೆಯಿಂದಲೇ ಖಾಲಿ ಸಿಲಿಂಡರ್ ಹೊತ್ತು ಏಜೆನ್ಸಿ ಮುಂದೆ ಸರದಿಯಲ್ಲಿ ನಿಲ್ಲಬೇಕಾದ ದುಸ್ಥಿತಿ ನಿಮಾರ್ಣವಾಗಿದೆ.
ಬುಕ್ಕಿಂಗ್ ಆದರೂ ಸಿಗುತ್ತಿಲ್ಲ: ಗ್ರಾಹಕರು ನೋಂದಣಿ ಮಾಡಿದ ಕೂಡಲೇ ಕಂಪನಿಯಿಂದ "ವಿತರಣೆ ಮಾಹಿತಿ" ಹಾಗೂ ಒಟಿಪಿ ಸಂದೇಶ ಮೊಬೈಲ್ಗೆ ಬರುತ್ತಿದೆ. ಆದರೆ, ಸಂದೇಶ ಬಂದ ದಿನವೇ ಸಿಲಿಂಡರ್ ಮನೆಗೆ ತಲುಪುತ್ತಿಲ್ಲ. ಇದರಿಂದ ಆತಂಕಗೊಂಡ ಗ್ರಾಹಕರು ಖಾಲಿ ಸಿಲಿಂಡರ್ ಹಿಡಿದು ಏಜೆನ್ಸಿಗೆ ಓಡಿ ಬರುತ್ತಿದ್ದಾರೆ. ಗಂಟೆಗಟ್ಟಲೆ ಕಾದರೂ ಸ್ಟಾಕ್ ಇಲ್ಲವೆಂಬ ಕಾರಣ ನೀಡಿ ವಾಪಸ್ ಕಳುಹಿಸುತ್ತಿರುವುದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.
ವಿತರಣಾ ವ್ಯವಸ್ಥೆಯ ಲೋಪ: ಬೆಳಗ್ಗೆ 9 ಗಂಟೆಗೆ ಕಚೇರಿ ತೆರೆದ ನಂತರ ಸಾಲಿನಲ್ಲಿ ನಿಂತು ಹಣ ಪಾವತಿಸಿ ರಸೀದಿ ಪಡೆಯಬೇಕು. ಬಳಿಕ ಲಾರಿಯಿಂದ ಸಿಲಿಂಡರ್ ಪಡೆಯಲು ಮತ್ತೆ ಕಾಯಬೇಕು. ಒಂದು ವೇಳೆ ಸ್ಟಾಕ್ ಮುಗಿದರೆ ಆ ದಿನದ ಕಾಯುವಿಕೆ ವ್ಯರ್ಥವಾಗುತ್ತದೆ. ಇದರಿಂದ ದಿನಗೂಲಿ ಕಾರ್ಮಿಕರು, ಉದ್ಯೋಗಸ್ಥರು, ಮಹಿಳೆಯರು ಹಾಗೂ ವಯೋವೃದ್ಧರು ತೀವ್ರ ತೊಂದರೆ ಅನುಭವಿಸುತ್ತಿದ್ದಾರೆ.
* ನೋಂದಣಿ ಮಾಡಿದ ನಂತರ ನಿಗದಿತ ಸಮಯಕ್ಕೆ ಮನೆ ಬಾಗಿಲಿಗೆ ಸಿಲೆಂಡರ್ ವಿತರಣೆ
* ಹಿರಿಯ ನಾಗರಿಕರು ಮತ್ತು ಮಹಿಳೆಯರಿಗೆ ಪ್ರತ್ಯೇಕ ಕೌಂಟರ್ ವ್ಯವಸ್ಥೆ
* ಸ್ಟಾಕ್ ಮತ್ತು ವಿತರಣಾ ಮಾಹಿತಿಯಲ್ಲಿ ಪಾರದರ್ಶಕತೆ
* ಸಮಸ್ಯೆ ಇದ್ದಲ್ಲಿ ಅಧಿಕಾರಿಗಳು ಮಧ್ಯಪ್ರವೇಶಿಸಿ ಬಗೆಹರಿಸಬೇಕಿದೆ
ಮಾ.28ರಂದೇ ಸಿಲಿಂಡರ್ ವಿತರಣೆಯ ಸಂದೇಶದ ಬಂದಿದೆ. ಆದರೆ ಈವರೆಗೂ ಮನೆಗೆ ಬಂದಿಲ್ಲ. ಕಳೆದ ಮೂರು ದಿನಗಳಿಂದ ಖಾಲಿ ಸಿಲಿಂಡರ್ ಹೊತ್ತು ಏಜೆನ್ಸಿಗೆ ಬಂದು ಬರಿಗೈಲಿ ವಾಪಸ್ ಹೋಗುತ್ತಿದ್ದೇನೆ. ಈ ಅವ್ಯವಸ್ಥೆ ಕೇಳುವವರೇ ಇಲ್ಲದಂತಾಗಿದೆ.
ನಮಗೆ ಪ್ರತಿದಿನ 504 ಸಿಲಿಂಡರ್ಗಳು ಸರಬರಾಜಾಗುತ್ತಿವೆ. ಆದರೆ ಬೇಡಿಕೆ 1,000ಕ್ಕೂ ಹೆಚ್ಚಿದೆ. ಈ ಅಂತರವೇ ವಿಳಂಬಕ್ಕೆ ಪ್ರಮುಖ ಕಾರಣ.
> ಹೆಸರು ಇಚ್ಛಿಸದ ಏಜೆನ್ಸಿ ಸಿಬ್ಬಂದಿ