ಡಾ.ಜೂಹಿ ಶಬ್ನಂ ಬೆಂಡಿಗೇರಿ ಸಾಧನೆ

ಕಲಬುರಗಿ: ರಾಷ್ಟ್ರೀಯ ವೈದ್ಯಕಿಯ ವಿಜ್ಞಾನ ಪರೀಕ್ಷಾ ಮಂಡಳಿ ಆಯೋಜಿಸಿದ್ದ ಎಐ ಇನ್​ ಹೆಲ್ತ್​ಕೇರ್​ ಕಾರ್ಯಕ್ರಮದಲ್ಲಿ ಕಲಬುರಗಿಯ ಡಾ.ಜೂಹಿ ಶಬ್ನಂ ಬೆಂಡಿಗೇರಿ ಅವರು ಶೇ.100 ಅಂಕ ಗಳಿಸುವ ಮೂಲಕ ಗಮನಾರ್ಹ ಸಾಧನೆ ಮಾಡಿದ್ದಾರೆ.

ಈ ಕಾರ್ಯಕ್ರಮವು ಆರೋಗ್ಯ ಕ್ಷೇತ್ರದಲ್ಲಿ ಕೃತಕ ಬುದ್ಧಿಮತ್ತೆಯ ಉದಯೋನ್ಮುಖ ಅನ್ವಯಿಕೆಗಳ ಕುರಿತು ಸಮಗ್ರ ಅರಿವು ಮೂಡಿಸುವ ಉದ್ದೇಶ ಹೊಂದಿದ್ದು, ವೈದ್ಯಕಿಯ ಚಿತ್ರಣ, ಆರೋಗ್ಯ ದತ್ತಾಂಶ ವಿಶ್ಲೇಷಣೆ, ಡಿಜಿಟಲ್​ ಆರೋಗ್ಯ ತಂತ್ರಜ್ಞಾನ, ಆಡಳಿತ, ನೈತಿಕತೆ, ಅನುಷ್ಠಾನ ತಂತ್ರಗಳು ಹಾಗೂ ಭವಿಷ್ಯದ ಆರೋಗ್ಯ ಸೇವಾ ನವೋದ್ಯಮಗಳ ಕುರಿತು ವ್ಯಾಪಕ ತರಬೇತಿ ನೀಡಿದೆ.

ಡಾ.ಜೂಹಿ ಶಬ್ನಂ ಬೆಂಡಿಗೇರಿ ಅವರು ಪ್ರಸ್ತುತ ಕಲಬುರಗಿಯ ಕೆಬಿಎನ್​ ವಿಶ್ವವಿದ್ಯಾಲಯದ ಫ್ಯಾಕಲ್ಟಿ ಆಫ್​ ಮೆಡಿಕಲ್​ ಸೈನ್ಸಸ್​ ಅಡಿಯಲ್ಲಿ ದಂತ ವೈದ್ಯಕಿಯ ವಿಭಾಗದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ರಾಷ್ಟ್ರೀಯ ವೈದ್ಯಕಿಯ ವಿಜ್ಞಾನ ಪರೀಕ್ಷಾ ಮಂಡಳಿನ ಎಐ ಇನ್​ ಹೆಲ್ತ್​ಕೇರ್​ ಉಪಕ್ರಮದ ಭಾಗವಾಗಿದ್ದು, ಯೂಟ್ಯೂಬ್​ನಲ್ಲಿ ಆರೋಗ್ಯ ಕ್ಷೇತ್ರದ ಕೃತಕ ಬುದ್ಧಿಮತ್ತೆ ಪಾಠದ ನೇರಪ್ರಸಾರವನ್ನು ಅತಿಹೆಚ್ಚು ವೀಕ್ಷಕರು ವೀಸಿದ ದಾಖಲೆಗೆ ಗಿನ್ನೆಸ್​ ವಿಶ್ವ ದಾಖಲೆ ವಿಶೇಷ ಮಾನ್ಯತೆ ಪಡೆದಿದೆ ಎಂದು ಡಾ.ಎನ್​.ಡಿ.ಬೆಂಡಿಗೇರಿ ತಿಳಿಸಿದ್ದಾರೆ.