ದೊಡ್ಡಬಳ್ಳಾಪುರದ ಟಿಎಪಿಸಿಎಂಎಸ್ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ ಕಾಂಗ್ರೆಸ್ ಅಭ್ಯರ್ಥಿಗಳಾದ ಡಿ.ಸಿದ್ದರಾಮಯ್ಯ, ಕೆಂಪೇಗೌಡ, ವಿಶ್ವಾಸ್ ಹನುಮಂತೇಗೌಡ, ವೆಂಕಟೇಶ್ ಅವರೊಂದಿಗೆಮುಖಂಡರಾದ ರಾಮಣ್ಣ, ರವಿ ಹಾಗೂ ಕಾಂಗ್ರೆಸ್ ಕಾರ್ಯಕರ್ತರು ಇದ್ದರು.
ದೊಡ್ಡಬಳ್ಳಾಪುರ : ತೀವ್ರ ಜಿದ್ದಾಜಿದ್ದಿನಿಂದ ಕೂಡಿದ್ದ ತಾಲೂಕು ವ್ಯವಸಾಯೋತ್ಪನ್ನ ಮಾರಾಟ ಸಹಕಾರ ಸಂಘಕ್ಕೆ (ಟಿಎಪಿಸಿಎಂಎಸ್) ಭಾನುವಾರ ಚುನಾವಣಾ ನಡೆದು ಲಿತಾಂಶ ಪ್ರಕಟವಾಗಿದ್ದು, ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಗಳು ಬಹುಮತದೊಂದಿಗೆ ಜಯಭೇರಿ ಬಾರಿಸಿದ್ದು, ಬಿಜೆಪಿ&ಜೆಡಿಎಸ್ ಮೈತ್ರಿಗೆ ತೀವ್ರ ಮುಖಭಂಗವಾಗಿದೆ.
ಚುನಾವಣೆಯಲ್ಲಿ ಶೇ 93.98 ಮತದಾನ ನಡೆದಿದೆ. ಬಿ ತರಗತಿಯಿಂದ ಜೆಡಿಎಸ್, ಬಿಜೆಪಿ ಮೈತ್ರಿ ಬೆಂಬಲಿತ 5 ಅಭ್ಯರ್ಥಿಗಳು ಜಯ ಗಳಿಸಿದ್ದರೆ,ಕಾಂಗ್ರೆಸ್ ಬೆಂಬಲಿತ ಮೂವರು ಅಭ್ಯರ್ಥಿಗಳು ಚುನಾಯಿತರಾಗಿದ್ದಾರೆ. ಜೆಡಿಎಸ್ಗೆ 5 ಸ್ಥಾನ.. ಬಿಜೆಪಿಗೆ ಶೂನ್ಯ: ಪರಸ್ಪರ ಸೀಟು ಹೊಂದಾಣಿಕೆ ಮಾಡಿಕೊಂಡು ಅಧಿಕಾರದ ಗದ್ದುಗೆ ಏರುವ ಲೆಕ್ಕಾಚಾರ ಹಾಕಿದ್ದ ಮೈತ್ರಿಕೂಟಕ್ಕೆ ಭಾರಿ ಹಿನ್ನಡೆಯಾಗಿದೆ. ಜೆಡಿಎಸ್ 5 ಸ್ಥಾನಗಳಲ್ಲಿ ಗೆಲುವು ಸಾಧಿಸಿದ್ದು, ಬಿಜೆಪಿ ಶೂನ್ಯ ಸಾಧನೆ ಮಾಡಿ ಮುಖಭಂಗಕ್ಕೀಡಾಗಿದೆ.
ಸೊಸೈಟಿ ಅಭಿವೃದ್ಧಿಗೆ ಶ್ರಮ : ಗೆಲುವು ಸಾಧಿಸಿದ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿ ಡಿ.ಸಿದ್ದರಾಮಯ್ಯ ಮಾತನಾಡಿ, ಸರ್ಕಾರದ ಜನಪರ ಕಾರ್ಯಕ್ರಮಗಳನ್ನು ಮೆಚ್ಚಿ ಮತದಾರರು ಕಾಂಗ್ರೆಸ್ ಬೆಂಬಲಿತರಿಗೆ ಹೆಚ್ಚಿನ ಸ್ಥಾನ ನೀಡಿದ್ದಾರೆ. ಸಹಕಾರಿ ಕ್ಷೇತ್ರದಲ್ಲಿ ರಾಜಕೀಯ ಮಾಡದೆ ತಾಲೂಕು ಸೊಸೈಟಿಯನ್ನು ಅಭಿವೃದ್ಧಿಯತ್ತ ಕೊಂಡೊಯ್ಯಲಾಗುವುದು. ಮತದಾರರ ವಿಶ್ವಾಸಕ್ಕೆ ಪೂರಕವಾಗಿ ಕೆಲಸ ಮಾಡಿ ಸೊಸೈಟಿ ಅಭಿವೃದ್ಧಿ ಮಾಡುತ್ತೇವೆ ಎಂದರು. ಪ್ರವರ್ಗ ಬಿ ಕ್ಷೇತ್ರದಿಂದ ಜಯ ಸಾಧಿಸಿದ ಜಿ.ಕೆಂಪೇಗೌಡ ಮಾತನಾಡಿ, ಈ ಚುನಾವಣೆಯ ಫಲಿತಾಂಶ ಮುಂದಿನ ಸ್ಥಳಿಯ ಸಂಸ್ಥೆಗಳ ಚುನಾವಣೆಗಳು ಮತ್ತು ಶಾಸನಸಭೆ ಚುನಾವಣೆಯ ದಿಕ್ಸೂಚಿಯಾಗಲಿದೆ. ತಾಲೂಕಿನಲ್ಲಿ ಕಾಂಗ್ರೆಸ್ ಭದ್ರವಾಗಿರುವುದಕ್ಕೆ ಮತದಾರರು ನೀಡಿರುವ ಈ ತೀರ್ಪು ಸಾಕ್ಷಿ. ಮುಂದೆ ಒಗ್ಗಟ್ಟಿನಿಂದ ಕೆಲಸ ಮಾಡಲಾಗುವುದು ಎಂದರು.
"ಎ' ತರಗತಿ ಫಲಿತಾಂಶಕ್ಕೆ ತಡೆ : ತಾಲೂಕಿನ 20 ವಿಎಸ್ಎಸ್ಎನ್ ಪ್ರತಿನಿಧಿಗಳಾಗಿ 5 ನಿರ್ದೇಶಕ ಸ್ಥಾನಕ್ಕೆ 9 ಜನ ಸ್ಪರ್ಧಿಸಿದ್ದರು. ಇದರಲ್ಲಿ 2 ವಿಎಸ್ಎಸ್ಎನ್ ಪ್ರತಿನಿಧಿಗಳು ಹೈಕೋರ್ಟ್ ಮೂಲಕ ಮತಚಲಾಯಿಸುವ ಹಕ್ಕು ಪಡೆದು ಭಾನುವಾರ ಮತ ಚಲಾಯಿಸಿದ್ದರು. ಮತದಾನ ಬಳಿಕ ಎ ತರಗತಿಯ ಫಲಿತಾಂಶ ತಡೆ ಹಿಡಿಯಲಾಗಿದೆ. ಸೋಮವಾರ ಹೈಕೋರ್ಟ್ನಲ್ಲಿ ಅರ್ಜಿ ವಿಚಾರಣೆ ನಡೆಯಿತು. ಚುನಾವಣೆ ಫಲಿತಾಂಶ ಪ್ರಕಟಿಸುವ ಅಧಿಕಾರವನ್ನು ಚುನಾವಣಾಧಿಕಾರಿಯಾದ ಸಹಕಾರಿ ಇಲಾಖೆ ಉಪನಿಬಂಧಕರಿಗೆ ನೀಡಿದೆ. ಮಂಗಳವಾರ ಲಿತಾಂಶ ಪ್ರಕಟವಾಗುವ ನಿರೀೆ ಇದೆ. ಎ ತರಗತಿಯ 5 ಸ್ಥಾನಗಳ ಲಿತಾಂಶ ಪ್ರಕಟವಾಗಿಲ್ಲವಾದರೂ ಅಧಿಕ ಮತ ಪಡೆದಿರುವುದು ಖಚಿತವಾಗಿರುವ ಬೆನ್ನಲ್ಲೆ ಎ ತರಗತಿಯ ಜತೆ ಬಿ ತರಗತಿಯಲ್ಲಿ 3 ಸ್ಥಾನಗಳನ್ನು ತೆಕ್ಕೆಗೆ ತೆಗೆದುಕೊಳ್ಳುವ ಮೂಲಕ ಅಧಿಕಾರದ ಚುಕ್ಕಾಣಿ ಹಿಡಿಯಲು ಕಾಂಗ್ರೆಸ್ ಸನ್ನದ್ಧವಾಗಿದೆ.
"ಬಿ' ತರಗತಿಯಿಂದ ಆಯ್ಕೆಯಾದ ಅಭ್ಯರ್ಥಿಗಳು : ಪುರುಷೋತ್ತಮ (ಮೈತ್ರಿ ಜೆಡಿಎಸ್) ವಿಶ್ವಾಸ್ ಹನುಮಂತೇಗೌಡ -(ಕಾಂಗ್ರೆಸ್ ಬೆಂಬಲಿತ). ಎಂ.ಆನಂದ- (ಮೈತ್ರಿ ಜೆಡಿಎಸ್). ಎ.ರಾಮಾಂಜಿನಪ್ಪ (ಮೈತ್ರಿ ಜೆಡಿಎಸ್). ಲಕ್ಷ್ಮೀನಾಗೇಶ್ (ಮೈತ್ರಿ ಜೆಡಿಎಸ್). ಚಂದ್ರಕಲಾ ಮಂಜುನಾಥ್ (ಕಾಂಗ್ರೆಸ್ ಬೆಂಬಲಿತ). ವಿ.ಎಸ್.ರಮೇಶ್ (ಮೈತ್ರಿ ಜೆಡಿಎಸ್) ಜಿ.ಕೆಂಪೇಗೌಡ (ಕಾಂಗ್ರೆಸ್ ಬೆಂಬಲಿತ)