ಅಪಾಯಕಾರಿ ಸೇಂದಿ ಮಾರಾಟ ಅವ್ಯಾಹತ

ಪ್ರಮುಖ ಮುಖ್ಯಾಂಶಗಳು

• ತೆಲಂಗಾಣ-ಆಂಧ್ರದಿಂದ ಸಿಎಚ್ ಪೌಡರ್ ಪೂರೈಕೆ
• ನಿರಂತರ ದಾಳಿ ನಡೆದರೂ ನಿಲ್ಲದ ದಂಧೆ

ಎಷ್ಟು ಪ್ರಕರಣ ದಾಖಲು? 

ಜಿಲ್ಲಾ ಪೊಲೀಸ್ ಇಲಾಖೆಯಿಂದ ಅಕ್ರಮ ಮದ್ಯ ಮಾರಾಟ, ಸಿಎಚ್ ಪೌಡರ್ ಮಿಶ್ರಿತ ಸೇಂದಿ ಮಾರಾಟಗಾರರ ಮೇಲೆ ರಾಯಚೂರು ಉಪ ವಿಭಾಗದ ಡಿವೈಎಸ್ಪಿ ಶಾಂತವೀರ ಈ. ನೇತೃತ್ವದಲ್ಲಿ ನಿರಂತರ ದಾಳಿ ಮಾಡಲಾಗುತ್ತಿದೆ. ಜ. 1 ರಿಂದ ಏ. 30ರವರೆಗೆ ಒಟ್ಟು 28 ಪ್ರಕರಣ ದಾಖಲಿಸಿ, 34 ಜನ ಆರೋಪಿಗಳಿಂದ 32200 ರೂ. ಮೊತ್ತದ 1315 ಲೀ. ಸೇಂದಿ ಜಪ್ತಿ ಮಾಡಲಾಗಿದೆ. 

ಹನ್ನೆರಡು ಜನರ ಗಡಿಪಾರು

ಕಳೆದ ಎರಡು ವರ್ಷಗಳಲ್ಲಿ ಅಕ್ರಮ ಚಟುವಟಿಕೆಗಳಾದ ಕೊಲೆ, ಮಟ್ಕಾ ಜೂಜು, ಅಕ್ರಮ ಮರಳು ಸಾಗಣೆ, ಸೇದಿ ಮಾರಾಟ ಹಾಗೂ ಇತರ ಪ್ರಕರಣಗಳಲ್ಲಿ ಪದೇಪದೆ ಭಾಗಿಯಾದ ವಿವಿಧ ಠಾಣೆಗಳ 12 ಜನರನ್ನು ಜಿಲ್ಲಾಡಳಿತ ಗಡಿಪಾರು ಮಾಡಿದೆ. ರಾಯಚೂರಿನ ಪಶ್ಚಿಮ ಠಾಣೆ 1, ನೇತಾಜಿ ನಗರ ಠಾಣೆ 2, ಇಡಪನೂರು 5, ಯಾಪಲದಿನ್ನಿ ಠಾಣೆ ವ್ಯಾಪ್ತಿಯಲ್ಲಿ ಇಬ್ಬರು  ಹಾಗೂ ಅಬಕಾರಿ ಇಲಾಖೆಯಿಂದ ಇಬ್ಬರು ಸೇರಿ ಒಟ್ಟು 12 ಜನರನ್ನು  ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿದೆ. 

ಎಸ್ಪಿ ಅರುಣಾಂಗ್ಶು ಗಿರಿ ಮಾರ್ಗದರ್ಶನದಲ್ಲಿ ರಾಯಚೂರು ಉಪ ವಿಭಾಗ ಸೇರಿ ಅನೇಕ ಕಡೆ ಅಕ್ರಮವಾಗಿ ಮಾರಾಟ ಮಾಡುತ್ತಿದ್ದ ಸಿಎಚ್ ಪೌಡರ್ ಮಿಶ್ರಿತ ಸೇಂದಿ ಮಾರಾಟ ಅಡ್ಡೆಯ ಮೇಲೆ ನಿರಂತರವಾಗಿ ದಾಳಿ ಮಾಡಲಾಗುತ್ತಿದೆ. ಅಕ್ರಮ ತಡೆಗೆ ಪಕ್ಕದ ತೆಲಂಗಾಣ ರಾಜ್ಯ ಪೊಲೀಸ್ ಅಧಿಕಾರಿಗಳೊಂದಿಗೂ ಸಭೆ ನಡೆಸಿ ಚರ್ಚಿಸಲಾಗಿದೆ.

— ಶಾಂತವೀರ ಈ. ಡಿವೈಎಸ್ಪಿ, ರಾಯಚೂರು