ಜನವಿರೋಧಿ ನೀತಿ ಬಗ್ಗೆ ಜಾಗೃತಿ ಮೂಡಿಸಿ

ಕಲಬುರಗಿ: ಸರ್ಕಾರದ ಜನವಿರೋಧಿ ಯೋಜನೆಗಳ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವುದರ ಜತೆಗೆ ಹೋರಾಟ ರೂಪಿಸುವ ಕೆಲಸ ಮಾಡಬೇಕು ಎಂದು ಭಾರತ ಜ್ಞಾನ ವಿಜ್ಞಾನ ಸಮಿತಿ ರಾಜ್ಯ ಉಪಾಧ್ಯ ಚೇಗರೆಡ್ಡಿ ಹೇಳಿದರು.

ಎಂಪಿಎಚ್​ಎಸ್​ ಪದವಿಪೂರ್ವ ಕಾಲೇಜಿನಲ್ಲಿ ಭಾರತ ನ ವಿಜ್ಞಾನ ಸಮಿತಿಯಿಂದ ಶನಿವಾರ ಹಮ್ಮಿಕೊಂಡಿದ್ದ ತಾಲೂಕು ಸಮಾವೇಶ ಉದ್ಘಾಟಿಸಿ ಮಾತನಾಡಿ, ಸಮಿತಿ ಕಾರ್ಯಕರ್ತರು, ಪದಾಧಿಕಾರಿಗಳು ಸರ್ಕಾರದ ಜನವಿರೋಧಿ ಯೋಜನೆ ಧಿಕ್ಕರಿಸಬೇಕು. ಈ ಕುರಿತು ಸಾರ್ವಜನಿಕರಲ್ಲಿ ತಿಳಿವಳಿಕೆ ಮೂಡಿಸಬೇಕು. ಜನಾಭಿಪ್ರಾಯ ರೂಪಿಸಬೇಕು ಎಂದು ಕರೆ ನೀಡಿದರು.

ಉಪನ್ಯಾಸಕ ಸಂಜೀವಕುಮಾರ ಸಕ್ಕರಗಿ ಉಪನ್ಯಾಸ ನೀಡಿ, ಸರ್ಕಾರ ಕೆಪಿಎಸ್​ ಯೋಜನೆ ಅನುಷ್ಠಾನಕ್ಕೆ ಮುಂದಾಗಿದ್ದು, ಇದರಿಂದ ನೆರೆಹೊರೆಯ ಸಮಾನ ಶಾಲೆಗಳ ಅಸ್ತಿತ್ವಕ್ಕೆ ಧಕ್ಕೆಯಾಗುತ್ತಿದೆ. ಇದು ಮಕ್ಕಳ ಶಿಣದ ಹಕ್ಕಿನ ಸ್ಪಷ್ಟ ಉಲ್ಲಂಘನೆಯಾಗುತ್ತದೆ. ಈ ಕುರಿತು ಗಂಭೀರ ಚಿಂತನೆ ನಡೆಯಬೇಕು ಎಂದರು.

ರಾಜ್ಯ ಸರ್ಕಾರಿ ಪದವಿಪೂರ್ವ ಕಾಲೇಜು ಉಪನ್ಯಾಸಕರ ಸಂದ ಜಿಲ್ಲಾಧ್ಯ ನರಸಪ್ಪ ರಂಗೋಲಿ ಮಾತನಾಡಿ, ನಾವು ಸರ್ಕಾರಿ ನೌಕರರಾಗಿ ಈ ಯೋಜನೆ ಸಮರ್ಪಕವಾಗಿ ಅನುಷ್ಠಾನಗೊಳಿಸಬೇಕಾಗುತ್ತದೆ. ಇದರಲ್ಲಿರುವ ಬಾಧಕಗಳ ಬಗ್ಗೆ ಸರ್ಕಾರದ ಗಮನಕ್ಕೆ ತರುವ ಕೆಲಸ ಮಾಡಲಾಗುವುದು ಎಂದು ಹೇಳಿದರು.

ಸಮಿತಿ ಜಿಲ್ಲಾಧ್ಯಕ್ಷ ಶಿವಶರಣಪ್ಪ ಮುಳೇಗಾಂವ್​ ಅಧ್ಯಕ್ಷತೆ ವಹಿಸಿದ್ದರು. ಶಿಕ್ಷಣ ಇಲಾಖೆಯ ಅಪರ ಆಯುಕ್ತರ ಆಪ್ತ ಕಾರ್ಯದರ್ಶಿ ನಾಗೇಂದ್ರಪ್ಪ ಅವರಾದ, ಜಿಲ್ಲಾ ಕಾರ್ಯದರ್ಶಿ ರವಿಚಂದ್ರ ಅತನೂರ ಇತರರಿದ್ದರು.

ಭಾರತ ಜ್ಞಾನ ವಿಜ್ಞಾನ ಸಮಿತಿಯ ಜಿಲ್ಲಾ ಘಟಕ ರಚಿಸಿ ಪದಾಧಿಕಾರಿಗಳನ್ನು ನೇಮಕ ಮಾಡಲಾಯಿತು. ಸುಭಾಷಚಂದ್ರ ಆರ್​. (ಗೌರವಾಧ್ಯ), ಮಲ್ಲಿಕಾರ್ಜುನ ಶಿರಸಗಿ (ಅಧ್ಯ), ಧನರಾಜ (ಕಾರ್ಯದರ್ಶಿ), ಭಾಗಣ್ಣ ಗುಡ್ಡೊಡಗಿ (ಖಜಾಂಚಿ), ಸುರೇಖಾ ಡೆಂಗೆ (ಉಪಾಧ್ಯಕ್ಷ), ಗೌತಮ ನೂಲೆ (ಉಪಾಧ್ಯ), ರೇಣುಕಾ ಎನ್​. (ಸಹ ಕಾರ್ಯದರ್ಶಿ), ಶರಣಬಸಪ್ಪ (ಸಹ ಕಾರ್ಯದರ್ಶಿ), ದಸ್ತಗಿರಸಾಬ್​ ಬಾಗವಾನ್​ (ಸಂಟನಾ ಕಾರ್ಯದರ್ಶಿ), ಪ್ರಶಾಂತ, ದೌಲತರಾವ್​ ದೇಸಾಯಿ (ಜಿಲ್ಲಾ ಸಮಿತಿ ಸದಸ್ಯರು) ಮತ್ತು 10 ಜನ ಸದಸ್ಯರು ಸಮಿತಿಯಲ್ಲಿರುತ್ತಾರೆ ಎಂದು ನಾಗೇಂದ್ರಪ್ಪ ಅವರಾದ ತಿಳಿಸಿದರು.