chess ತುರುವೇಕೆರೆ ತಾಲೂಕಿನ ಲಯನ್ಸ್ ಭವನದಲ್ಲಿ ಹಮ್ಮಿಕೊಂಡಿದ್ದ ಮುಕ್ತ ಚದುರಂಗ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಲಾಯಿತು. ಡಾ. ನಾಗರಾಜ್, ಟಿ.ಸಿ. ಸುನಿಲ್ ಬಾಬು, ರವಿ, ವಕೀಲ ಪಿ.ಎಚ್.ಧನಪಾಲ್, ಪ್ರೊ. ಗಂಗಾಧರ ದೇವರಮನೆ, ಮಹೇಶ್, ಕಾರ್ತಿಕ್ ಇದ್ದರು.
ತುರುವೇಕೆರೆ: ಚದುರಂಗ ಮನಸ್ಸಿನ ಏಕಾಗ್ರತೆಯ ಜತೆಗೆ ತಾರ್ಕಿಕ ಶಕ್ತಿಯನ್ನು chess ಹೆಚ್ಚಿಸುತ್ತದೆ. ಇದರಿಂದ ಮನುಷ್ಯನ ಆಲೋಚನಾ ಸರಣಿಯಲ್ಲಿ ಸ್ಟಷ್ಟತೆ ಮತ್ತು ಪರಿಪೂರ್ಣತೆಗೆ ಅವಕಾಶವಾಗುತ್ತದೆ ಎಂದು ವಕೀಲ ಪಿ.ಎಚ್.ಧನಪಾಲ್ ತಿಳಿಸಿದರು.
ತಾಲೂಕಿನ ಲಯನ್ಸ್ ಭವನದಲ್ಲಿ ಲಯನ್ಸ್ ಕ್ಲಬ್ ಮತ್ತು ಕಲ್ಪತರು ಲಯನ್ಸ್ ಚಾರಿಟಬಲ್ ಟ್ರಸ್ಟ್ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಮುಕ್ತ ಚದುರಂಗ ಸ್ಪರ್ಧೆ ಉದ್ಘಾಟಿಸಿ ಮಾತನಾಡಿ, ಪಟ್ಟಣದಲ್ಲಿ ಚದುರಂಗ ಸ್ಪರ್ಧೆಗಳು ನಡೆಯುತ್ತಿದ್ದು, ರಾಜ್ಯದ ಗಮನ ಸೆಳೆದಿದೆ. ನೂರಾರು ರಾಷ್ಟ್ರಮಟ್ಟದ ಆಟಗಾರರು ರೂಪುಗೊಂಡಿದ್ದಾರೆ. ಇದರ ಹಿನ್ನೆಲೆಯ ಶಕ್ತಿಯಾಗಿ, ಸ್ಪೂರ್ತಿಯಾಗಿ ನಿಂತಿರುವ ನುರಿತ ಆಟಗಾರರೂ, ತರಬೇತುದಾರರೂ ಆದ ಡಾ. ನಾಗರಾಜ್ ಅವರಿಗೆ ಅಭಿನಂದನೆ ಸಲ್ಲಬೇಕು ಎಂದರು.
ಗ್ಲೋಬಲ್ ಶಿಕ್ಷಣ ಸಂಸ್ಥೆಗಳ ಮುಖ್ಯಸ್ಥ ಪ್ರೊ.ಗಂಗಾಧರ ದೇವರಮನೆ ಮಾತನಾಡಿ, ಮಕ್ಕಳ ಸೃಜನಶೀಲ ಅಭಿವ್ಯಕ್ತಿಯನ್ನು ಕಾಪಾಡುವುದು ಇಂದಿನ ದಿನಗಳಲ್ಲಿ ಅತ್ಯಗತ್ಯ ಎಂದರು.
ಚದುರಂಗ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಲಾಯಿತು. ಮುಕ್ತ ವಿಭಾಗದಲ್ಲಿ ಕೆ.ಬಿ. ಕ್ರಾಸ್ನ ಬಸವೇಶ್, ತುಮಕೂರಿನ ದ್ರುವಲ್, ತುರುವೇಕೆರೆಯ ರವೀಂದ್ರ ಪ್ರಸಾದ್ ಕ್ರಮವಾಗಿ ಮೊದಲ ಮೂರು ಬಹುಮಾನ ಪಡೆದರು. ಬಾಲಕಿಯರ ವಿಭಾಗದಲ್ಲಿ ತುಮಕೂರಿನ ಸುಮಲತಾ ಪ್ರಥಮ ಬಹುಮಾನ ಪಡೆದರು. ಪ್ರಾರಂಭಿಕ ವಿಭಾಗದಲ್ಲಿ ತುರುವೇಕೆರೆಯ ತೇಜಸ್ ಗೌಡ ಪ್ರಥಮ ಬಹುಮಾನ ಪಡೆದರು. ಲಯನ್ಸ್ ಕ್ಲಬ್ ಅಧ್ಯಕ್ಷ ಟಿ.ಸಿ.ಸುನಿಲ್ ಬಾಬು, ಡಾ.ನಾಗರಾಜ್, ಕಾರ್ಯದರ್ಶಿ ರವಿ, ಮಹೇಶ್, ಕಾರ್ತಿಕ್ ಇದ್ದರು.