ಸ್ವಾಭಿಮಾನದ ಪ್ರತಿಕಾರ ಭೀಮ ಕೋರೆಗಾಂವ್​ ಯುದ್ಧ

ತಾಲೂಕಿನ ಚೇಳೂರು ಹೋಬಳಿ ಶೇಷೇನಹಳ್ಳಿಯಲ್ಲಿ ಇತ್ತೀಚೆಗೆ ಹಮ್ಮಿಕೊಂಡಿದ್ದ 208ನೇ ಭೀಮ ಕೋರೆಗಾಂವ್​ ವಿಜಯೋತ್ಸವ ಸಂಭ್ರಮಾಚರಣೆಯಲ್ಲಿ ಮಾತನಾಡಿ, 1818 ಜ.1 ರಂದು ನಡೆದ ಕೋರೆಗಾಂವ್​ ಯುದ್ಧದ ಪರಿಣಾಮ ಎಂದಿಗೂ ಚಾಲ್ತಿಯಲ್ಲಿರಬೇಕು ಎಂದರು.

ತಾಲೂಕಿನ ಗಡಿಭಾಗದಲ್ಲಿ ಕಾರ್ಯಕ್ರಮ ಮಾಡಬೇಕೆಂಬ ಒತ್ತಾಸೆಯಿಂದ ಆಯೋಜನೆ ಮಾಡಿದ ಪರಿಣಾಮ ನೂರಾರು ಮಹಿಳೆಯರು ಆಗಮಿಸಿದ್ದೀರಿ, ಅದೇ ರೀತಿ ಹೆಚ್ಚು ಸ್ವಸಹಾಯ ಸಂಘಗಳು ರಚನೆಯಾಗಿ ಸ್ವಾಭಿಮಾನದ ಬದುಕು ಕಟ್ಟಿಕೊಳ್ಳಿ ಎಂದು ತಿಳಿಸಿದರು.

ಉಪಾಧ್ಯಕ್ಷ ಹೊಸಕೆರೆ ಬಸವರಾಜ್​ ಮಾತನಾಡಿ, ಸಮುದಾಯದ ಜನರು ಅಂಬೇಡ್ಕರ್​ ವಿಚಾರಧಾರೆಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಮಕ್ಕಳ ಭವಿಷ್ಯ ರೂಪಿಸಲು ಉನ್ನತ ವ್ಯಾಸಂಗಕ್ಕೆ ಒತ್ತು ನೀಡಬೇಕು. ಈ ಹಿಂದೆ ಅನುಭವಿಸಿದ್ದ ಕಷ್ಟಕಾರ್ಪಣ್ಯ ದೂರ ಮಾಡಲು ಸಂಘಟಿತರಾಗಿ ಕೆಲಸ ಮಾಡಬೇಕು ಎಂದು ತಿಳಿಸಿದರು.

ಟ್ರಸ್ಟ್​ ಮಹಿಳಾ ಪ್ರತಿನಿಧಿ ಶಿವಲಿಂಗಮ್ಮ ಮಾತನಾಡಿ, ಜನಾಂಗದ ಅಭಿವೃದ್ಧಿಗೆ ಪೂರಕವಾಗಿ ಸ್ವಸಹಾಯ ಸಂಘಗಳು ರಚನೆಯಾಗಬೇಕು. ಪ್ರತಿ ತಾಲೂಕಿನಲ್ಲೂ ಒಕ್ಕೂಟ ರಚನೆಯಾಗಬೇಕು. ಆರ್ಥಿಕ ಸ್ಥಿತಿ ಉತ್ತಮ ಪಡಿಸಿಕೊಳ್ಳುವ ಜತೆಗೆ ನಮ್ಮ ಸಮುದಾಯ ಒಗ್ಗೂಡಿ ಮುಂದೆ ಸಾಗುವ ಕೆಲಸ ನಿರಂತರವಾಗಿ ನಡೆಯಬೇಕು ಎಂದರು.