Bengaluru auto driver kindness earns him an ice cream treat:
Bengaluru auto driver kindness earns him an ice cream treat: ಕೆಲವೊಮ್ಮೆ ಬೆಂಗಳೂರು ಹೀಗೆನೆ ಅಪರಿಚಿತರನ್ನು ಪರಿಚಿತರೆನ್ನುವಂತೆ ಮಾಡುತ್ತದೆ...ಗುರುತು ಪರಿಚಯ ಇಲ್ಲದವರಿಗೆ ಸಹಾಯ ಮಾಡುವಂತೆ ಮಾಡುತ್ತದೆ. ಕೆಲಸ ಸಿಗದಿದ್ದಾಗ ಅಳಿಸುತ್ತದೆ. ನಗಿಸುತ್ತದೆ. ಹೊಸ ಸ್ನೇಹಿತರು, ಪ್ರೀತಿ ಹೀಗೆ ನಾನಾ ವಿಚಾರಕ್ಕೆ ಕಾರಣವಾಗುತ್ತದೆ. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಮನ ಗೆದ್ದಿದ್ದು ಇಂತದ್ದೇ ಒಂದು ಘಟನೆ.
ಸಾಮಾನ್ಯವಾಗಿ ಹೊತ್ತಲ್ಲದ ಹೊತ್ತಲಿ, ಪ್ರಯಾಣಿಸುತ್ತಿರುವ ಸಮಯದಲ್ಲಿ ಕೆಲವೊಂದು ಆಹಾರ ತಿನ್ನಬೇಕು ಎನ್ನುವ ಹೆಬ್ಬಯಕೆ ಶುರುವಾಗುತ್ತದೆ. ಆದರೆ, ನಾವು ಹೋಗುತ್ತಿರುವ ಸಾರ್ವಜನಿಕ ವಾಹನ, ಕ್ಯಾಬ್ ನಿಲ್ಲಿಸೋದು ಹೇಗೆ ಎನ್ನುವ ಭಯದಲ್ಲಿ ಸುಮ್ಮನಾಗುತ್ತೇವೆ. ಆದರೆ, ಬೆಂಗಳೂರಿನಲ್ಲಿ ಯುವತಿಯೊಬ್ಬರಿಗೆ ಐಸ್ಕ್ರೀಂ ತಿನ್ನಬೇಕು ಎನಿಸಿ...ರ್ಯಾಪಿಡೋ ಚಾಲಕನನ್ನು ಅಲ್ಲಿಯೇ ನಿಲ್ಲಿಸಿ, ಆತನಿಗೂ ಐಸ್ ಕ್ರೀಂ ತಂದ ಘಟನೆಯೂ ನೆಟ್ಟಿಗರ ಮನಗೆದ್ದಿದೆ.
ವಿಡಿಯೋದಲ್ಲಿ ಏನಿದೆ?
ಲಕ್ಷ್ಯಾ ಮೆಹ್ತಾ ಎನ್ನುವವರು ಹಂಚಿಕೊಂಡಿರುವ ವಿಡಿಯೋದಲ್ಲಿ ಹೀಗಿದೆ. ಅನ್ಯ ರಾಜ್ಯದ ಹುಡುಗಿಯೊಬ್ಬರು ರ್ಯಾಪಿಡೋದಲ್ಲಿ ಪ್ರಯಾಣಿಸುತ್ತಿರುವಾಗ ಕಣ್ಣಿಗೆ ಐಸ್ಕ್ರೀಂ ಪಾರ್ಲರ್ವೊಂದು ಕಾಣಿಸುತ್ತದೆ. ಆಗ ಥಟ್ಟನೇ ಬಯ್ಯ ಕೊಂಚ ನಿಲ್ಲಿಸಿ ಎಂದು ಮನವಿ ಮಾಡಿಕೊಳ್ಳುತ್ತಾರೆ. ಐಸ್ಕ್ರೀಂ ತರುತ್ತೇನೆ ಎಂದು ಹೋದ ಆಕೆ ತನಗಷ್ಟೇ ಅಲ್ಲದೇ ಆಟೋ ಚಾಲಕನಿಗೊಂದು ಐಸ್ಕ್ರೀಂ ಕೊಂಡು ತಂದು ಕೊಟ್ಟು. ಇದನ್ನು ತಿನ್ನಿ ತುಂಬಾನೆ ಚಂದವಾಗಿರುತ್ತದೆ ಎಂದು ಹೇಳಿದ್ದಾರೆ. ಅಯ್ಯೋ ನನಗೆ ಇದರ ಅವಶ್ಯಕತೆ ಇರಲಿಲ್ಲ ಎಂದ ಆಟೋ ಡ್ರೈವರ್ ಕೊನೆಗೆ ಥ್ಯಾಂಕ್ಯು ಮೇಡಂ ಎಂದು ನಕ್ಕಿದ್ದು ಗಮನ ಸೆಳೆದಿದೆ.
ಇದೆನೂ ದೊಡ್ಡ ವಿಚಾರ ಅಲ್ಲ ಐಸ್ಕ್ರೀಂ ತಿನ್ನೋಕೆ ಬಯಸಿದ್ಲು ಆತನಿಗೂ ತಂದು ಕೊಟ್ಲು ಅಷ್ಟೇನೆ. ಇದಕ್ಕೆ ಇಷ್ಟೆಲ್ಲ ಬಿಲ್ಡಪ್ ಬೇಕಿತ್ತಾ ಎಂದು ನೆಟ್ಟಿಗರೊಬ್ಬರು ಕಾಮೆಂಟ್ ಮಾಡಿದ್ದಾರೆ. ಇಂತಹ ಬದಲಾವಣೆಗಳೆ ಚಂದ. ಅಲ್ಲಿ ಆಟೋ ಡ್ರೈವರ್ ಆಕೆ ಬೈದು ಸುಮ್ಮನೆ ಕರೆದುಕೊಂಡು ಹೋಗಬೇಕಿತ್ತು. ನಾವು ಭಾರತೀಯರು ಯಾವುದೇ ಕಾರಣವಿಲ್ಲದೆ ತುಂಬಾ ಕೋಪಗೊಳ್ಳುತ್ತೇವೆ. ಆದರೆ, ಆತ ಹಾಗೆ ಮಾಡಲಿಲ್ಲ. ನಿಲ್ಲಿಸಿ ಸಹಕರಿಸಿದ ಎಂದು ಆರ್ಜೆ ಎನ್ನುವವರು ಕಾಮೆಂಟ್ ಮಾಡಿದ್ದಾರೆ.
ವಿಕ್ರಮ್ ಆಶಾ ಎನ್ನುವವರು ಕಾಮೆಂಟ್ ಮಾಡಿದ್ದು, ಕ್ಯಾಮೆರಾದ ಹೊರಗೆಯೂ ಜನರು ಇದೇ ರೀತಿ ವರ್ತಿಸಿದರೆ ಎಷ್ಟು ಚೆನ್ನಾಗಿರುತ್ತಿತ್ತು ಅಂತ ನನಗೆ ಅನಿಸುತ್ತದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ಒಟ್ಟಾರೆಯಾಗಿ ಬೆಂಗಳೂರಿನಲ್ಲಿ ಜನರು ಮಾನವೀಯತೆ, ಪ್ರೀತಿಯನ್ನು ಮರೆತಿಲ್ಲ ಎನ್ನುವುದು ಈ ವಿಡಿಯೋ ಮೂಲಕ ಕಾಣಿಸುತ್ತಿದೆ, (ಏಜೆನ್ಸೀಸ್).