ಪಂಚಾಯಿತಿ ಸಿಬ್ಬಂದಿ ಮೇಲೆ ಹಲ್ಲೆ

ಲಕ್ಷಿ$್ಮಸಾಗರ ಗ್ರಾಮ ಪಂಚಾಯಿತಿಯಲ್ಲಿ ಶ್ಯಾಗೊತ್ತೂರು ನಿವಾಸಿ ಗುತ್ತಿಗೆದಾರ ಮುನಿಶಾಮಪ್ಪ ಕಂಪ್ಯೂಟರ್​ ಧ್ವಂಸ ಮಾಡಿ, ಸಿಬ್ಬಂದಿಯನ್ನು ಅವಾಚ್ಯ ಶಬ್ಧಗಳಿಂದ ನಿಂದಿಸಿ, ಕೈಯಿಂದ ಹೊಡೆದು ಬೆದರಿಕೆ ಒಡ್ಡಿದ್ದಾರೆ. ಈ ಸಂಬಂಧ ಪಂಚಾಯಿತಿ ಪಿಡಿಒ ಮಹೇಶ್​ ಕುಮಾರ್​ ಶ್ರೀನಿವಾಸಪುರ ಪೊಲೀಸ್​ ಠಾಣೆಗೆ ದೂರು ನೀಡಿದ್ದು, ಜು.7ರಂದು ಎ್​ಐಆರ್​ ದಾಖಲಾಗಿದೆ.

ಅಭಿವೃದ್ಧಿ ಕೆಲಸಕ್ಕೆ ಸಂಬಂಧ ಬಿಲ್​ ಬಿಡುಗಡೆ ಮಾಡುವ ವಿಚಾರದಲ್ಲಿ ಇಂಜಿನಿಯರ್​ ಬಿಲ್​ ಕಡಿಮೆ ಮಾಡಿದ್ದಾರೆ ಎಂದು ಆರೋಪಿಸಿ ಏಕಾಏಕಿ ಅಧಿಕಾರಿ, ಸಿಬ್ಬಂದಿ ಮೇಲೆ ಹಲ್ಲೆಗೆ ಯತ್ನಿಸಿದ್ದಾನೆ. ಆಗ ಕಚೇರಿಯಲ್ಲಿದ್ದ ಸಿಬ್ಬಂದಿ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಮಹೇಶ್​ ಕುಮಾರ್​ ಅವರಿಗೆ ಕರೆ ಮಾಡಿ ವಿಚಾರ ಗಮನಕ್ಕೆ ತಂದಿದ್ದಾರೆ. ಕೂಡಲೇ ಕಚೇರಿ ಆಗಮಿಸಿದ ಪಿಡಿಒ ಪ್ರಶ್ನೆ ಮಾಡಿದಾಗ ಸರ್ಕಾರಿ ಕೆಲಸಕ್ಕೆ ಅಡ್ಡಿಪಡಿಸಿದಲ್ಲದೆ, ಕಂಪ್ಯೂಟರನ್ನು ಧ್ವಂಸಗೊಳಿಸಿದ್ದಾನೆ.

ಈ ಕುರಿತು ದೂರು ನೀಡಿದ್ದು, ಆರೋಪಿಯನ್ನು ಬಂಧಿಸಬೇಕು ಎಂದು ದೂರುದಾರರಾದ ಪಿಡಿಒ ಮಹೇಶ್​ ಕುಮಾರ್​ ಒತ್ತಾಯಿಸಿದ್ದಾರೆ.