ಬೆಂಗಳೂರಿನ ಹೈಕೋರ್ಟ್ನ ಮಧ್ಯಸ್ಥಿಕೆ ಮತ್ತು ಸೌಹಾರ್ದ ಕೇಂದ್ರ ಹಾಗೂ ಅಲಯನ್ಸ್ ವಿವಿಯು ವಿದ್ಯಾರ್ಥಿಗಳ ಇಂರ್ಟನ್ಶಿಪ್ ಒಪ್ಪಂದಕ್ಕೆ ಸಹಿ ಹಾಕಲಾಯಿತು. ಜಿಲ್ಲಾ ನ್ಯಾಯಾಧೀಶ ದಿನೇಶ್ ಹೆಗ್ಡೆ ರಿಜಿಸ್ಟ್ರಾರ್ ಡಾ.ಮತಂ ವಿಶ್ವನಾಥಯ್ಯ, ಅಲಯನ್ಸ್ ವಿವಿ ರಿಜಿಸ್ಟ್ರಾರ್ ಜನರಲ್ ಸುರೇಖಾ ಶೆಟ್ಟಿ, ಕೇಂದ್ರದ ಉಪನಿರ್ದೇಶಕ ವಿಘ್ನೇಶ್ ಕುಮಾರ್, ಅಲಯನ್ಸ್ ಸ್ಕೂಲ್ ಆಫ್ ಲಾನ ಡೀನ್ ಡಾ.ವಿ.ಶ್ಯಾಮ್ ಕಿಶೋರ್ ಇತರರು ಇದ್ದರು.
ಆನೇಕಲ್ : ಕಾನೂನು ವಿದ್ಯಾರ್ಥಿಗಳಿಗೆ ಮಧ್ಯಸ್ಥಿಕೆ ಪ್ರಕ್ರಿಯೆಗಳ ಪ್ರಾಯೋಗಿಕ ಅನುಭವ ಪಡೆಯಲು ಅವಕಾಶ ಕೊಡುವ ನಿಟ್ಟಿನಲ್ಲಿ ಅಲಯನ್ಸ್ ವಿಶ್ವವಿದ್ಯಾಲಯವು ಹೈಕೋರ್ಟ್ನ ಮಧ್ಯಸ್ಥಿಕೆ ಮತ್ತು ಸೌಹಾರ್ದ ಕೇಂದ್ರ (ದೇಶೀಯ ಮತ್ತು ಅಂತಾರಾಷ್ಟ್ರೀಯ) ದೊಂದಿಗೆ ಒಪ್ಪಂದ ಮಾಡಿಕೊಂಡಿದೆ.
ಪರ್ಯಾಯ ವಿವಾದ ಪರಿಹಾರ, ವಿಶೇಷವಾಗಿ ಮಧ್ಯಸ್ಥಿಕೆ ಮತ್ತು ಸೌಹಾರ್ದ ಕ್ಷೇತ್ರಗಳಲ್ಲಿ ಶೈಕ್ಷಣಿಕ ಸಹಕಾರ, ಸಂಶೋಧನೆ ಮತ್ತು ಕೌಶಲಾಭಿವೃದ್ಧಿಯನ್ನು ಉತ್ತೇಜಿಸುವ ಉದ್ದೇಶದಿಂದ ಇಂರ್ಟನ್ಶಿಪ್ ಸಹಯೋಗ ಒಪ್ಪಂದಕ್ಕೆ ಸಹಿ ಹಾಕಲಾಯಿತು.
ಒಪ್ಪಂದಕ್ಕೆ ಮಧ್ಯಸ್ಥಿಕೆ ಮತ್ತು ಸೌಹಾರ್ದ ಕೇಂದ್ರದ ಪರವಾಗಿ ನಿರ್ದೇಶಕ ಜಿಲ್ಲಾ ನ್ಯಾಯಾಧೀಶ ದಿನೇಶ್ ಹೆಗ್ಡೆ ಹಾಗೂ ಅಲಯನ್ಸ್ ವಿಶ್ವವಿದ್ಯಾಲಯದ ಪರವಾಗಿ ರಿಜಿಸ್ಟ್ರಾರ್ ಡಾ.ಮತಂ ವಿಶ್ವನಾಥಯ್ಯ ಸಹಿ ಹಾಕಿದರು.
ಕಾನೂನು ವಿದ್ಯಾರ್ಥಿಗಳಿಗೆ ಮಧ್ಯಸ್ಥಿಕೆ ಪ್ರಕ್ರಿಯೆಗಳ ಪ್ರಾಯೋಗಿಕ ಅನುಭವ ನೀಡುವ ಉದ್ದೇಶ ಹೊಂದಲಾಗಿದೆ. ಇಂರ್ಟನ್ಶಿಪ್ ಅವಕಾಶಗಳು, ಕಾರ್ಯಾಗಾರಗಳು, ಸಂಸ್ಥೆಗೆ ಭೇಟಿ ಹಾಗೂ ತಜ್ಞರೊಂದಿಗೆ ಶೈಕ್ಷಣಿಕ ಸಂವಾದಗಳ ಮೂಲಕ ವಿದ್ಯಾರ್ಥಿಗಳ ಅನುಭವಾತ್ಮಕ ಕಲಿಕೆಯನ್ನು ಮತ್ತಷ್ಟು ಬಲಪಡಿಸಲು ಇದು ಸಹಕಾರಿಯಾಗಲಿದೆ.
ರಿಜಿಸ್ಟ್ರರ್ ವಿಶ್ವನಾಥಯ್ಯ ಮಾತನಾಡಿ, ಕಾನೂನು ಹಾಗೂ ವಾಣಿಜ್ಯ ಕ್ಷೇತ್ರಗಳಲ್ಲಿ ಪರ್ಯಾಯ ಪರಿಹಾರ ವ್ಯವಸ್ಥೆಗಳಲ್ಲಿ ಮಧ್ಯಸ್ಥಿಕೆಯ ಮಹತ್ವ ಹೆಚ್ಚುತ್ತಿದೆ. ಇಂತಹ ಶೈಕ್ಷಣಿಕ- ಉದ್ಯಮ ಸಹಯೋಗಗಳು ವಿದ್ಯಾರ್ಥಿಗಳಲ್ಲಿ ಜಾಗೃತಿ ಮೂಡಿಸುವುದರ ಜತೆಗೆ ವೃತ್ತಿಪರ ಪರಿಣತಿ ಬೆಳೆಸಲು ಹಾಗೂ ಭಾರತದ ಸಂಸತಿಯನ್ನು ಉತ್ತೇಜಿಸುವಲ್ಲಿ ಪಾತ್ರವಹಿಸಲಿವೆ ಎಂದರು.
ಯುಜಿ ಪ್ರೋಗ್ರಾಂ ನಿರ್ದೇಶಕ ಡಾ. ಎನ್.ಜಿ.ದೇವಯ್ಯ, ಅಸೋಸಿಯೇಟ್ ಡೈರೆಕ್ಟರ್ ಡಾ.ಕೆ.ಇ. ಚಂದ್ರಶೇಖರ್, ಪ್ರೊ.ಡಾ.ಟಿ.ಜಯಶ್ರೀ, ಪ್ರೊ.ವಿಶಾಲ್ ರಣಾವರೆ ಹಾಗೂ ಕರಿಯರ್ ಅಡ್ವಾನ್ಸ್ಮೆಂಟ್ ಮತ್ತು ನೆಟ್ವರ್ಕಿಂಗ್ ಕಚೇರಿಯ ಅಸೋಸಿಯೇಟ್ ಡೈರೆಕ್ಟರ್ ಪ್ರೀತಿ ಜೈನ್ ಇದ್ದರು.