- ಸುಪ್ರೀಂ ಕೋರ್ಟ್ಗೆ ಬೇಲ್ ಮೊರೆ ಹೋಗಿದ್ದ ದರ್ಶನ್ಗೆ ಸಿಕ್ತು ಶಾಕಿಂಗ್ ನ್ಯೂಸ್
- ಒಂದು ವರ್ಷ ವಿಚಾರಣೆ ನಡೆಸಲು ಸುಪ್ರೀಂ ಕೋರ್ಟ್ ಗಡುವು
- ಒಂದು ವರ್ಷ ದರ್ಶನ್ಗೆ ಜೈಲೂಟವೇ ಗತಿ
ನವದೆಹಲಿ: ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಕೇಸ್ನಲ್ಲಿ ಪ್ರಮುಖ ಆರೋಪಿಯಾಗಿರುವ ದರ್ಶನ್ಗೆ ಸುಪ್ರೀಂ ಕೋರ್ಟ್ (Supreme Court)ಶಾಕಿಂಗ್ ನ್ಯೂಸ್ವೊಂದನ್ನು ಕೊಟ್ಟಿದೆ. ಜಾಮೀನು ಅರ್ಜಿಯನ್ನು ವಜಾಗೊಳಿಸಿದ್ದು , ವಿಚಾರಣೆಗೆ ಒಂದು ವರ್ಷ ಕಾಲವಕಾಶ ಕೊಟ್ಟಿದೆ.
ವಿಚಾರಣೆಯಲ್ಲಿ ಪ್ರಗತಿ ಕಾಣದಿದ್ದರೆ ಬೇಲ್ ಕೊಡ್ತೇವೆ
ನ್ಯಾ. ಜೆಬಿ ಪರ್ದೀವಾಲಾ ನೇತೃತ್ವದ ಪೀಠವು ದರ್ಶನ್ ಜಾಮೀನು ಅರ್ಜಿ ವಿಚಾರಣೆ ನಡೆಸಿ, ಒಂದು ವರ್ಷ ಸಮಯಾವಕಾಶ ನೀಡ್ತೀವಿ. ಅಲ್ಲಿವರೆಗೆ ವಿಚಾರಣೆ ನಡೆಸದಿದ್ದರೆ, ಜಾಮೀನು ಅರ್ಜಿ ಸಲ್ಲಿಸಬಹುದು, ಬೇಲ್ ನೀಡುತ್ತೇವೆ ಎಂದು ಆದೇಶ ಹೊರಡಿಸಿದೆ.
ರಾಜಾತಿಥ್ಯ ನೀಡಬೇಡಿ ಎಂದಿದ್ದಷ್ಟೇ
ಮುಂದಿನ ಒಂದು ವರ್ಷದಲ್ಲಿ ಬಾಕಿ ಇರುವ ಪ್ರಮುಖ ಸಾಕ್ಷಿಗಳನ್ನು ವಿಚಾರಣೆ ನಡೆಸಬೇಕು. ದರ್ಶನ್ಗೆ ಜೈಲಿನಲ್ಲಿ ರಾಜಾತಿಥ್ಯ ನೀಡಬೇಡಿ ಎಂದು ಹಿಂದೆ ಸೂಚನೆ ಕೊಟ್ಟಿದ್ದೆವು. ಇದರ ಅರ್ಥ ಯಾವುದೇ ಸೌಲಭ್ಯ ಕೊಡಬೇಡಿ ಎಂದು ಅಲ್ಲ ಎಂದು ನ್ಯಾ. ಪರ್ದೀವಾಲಾ ನೇತೃತ್ವದ ಪೀಠವು ಸ್ಪಷ್ಟಪಡಿಸಿದೆ.
ಈ ಕೇಸ್ನ ವಿಚಾರಣೆ ಆಮೆ ಗತಿಯಲ್ಲಿ ನಡೆಯುತ್ತಿದೆ, ಇದನ್ನು ದಿನನಿತ್ಯದ ಆಧಾರದ ಮೇಲೆ ವಿಚಾರಣೆ ನಡೆಸಲಬೇಕು. ಜೈಲು ನಿಯಮದ ಪ್ರಕಾರ ವಿಚಾರಣಾಧೀನ ಕೈದಿಯಂತೆ ಸೌಕರ್ಯ ನೀಡಬೇಕು. ಆರೋಪಿಯನ್ನು ಒಂಟಿಯಾಗಿ ಇರಿಸುವ ಅಗತ್ಯವಿಲ್ಲ ಎಂದಿದ್ದಾರೆ.
ದರ್ಶನ್ ಪರ ವಕೀಲರು ವಾದ ಮಾಡಿದ್ದು ಹೀಗೆ
ನವೆಂಬರ್ 2025ರಲ್ಲಿ ಸಲ್ಲಿಸಿದ ಚಾರ್ಜ್ ಶೀಟ್ ಪ್ರಕಾರ, 272 ಸಾಕ್ಷಿಗಳಿದ್ದು ಇಲ್ಲಿಯವರೆಗೂ 7 ತಿಂಗಳಿನಿಂದ ಕೇವಲ 10 ಸಾಕ್ಷಿಗಳ ವಿಚಾರಣೆ ವಿಚಾರಣೆಯಾಗಿದೆ. 150 ಸಾಕ್ಷಿಗಳ ವಿಚಾರಣೆ ಬಾಕಿಯಿದೆ. ಪ್ರಮುಖ ಸಾಕ್ಷಿಗಳ ವಿಚಾರಣೆಯು ಮಾಡುತ್ತಿಲ್ಲ ಎಂದು ಮುಕುಲ್ ರೋಹಟಗಿ ವಾದಿಸಿದರು.
ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಸಿದ್ದಾರ್ಥ್ ಲೂತ್ರ, ಸಾಕ್ಷ್ಯಗಳಿಗೆ ಏನು ಮಾಡಿದ್ದಾರೆಂದು ಬಾಯ್ಬಿಟ್ಟರೆ, ಜಾಮೀನು ರದ್ದಾಗುತ್ತದೆ ಎಂದರು. ಮುಂದಿನ ವರ್ಷದೊಳಗೆ ಸಾಕ್ಷ್ಯಗಳ ವಿಚಾರಣೆ ಪೂರ್ಣಗೊಳಿಸೋದಾಗಿ ನ್ಯಾಯಾಧೀಶರಿಗೆ ಹೇಳಿದರು.
ಇಬ್ಬರ ವಾದ ಆಲಿಸಿದ ಕೋರ್ಟ್ ಒಂದು ವರ್ಷದೊಳಗೆ 60 ಪ್ರಮುಖ ಸಾಕ್ಷ್ಯಗಳ ವಿಚಾರಣೆ ಪೂರ್ಣಗೊಳಿಸಬೇಕು. ಆ ಬಳಿಕ ವಿಚಾರಣಾ ನ್ಯಾಯಾಲಯದಲ್ಲೇ ಆರೋಪಿ ಜಾಮೀನಿಗೆ ಅರ್ಜಿ ಸಲ್ಲಿಸಬಹುದು. ಜೈಲು ನಿಯಮ ಪ್ರಕಾರ ಉಳಿದೆಲ್ಲಾ ಕೈದಿಗಳಿಗೆ ಸಿಗುವಂತೆ ಸವಲತ್ತು ಕೊಡಬೇಕು ಎಂದು ಸುಪ್ರೀಂಕೋರ್ಟ್ ನ್ಯಾ. ಪರ್ದೀವಾಲಾ ನಿರ್ದೇಶಿಸಿದರು.
ಏನಿದು ಘಟನೆ?
ಚಿತ್ರದುರ್ಗದ ರೇಣುಕಾಸ್ವಾಮಿ ದರ್ಶನ್ ಗೆಳತಿ ಪವಿತ್ರಾ ಗೌಡ ಅವರಿಗೆ ಇನ್ಸ್ಟಾಗ್ರಾಮ್ನಲ್ಲಿ ಅಸಭ್ಯವಾಗಿ ಸಂದೇಶ ಕಳುಹಿಸುತ್ತಿದ್ದ ಎನ್ನುವುದು ತಿಳಿದುಬಂದಿತ್ತು. ಹೀಗಾಗಿ ಆತನನ್ನು ಜೂನ್8ರ ರಾತ್ರಿ ಬೆಂಗಳೂರಿನಲ್ಲಿನ ಪಟ್ಟಣಗೆರೆ ಶೆಡ್ಗೆ ರಘು ಎಂಬಾತ ಕರೆತಂದಿದ್ದ. ಆತನಿಗೆ ಕರೆಂಟ್ ಶಾಕ್ ಕೊಟ್ಟು ಮರ್ಮಾಂಗಕ್ಕೆ ಹೊಡೆದು ಹಿಂಸಿಸಿ ಕೊಲೆ ಮಾಡಿದ್ದಾರೆ ಎನ್ನಲಾಗಿತ್ತು. 2024 ಜೂನ್ 9ರಂದು ನಾಪತ್ತೆಯಾಗಿರುವ ಬಗ್ಗೆ ರೇಣುಕಾಸ್ವಾಮಿ ಕುಟುಂಬಸ್ಥರು ದೂರು ನೀಡಿದ್ದರು. ಆದರೆ, ಸುಮನ ಹಳ್ಳಿ ಸಮೀಪದ ಬ್ರಿಡ್ಜ್ ಬಳಿ ಅವರ ದೇಹ ಪತ್ತೆಯಾಗಿತ್ತು. ಆ ಬೆನ್ನಲ್ಲೇ ಇಬ್ಬರು ತಾವೇ ಕೊಲೆ ಮಾಡಿದ್ದು ಎಂದು ಪೊಲೀಸರಿಗೆ ಶರಣಾಗಿದ್ದರು. ಅವರಿಬ್ಬರ ಕಾಲ್ ಡೀಟೇಲ್ಸ್ ನೋಡಿದಾಗ ಪ್ರಕರಣಕ್ಕೆ ತಿರುವು ಸಿಕ್ಕಿದೆ.
ಮೈಸೂರಿನಲ್ಲಿದ್ದ ದರ್ಶನ್ ಅವರನ್ನು ಕರೆತಂದು ವಿಚಾರಣೆ ನಡೆಸಲಾಗಿತ್ತು. ಸದ್ಯ ಪವಿತ್ರಾ ಗೌಡ A1, ದರ್ಶನ್ A2
ಆಗಿದ್ದಾರೆ. ಅವರ ಜೊತೆಗೆ 17 ಮಂದಿಯನ್ನು ಬಂಧಿಸಲಾಗಿತ್ತು. ಸದ್ಯ ಪ್ರಕರಣದ 15 ಮತ್ತು 17 ಹಾಗೂ 16ನೇ ಆರೋಪಿಗಳಿಗೆ ಮಾತ್ರ ಜಾಮೀನು ಸಿಕ್ಕಿದೆ, (ಏಜೆನ್ಸೀಸ್).