ಕಲಬುರಗಿ ಮಾನಕರ್ ಲೇಔಟ್ನಲ್ಲಿರುವ ಬಿಸಿಲು ಆರ್ಟ್ ಗ್ಯಾಲರಿಯಲ್ಲಿ ಹವ್ಯಾಸಿ ಚಿತ್ರಕಲಾವಿದ ಶರಣಬಸಪ್ಪ ಬಗಲಿ ಅವರ ವಾಟರ್ ಕಲರ್, ಸ್ಕೆಚ್ ಮತ್ತು ಪೇಂಟಿಂಗ್ಸ್ಗಳ ಏಕವ್ಯಕ್ತಿ ಚಿತ್ರಕಲಾ ಪ್ರದರ್ಶನವನ್ನು ಡಾ.ಶಾಂತಲಾ ನಿಷ್ಠಿ ಭಾನುವಾರ ಉದ್ಘಾಟಿಸಿದರು. ಜಿತೇಂದ್ರ ಕೋಥಳಿಕರ್, ಜೆ.ಎಸ್.ಖಂಡೇರಾವ್, ವಿ.ಬಿ.ಬಿರಾದಾರ್, ನಾರಾಯಣ ಜೋಶಿ ಇತರರಿದ್ದರು.
- ಕಲಬುರಗಿಯಲ್ಲಿ ಏಕವ್ಯಕ್ತಿ ಚಿತ್ರಕಲಾ ಪ್ರದರ್ಶನ
ಕಲಬುರಗಿ: ಚಿತ್ರಕಲೆಗೆ ತುಂಬಾ ಬೆಲೆ ಇದೆ. ಹವ್ಯಾಸಿ ಕಲಾವಿದರು ಕಲಾಕೃತಿ ರಚಿಸಿ ಪ್ರದರ್ಶನ ಮತ್ತು ಮಾರಾಟ ಮಾಡಬೇಕು. ಕಲಾಪ್ರದರ್ಶನ ಮೂಲಕ ತಮ್ಮ ಪ್ರತಿಭೆ ಅನಾವರಣಗೊಳಿಸಬೇಕು ಎಂದು ಕಲಬುರಗಿ ಶರಣಬಸವ ವಿಶ್ವವಿದ್ಯಾಲಯ ಫೈನ್ ಆರ್ಟ್ ವಿಭಾಗದ ಮುಖ್ಯಸ್ಥೆ ಡಾ.ಶಾಂತಲಾ ನಿಷ್ಠಿ ಹೇಳಿದರು.
ಕಲಬುರಗಿ ಮಾನಕರ್ ಲೇಔಟ್ನಲ್ಲಿರುವ ಬಿಸಿಲು ಆರ್ಟ್ ಗ್ಯಾಲರಿಯಲ್ಲಿ ಕಲಬುರಗಿಯ ಹವ್ಯಾಸಿ ಚಿತ್ರಕಲಾವಿದ ಶರಣಬಸಪ್ಪ ಬಗಲಿ ಅವರ ವಾಟರ್ ಕಲರ್, ಸ್ಕೆಚ್ ಮತ್ತು ಪೇಂಟಿಂಗ್ಸ್ಗಳ ಏಕವ್ಯಕ್ತಿ ಚಿತ್ರಕಲಾ ಪ್ರದರ್ಶನ ಭಾನುವಾರ ಉದ್ಘಾಟಿಸಿ ಮಾತನಾಡಿದರು.
ಒಬ್ಬ ಕಲಾವಿದ ತನ್ನ ಚಿತ್ರಕಲೆಗಳನ್ನು ಪ್ರದರ್ಶನ ಮೂಲಕ ಜನಮಾನಸಕ್ಕೆ ತಲುಪಿಸಬೇಕು. ಜತೆಗೆ ಮಾರಾಟದೊಂದಿಗೆ ಒಂದಿಷ್ಟು ಆರ್ಥಿಕ ಸದೃಢತೆ ಹೊಂದಬೇಕು. ಕಲ್ಯಾಣ ಕರ್ನಾಟಕದಲ್ಲಿ ಚಿತ್ರಕಲಾವಿದರನ್ನು ಪ್ರೋತ್ಸಾಹಿಸಬೇಕು ಎಂದರು.
ಎನ್.ವಿ.ಪದವಿ ಮಹಾವಿದ್ಯಾಲಯ ದೃಶ್ಯಕಲಾ ವಿಭಾಗದ ಮುಖ್ಯಸ್ಥ ಜಿತೇಂದ್ರ ಕೋಥಳಿಕರ್ ಮಾತನಾಡಿ, ಶರಣಬಸಪ್ಪಾ ಅವರು ಹವ್ಯಾಸಿ ಕಲಾವಿದರು. ಸಂಯೋಜನೆ, ಬಣ್ಣಗಳ ಮಿಶ್ರಣ ಮತ್ತು ರೇಖೆಗಳು ಪ್ರಬುದ್ಧವಾಗಿದ್ದು, ಈ ಮೂಲಕ ಕಲಾವಿದರ ಸಾಧನೆ ಗೋಚರಿಸುತ್ತಿದೆ ಎಂದರು.
ಹಿರಿಯ ಪತ್ರಿಕಾ ಛಾಯಾಗ್ರಾಹಕ ನಾರಾಯಣ ಜೋಶಿ ಮಾತನಾಡಿ, ಹವ್ಯಾಸಿ ಕಲಾವಿದರಿಗೆ ಪ್ರೇರಣೆ ಮತ್ತು ಪ್ರದರ್ಶನ ಮಾಡಲು ಗ್ಯಾಲರಿ ಅಗತ್ಯವಿದೆ. ಹೀಗಾಗಿ ಎಲ್ಲರೂ ಪ್ರೋತ್ಸಾಹಿಸಬೇಕು. ಬಿಸಿಲು ಆರ್ಟ್ ಗ್ಯಾಲರಿಯಲ್ಲಿ ಅನೇಕ ಕಲಾವಿದರ ಚಿತ್ರಕಲಾ ಪ್ರದರ್ಶನಕ್ಕೆ ಅವಕಾಶ ನೀಡುತ್ತಿರುವುದು ಶ್ಲಾನೀಯ ಎಂದು ಹೇಳಿದರು.
ಅಧ್ಯಕ್ಷತೆ ವಹಿಸಿದ್ದ ವಿ.ಬಿ.ಬಿರಾದಾರ್ ಮಾತನಾಡಿ, ಸೌಂದರ್ಯ ಪ್ರೆ ವಿದ್ಯಾವಂತರಿಗಿಂತಲೂ ಅವಿದ್ಯಾವಂತರಲ್ಲಿ ಹೆಚ್ಚಾಗಿದ್ದು, ಅವರು ಹೆಚ್ಚು ಹೆಚ್ಚು ಆನಂದ ಪಡುತ್ತಾರೆ ಎಂದರು.
ಪ್ರದರ್ಶನ ಜೂನ್ 5ರವರೆಗೆ ನಿತ್ಯ ಸಂಜೆ 4ರಿಂದ 8ರವರೆಗೆ ಹವ್ಯಾಸಿ ಕಲಾವಿದನೊಬ್ಬನ ಕಲಾತ್ಮಕ ಪ್ರಯತ್ನಕ್ಕೆ ಪ್ರೋತ್ಸಾಹ ನೀಡಲು ಕಲಾರಸಿಕರು, ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರು ಪ್ರದರ್ಶನ ವೀಸಬಹುದು. ನಾಡೋಜ ಜೆ.ಎಸ್.ಖಂಡೇರಾವ್, ಕಲಬುರಗಿ ದೂರದರ್ಶನ ಕೇಂದ್ರದ ನಿವೃತ್ತ ನಿರ್ದೇಶಕ ಎಂ ಬಿ.ಪಾಟೀಲ್, ಪತ್ರಕರ್ತ ಗುರುರಾಜ ದೇಸಾಯಿ, ಎಸ್.ಎನ್.ಪಾಟೀಲ್, ದೊಣ್ಣೆಗೌಡರು, ಚಿತ್ರಲೇಖಾ ಪಾಟೀಲ್, ಡಾ.ಆಕಾಶ, ಡಾ.ಪರಶುರಾಮ, ಮೀನಾ ಗುತ್ತೇದಾರ್, ವಿ.ಬಿ.ಬಿರಾದಾರ ಕಲಾ ಪ್ರತಿಷ್ಠಾನ ಕಾರ್ಯದರ್ಶಿ ರವಿಚಂದ್ರ ಬಿರಾದಾರ ಇದ್ದರು. ಮಲ್ಲಿಕಾರ್ಜುನ ಕೊರಳ್ಳಿ ನಿರೂಪಿಸಿದರು. ಶೈಲಜಾ ಬಿರಾದಾರ್ ಸ್ವಾಗತಿಸಿದರು. ರಾಜಕುಮಾರ ಕಾಳೆ ವಂದಿಸಿದರು.