ಹುಳಿಯಾರು: ಚಿಕ್ಕನಾಯಕನಹಳ್ಳಿ ನ್ಯಾಯಾಲಯದ ಸಂಕೀರ್ಣದಲ್ಲಿ ಶನಿವಾರ ತಾಲೂಕು ಕಾನೂನು ಸೇವಾ ಸಮಿತಿಯಿಂದ ಆಯೋಜಿಸಲಾಗಿದ್ದ 'ರಾಷ್ಟ್ರೀಯ ಲೋಕ ಅದಾಲತ್'ನಲ್ಲಿ ಹಿರಿಯ ಸಿವಿಲ್ ನ್ಯಾಯಾಧೀಶ ಎಸ್.ಟಿ.ಸತೀಶ್ ಅವರ ಸಮ್ಮುಖದಲ್ಲಿ ವಿಚ್ಛೇದನ ಹಂತದಲ್ಲಿದ್ದ ಕೇದಿಗೆಹಳ್ಳಿಯ ದಂಪತಿಗಳು ಒಂದಾಗುವ ಮೂಲಕ ಗಮನ ಸೆಳೆದರು.
ಪ್ರಕರಣದ ಹಿನ್ನೆಲೆ: ನ್ಯಾಯಾಲಯದಲ್ಲಿ ಜೀವನಾಂಶ ಕೋರಿ ದಾವೆ ಹೂಡಿದ್ದ ಶೈಲಾ ಮತ್ತು ರಾಘವೇಂದ್ರ ದಂಪತಿಗಳ ನಡುವಿನ ಮನಸ್ತಾಪವನ್ನು ನ್ಯಾಯಾಧೀಶರು ಹಾಗೂ ವಕೀಲರು ತಿಳಿಹೇಳುವಲ್ಲಿ ಯಶಸ್ವಿಯಾದರು. ನ್ಯಾಯಾಧೀಶ ಸತೀಶ್ ಅವರು ದಂಪತಿಗಳಿಗೆ ತಿಳಿವಳಿಕೆ ನೀಡಿ, ಪರಸ್ಪರ ಒಪ್ಪಿಗೆಯ ಮೇರೆಗೆ ರಾಜಿ ಸಂಧಾನದ ಮೂಲಕ ಪ್ರಕರಣವನ್ನು ಸುಖಾಂತ್ಯಗೊಳಿಸಿದರು.
ವಕೀಲ ಟಿ.ರವೀಂದ್ರಕುಮಾರ್ ಅವರು ದಂಪತಿಗಳಿಗೆ ಮನವೊಲಿಸಿ, ಅವರನ್ನು ಮತ್ತೆ ಒಂದು ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದರು.