ನಾಗಪುರ: ಅಯೋಧ್ಯೆಯಲ್ಲಿ ಆಗಸ್ಟ್ 5ರಂದು ನಡೆಯಲಿರುವ ಶ್ರೀರಾಮ ಮಂದಿರದ ಭೂಮಿ ಪೂಜೆ ಕಾರ್ಯಕ್ರಮಕ್ಕಾಗಿ ರಾಷ್ಟ್ರಿಯ ಸ್ವಯಂ ಸೇವಕ ಸಂಘದ ಕೇಂದ್ರ ಕಚೇರಿ ಹಾಗೂ ರಾಮತೇಕ್ನ ಶ್ರೀರಾಮ ಮಂದಿರದಿಂದ ಮಣ್ಣು ರವಾನೆ ಮಾಡಲಾಗಿದೆ.
ರಾಮತೇಕ್ ಮಂದಿರ ಹಾಗೂ ಆರ್ಎಸ್ಎಸ್ ಕೇಂದ್ರ ಕಚೇರಿಯಿಂದ ಮಣ್ಣು ಹಾಗೂ ನಾಗಪುರದ ನದಿಗಳ ನೀರನ್ನು ಕೂಡ ಅಯೋಧ್ಯೆಗೆ ಕಳುಹಿಸಲಾಗಿದೆ ಎಂದು ವಿಶ್ವ ಹಿಂದು ಪರಿಷದ್ನ ವಿದರ್ಭ್ ಪ್ರಾಂತ ಪ್ರಮುಖ್ ಗೋವಿಂಡ್ ಶೆಂಡೆ ಮಾಹಿತಿ ನೀಡಿದ್ದಾರೆ.
ದೇಶದೆಲ್ಲೆಡೆಯ ಧಾರ್ಮಿಕ ಸ್ಥಳಗಳ ಮಣ್ಣು ಹಾಗೂ ನದಿಗಳ ನೀರನ್ನು ಸಂಗ್ರಹಿಸಿ ಸಾವಿರಾರು ಸಂಖ್ಯೆಯಲ್ಲಿ ಜನರು ಅಯೋಧ್ಯೆಗೆ ತೆರಳಬೇಕಿತ್ತು. ಆದರೆ, ಕೋವಿಡ್ ಸಂಕಷ್ಟ ಕಾರಣದಿಂದಾಗಿ ಇದು ಸಾಧ್ಯವಾಗುತ್ತಿಲ್ಲ ಎಂದು ಅವರು ಹೇಳಿದ್ದಾರೆ.
ಅಲ್ಲದೇ, ಆಗಸ್ಟ್ 5ರಂದು ತರಾತುರಿಯಲ್ಲಿ ಭೂಮಿ ಪೂಜೆ ನಡೆಯಲಿರುವುದರಿಂದ ದೇಶದೆಲ್ಲೆಡೆಯ ಜನರಿಗೆ ಕಾರ್ಯಕ್ರಮದಲ್ಲಿ ಭಾಗವಹಿಸಲಾಗುತ್ತಿಲ್ಲ. ಮಣ್ಣು ಹಾಗೂ ನೀರನ್ನು ಕೊರಿಯರ್ ಮೂಲಕ ಕಳುಹಿಸಲಾಗುತ್ತಿದೆ ಎಮದು ಮಾಹಿತಿ ನೀಡಿದರು.