ನವದೆಹಲಿ: ಲಾಕ್ಡೌನ್ ಅವಧಿಯಲ್ಲಿ ವಲಸೆ ಕಾರ್ಮಿಕರು ಅನುಭವಿಸಿದ ಕಷ್ಟ ಹೇಳ ತೀರದು. ಸಾರಿಗೆ ಹಾಗೂ ಆಹಾರ ವ್ಯವಸ್ಥೆ ಇಲ್ಲದೆ ಕಾರ್ಮಿಕರು ನೂರಾರು ಕಿ.ಮೀ. ನಡೆದು ತಮ್ಮ ಗ್ರಾಮಗಳಿಗೆ ತೆರಳಿದರು.
ಕಾರ್ಮಿಕರ ವಲಸೆಯ ವಿಡಿಯೋ ಹಾಗೂ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿ ಎಲ್ಲರ ಗಮನ ಸೆಳೆದಿದ್ದವು.
ಈ ಸಂದರ್ಭದಲ್ಲಿ ಮಹಿಳೆ ತನ್ನ ಮಗುವನ್ನು ಬೆನ್ನಿಗೆ ಕಟ್ಟಿಕೊಂಡು ಸೈಕಲ್ ತುಳಿಯುತ್ತಿರುವ ದೃಶ್ಯ ವೈರಲ್ ಆಗಿ ಎಲ್ಲರ ಮನ ಕಲಕುವಂತಿತ್ತು. ಹೀಗಾಗಿ ಹಲವು ತಾಸುಗಳಲ್ಲಿ ಸಾವಿರಾರು ಮಂದಿ ಚಿತ್ರವನ್ನು ವೀಕ್ಷಿಸಿದ್ದರು.
ಎನ್ಎಸ್ಯುಐನ ರಾಷ್ಟ್ರೀಯ ಕಾರ್ಯದರ್ಶಿ ವಿನೋದ್ ಜಖರ್ ಈ ಚಿತ್ರವನ್ನು ಹಿಂದಿಯ ಶೀರ್ಷಿಕೆಯೊಂದಿಗೆ ಟ್ವೀಟ್ ಮಾಡಿದ್ದಾರೆ. ಇದರ ಅರ್ಥ“ ರಾಜಕೀಯಕ್ಕಿಂತ ಮೇಲೇರಿ. ಸೂಕ್ಷ್ಮವಾಗಿರಬೇಡಿ. ಈ ವಲಸಿಗರ ನೋವನ್ನು ನೋಡಿ ಮತ್ತು ಅನುಭವಿಸಿ ಎಂದು ಬರೆದಿದ್ದಾರೆ.
ಇದನ್ನೂ ಓದಿ ಹಾಸನ ಜಿಲ್ಲೆಗೂ ಕಂಟಕವಾದ ಮುಂಬೈ ನಂಟು!
ಆದರೆ ಈ ವೈರಲ್ ಆದ ಫೋಟೋ ಲಾಕ್ಡೌನ್ ಸಮಯದಲ್ಲ. 6 ವರ್ಷಗಳ ಹಿಂದಿನ ಫೋಟೋ ಎಂದು ಫ್ಯಾಕ್ಟ್ಚೆಕ್ನಿಂದ ಪತ್ತೆಯಾಗಿದೆ. ಈ ಫೋಟೋ ನೆರೆ ರಾಜ್ಯ ನೇಪಾಳದ್ದು ಎಂಬುದು ಕೂಡ ತಿಳಿದು ಬಂದಿದೆ.
ಇಂಡಿಯಾ ಟುಡೆ ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್ಡಬ್ಲ್ಯೂಎ) ಈ ಫೋಟೋ 6 ವರ್ಷದ ಹಿಂದಿನದು.
ರಿವರ್ಸ್ ಸರ್ಚ್ ಮತ್ತು ಗೂಗಲ್ ಮುಂಗಡ ಹುಡುಕಾಟದ ಸಂಯೋಜನೆಯನ್ನು ಬಳಸಿಕೊಂಡು, ಫೇಸ್ಬುಕ್ ನೇಪಾಳದ ಗುಂಜ್ನಲ್ಲಿ ಜುಲೈ 1, 2014 ರಂದು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಆಗಿದೆ. ಹೀಗಾಗಿ ಲಾಕ್ಡೌನ್ ಹಾಗೂ ಈ ಚಿತ್ರಕ್ಕೆ ಯಾವುದೇ ಸಂಬಂಧ ಇಲ್ಲ ಎಂಬುದು ಪತ್ತೆಯಾಗಿದೆ. (ಏಜೆನ್ಸೀಸ್)