ಕಾಲಿವುಡ್​ನಲ್ಲಿ ಶಿವಣ್ಣ ಹವಾ; 'ಟೂರಿಸ್ಟ್​ ಪ್ಯಾಮಿಲಿ' ನಿರ್ದೇಶಕನಿಗೆ ತಂದೆಯಾಗಿ ನಟಿಸಲಿರುವ ಹ್ಯಾಟ್ರಿಕ್​ ಹೀರೋ..Shiva Rajkumar

ಶಶಿಕುಮಾರ್​ ಮತ್ತು ಸಿಮ್ರಾನ್​ ನಟನೆಯ ಟೂರಿಸ್ಟ್​ ಫ್ಯಾಮಿಲಿ ಸಿನಿಮಾ ಭಾರಿ ಸದ್ದು ಮಾಡಿತ್ತು. ಹಾಸ್ಯದೊಂದಿಗೆ ಗಂಭೀರ ವಿಚಾರವನ್ನು ಪರದೆ ಮೇಲೆ ತಂದು ನಿರ್ದೇಶಕನಾಗಿ ಅಭಿಷನ್​ ಜೀವಂತ್​ ಸೈ ಎನಿಸಿಕೊಂಡಿದ್ದರು.  ಸದ್ಯ ಸ್ಯಾಂಡಲ್​ವುಡ್​​​ನ ಬಿಗ್​ಸ್ಟಾರ್ ಡಾ. ಶಿವರಾಜ್​ ಕುಮಾರ್​ ಅವರ​ ಜೊತೆಗೆ ನಟನಾಗಿ ಪರದೆ ಹಂಚಿಕೊಳ್ಳುತ್ತಿರುವುದು ಮತ್ತೊಂದು ಮೈಲಿಗಲ್ಲು ಎಂದು ಹೇಳಲಾಗುತ್ತಿದೆ. 

ವಿಕಟನ್​ ಕನೆಕ್ಟ್  ವರದಿಯ ಪ್ರಕಾರ, ಶಿವಣ್ಣ ಮತ್ತು ನಿರ್ದೇಶಕ-ನಟ ಅಭಿಷನ್ ಜೀವಿಂತ್​ ನಟನೆಯ ಸಿನಿಮಾವನ್ನು  ಗೌತಮ್​​ ಶಿವರಾಮನ್​ ಎನ್ನುವವರು ನಿರ್ದೇಶಿಸುತ್ತಿದ್ದಾರೆ. ಗೌತಮ್ ಅವರು ಈ ಮುನ್ನ ಅಭಿಶನ್ ಜೀವಂತ್ ನಿರ್ದೇಶನದ ಸೂಪರ್ ಹಿಟ್ 'ಟೂರಿಸ್ಟ್ ಫ್ಯಾಮಿಲಿ'  ಚಿತ್ರದಲ್ಲಿ ಅಸೋಸಿಯೇಟ್ ಡೈರೆಕ್ಟರ್ ಆಗಿ ಕೆಲಸ ಮಾಡಿದ್ದರು. ಡ್ರಾಮಾ ಕಂಪನಿ ಬ್ಯಾನರ್​ನಡಿ ಈ ಸಿನಿಮಾ ಬರಲಿದೆ ಎನ್ನುವ ಮಾಹಿತಿ ಹೊರಬಿದ್ದಿದೆ.

ಟೂರಿಸ್ಟ್​ ಕುಟುಂಬ ಖ್ಯಾತಿಯ ನಿರ್ದೇಶಕ ಅಭಿಷನ್ ಜೀವಿಂತ್ ಅವರಿಗೆ ಹುಟ್ಟುಹಬ್ಬದ ಶುಭಾಷಯ. ನೀವು ದೂರ ಸಾಗುವ ಅಪರೂಪದ ಪ್ರತಿಭೆಗಳಲ್ಲಿ ಒಬ್ಬರು, ನಿಮ್ಮ ಜೊತೆ ನಟಿಸುವುದು ನಿಜಕ್ಕೂ ಅರ್ಥಪೂರ್ಣ. ನೀವು ಯಾವಾಗಲೂ ಸಂತೋಷವಾಗಿರಿ ಎಂದು ಹಾರೈಸುತ್ತೇನೆ ಎಂದು ಹೇಳಿಕೊಂಡಿದ್ದಾರೆ.

ಶಿವಣ್ಣ ಮತ್ತು ಅಭಿಷನ್ ಜೀವಿಂತ್​  ನಟನೆಯ ಸಿನಿಮಾವು ತಂದೆ ಮಗನ ಪಾತ್ರವನ್ನು ಕೇಂದ್ರೀಕರಿಸುತ್ತದೆ. ಶಿವಣ್ಣ ಅಭಿಷನ್ ಜೀವಿಂತ್​  ತಂದೆಯಾಗಿ ನಟಿಸಲಿದ್ದಾರೆ. ಹ್ಯಾಟ್ರಿಕ್​ ಹೀರೋನ ನಾಲ್ಕನೇ ತಮಿಳು ಸಿನಿಮಾ ಇದಾಗಿದೆ. ತಮಿಳು ಹಾಗೂ ಕನ್ನಡ ಪ್ರೇಕ್ಷಕರು ಸೇರಿದಂತೆ ಎಲ್ಲ ಭಾಷೆಯ ವೀಕ್ಷಕರಿಗೆ ಈ ಕತೆಯನ್ನು ತಲುಪಿಸುವ ಎಂದು ಹೇಳಲಾಗಿದೆ. 

 ಶಿವಾನಿ ನಾಗರಂ ಮತ್ತು ಯೋಗಲಕ್ಷ್ಮಿ ನಾಯಕ ನಟಿಯರಾಗಿ ಬಣ್ಣ ಹಚ್ಚಿದ್ದಾರೆ, ಗಾನ ವಿನೋದ್​,  ಪ್ರಮುಖಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಲಿಯೋನಿ ಜೇಮ್ಸ್​ ಅವರ ಸಂಗೀತದಲ್ಲಿ ಸಿನಿಮಾ ಮೂಡಿಬರಲಿದೆ. ಕ್ಯಾಪ್ಟನ್​ ಮಿಲ್ಲರ್​, ಜೈಲರ್​  ಹಾಗೂ ಜೈಲರ್​​-2 ನಂತರ ತಮಿಳು ಸಿನಿಮಾ ರಂಗದಲ್ಲಿ ಶಿವರಾಜ್​ ಕುಮಾರ್​​ರ 4ನೇ ಸಿನಿಮಾ ಇದಾಗಿದೆ. ಈ ಮೂಲಕ  ಹ್ಯಾಟ್ರಿಕ್​ ಹೀರೋ ಹವಾ ಸ್ಯಾಂಡಲ್​ವುಡ್​, ಟಾಲಿವುಡ್​ನಲ್ಲಿ ಮಾತ್ರವಲ್ಲ ಕಾಲಿವುಡ್​ನಲ್ಲಿಯೂ ಮುಂದುವರೆದಿದೆ, (ಏಜೆನ್ಸೀಸ್).