ನಟಿ ಸನಾ ಖಾನ್​​ ಜತೆ ಹಜ್ ಯಾತ್ರೆ ಮಾಡಿದ ಸಾನಿಯಾ ಮಿರ್ಜಾ

ನವದೆಹಲಿ: ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಹಜ್ ಯಾತ್ರೆಗೆ ತೆರಳಿರುವುದು ಗೊತ್ತೇ ಇದೆ. ಸಾನಿಯಾ ತನ್ನ ಸಹೋದರಿ ಅನಮ್ ಮಿರ್ಜಾ ಮತ್ತು ಇತರರೊಂದಿಗೆ ಮಕ್ಕಾಗೆ ಹೋಗಿದ್ದರು. ಇತ್ತೀಚೆಗೆ ಇವರು ಮಕ್ಕಾದಲ್ಲಿ ನಟಿ ಸನಾ ಖಾನ್ ಅವರನ್ನು ಭೇಟಿಯಾಗಿದ್ದಾರೆ. ಈ ವೇಳೆ ಕೆಲವು ಫೋಟೋಗಳನ್ನು ತೆಗೆದುಕೊಂಡಿದ್ದಾರೆ. ಈ ಫೋಟೋಗಳು ವೈರಲ್​ ಆಗಿದೆ.

ಸನಾ ಖಾನ್ ಒಂದು ಕಾಲದಲ್ಲಿ ಟಾಲಿವುಡ್‌ನ ಖ್ಯಾತ ನಾಯಕಿ. ಅವರು ನಾಗಾರ್ಜುನ, ಕಲ್ಯಾಣ್ ರಾಮ್, ಮಂಚು ಮನೋಜ್ ಮತ್ತು ಇತರ ನಾಯಕರೊಂದಿಗೆ ಚಲನಚಿತ್ರಗಳನ್ನು ಮಾಡಿದ್ದಾರೆ. ಅವರು ತೆಲುಗು ಮಾತ್ರವಲ್ಲದೆ ತಮಿಳು, ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ನಟಿಸಿದ್ದಾರೆ ಮತ್ತು ಅಲ್ಲಿನ ಪ್ರೇಕ್ಷಕರಿಂದ ಮೆಚ್ಚುಗೆಯನ್ನು ಪಡೆದರು.

ಬಾಲಿವುಡ್​​ನಲ್ಲಿ ಸಲ್ಮಾನ್ ಖಾನ್ ಮತ್ತು ಅಕ್ಷಯ್ ಕುಮಾರ್ ಅವರ ಸಿನಿಮಾಗಳಲ್ಲಿ ತೆರೆ ಹಂಚಿಕೊಂಡಿದ್ದಾರೆ. ಆದರೆ ಸಿನಿಮಾ ವೃತ್ತಿಜೀವನ ಉತ್ತುಂಗದಲ್ಲಿರುವಾಗಲೇ  ಮದುವೆಯಾದರು. ಅನಸ್ ಸೈಯದ್ ಜೊತೆ ವಿವಾಹವಾದರು. ಮದುವೆಗೂ ಮುನ್ನ ಸಿನಿಮಾಗಳಿಗೆ ವಿದಾಯ ಹೇಳುವ ಮೂಲಕ ಅಭಿಮಾನಿಗಳಿಗೆ ಶಾಕ್ ನೀಡಿದ್ದಾರೆ.

ಪ್ರಸ್ತುತ, ಈ ದಂಪತಿಗೆ ಸೈಯದ್ ತಾರಿಕ್ ಜಮೀಲ್ ಎಂಬ 11 ತಿಂಗಳ ಮಗನಿದ್ದಾನೆ. ಹೆಚ್ಚಾಗಿ ಆಧ್ಯಾತ್ಮಿಕ ಪಯಣದಲ್ಲಿರುವ ಸನಾ ಖಾನ್ ಈಗ ಅನಿರೀಕ್ಷಿತವಾಗಿ ಸಾನಿಯಾ ಮಿರ್ಜಾಳನ್ನು ಭೇಟಿಯಾಗಿದ್ದಾರೆ. ಸನಾಖಾನ್ ಸದ್ಯ ಸಿನಿಮಾಗಳಿಂದ ದೂರವಿದ್ದರೂ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದಾರೆ. ಇದೀಗ ಅವರ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.