ಲಖನೌ: ತಾಯಿ ವೇಶ್ಯಾವಾಟಿಕೆ ಮಾಡುತ್ತಿದ್ದರೆ, ಆಕೆಯ ಇಬ್ಬರು ಗಂಡಮಕ್ಕಳು ದಲ್ಲಾಳಿಗಳಾಗಿ ಕೆಲಸ ಮಾಡುತ್ತಿದ್ದರು. ಬೇರೆ ಬೇರೆಕಡೆಗಳಿಂದ ಹೆಣ್ಣಮಕ್ಕಳನ್ನು ಕರೆತಂದು ತಾಯಿಗೆ ಒದಗಿಸುತ್ತಿದ್ದರು. ಬೀದಿಬದಿಯಲ್ಲಿಯೇ ವೇಶ್ಯಾವಾಟಿಕೆ ನಡೆಸುತ್ತಿದ್ದ ಲಖನೌನ ತಾಯಿ-ಮಕ್ಕಳನ್ನು ಪೊಲೀಸರು ಬಂಧಿಸಿದ್ದಾರೆ.
ಕೋತಾವಾಲಿ ಪ್ರದೇಶದಲ್ಲಿ ವೇಶ್ಯಾವಾಟಿಕೆ ದಂಧೆ ನಡೆಸಲಾಗುತ್ತಿತ್ತು. ಸರಗನಾ ಎಂಬ ಮಹಿಳೆ ಹಾಗೂ ಈಕೆಗೆ ಇಬ್ಬರು ಗಂಡುಮಕ್ಕಳು ಈ ದಂಧೆಯಲ್ಲಿ ತೊಡಗಿಸಿಕೊಂಡಿದ್ದರು.
ಸರಗನಾಳ ಮಕ್ಕಳು ಒಂದಿಷ್ಟು ಹುಡುಗಿಯರು ಫೋಟೋ ಕಲೆಕ್ಟ್ ಮಾಡುತ್ತಿದ್ದ ಮಕ್ಕಳು, ಬರುವ ಗ್ರಾಹಕರಿಗೆ ಅವರ ಫೋಟೋ ತೋರಿಸುತ್ತಿದ್ದರು. ಅವರು ಓಕೆ ಎಂದರೆ ಹುಡುಗಿಯರನ್ನು ಕರೆದುಕೊಂಡು ಬರಲಾಗುತ್ತಿತ್ತು. ಕಾಲೇಜು ವಿದ್ಯಾರ್ಥಿನಿಯರಿಗೂ ಹಣದ ಆಸೆ ತೋರಿಸಿ ಈ ದಂಧೆಗೆ ಒಪ್ಪಿಸುವ ಕೆಲಸ ಹುಡುಗರದ್ದಾಗಿತ್ತು.
ಬೀದಿ ಬದಿಗಳಲ್ಲೇ ಅಡ್ಡ ಮಾಡಿಕೊಂಡಿದ್ದ ಈ ತಾಯಿ-ಮಕ್ಕಳು ಅಲ್ಲಿಯೇ ದಂಧೆ ನಡೆಸುತ್ತಿದ್ದರು.
ಖಚಿತ ಮಾಹಿತಿ ಮೇರೆಗೆ ಈ ಅಡ್ಡೆಯ ಮೇಲೆ ದಾಳಿ ನಡೆಸಿದ ಪೊಲೀಸರು, ಐವರು ಯುವತಿಯರು ಸೇರಿ ಹತ್ತು ಮಂದಿಯನ್ನು ಬಂಧಿಸಿದ್ದಾರೆ. ಆರೋಪಿಗಳು ಬಳಸುತ್ತಿದ್ದ ಕಾರನ್ನೂ ವಶಕ್ಕೆ ಪಡೆಯಲಾಗಿದೆ. ಗ್ರಾಮೀಣ ಪ್ರದೇಶದ ಹುಡುಗಿಯರಿಗೆ ವಿವಿಧ ಆಸೆ ತೋರಿಸಿ ಅವರನ್ನು ಸೆಕ್ಸ್ ದಂಧೆಗೆ ಬಳಸಿಕೊಳ್ಳಲಾಗುತ್ತಿತ್ತು.
ಹೀಗೆ ಹುಡುಗಿಯರನ್ನು ಕರೆದುಕೊಂಡು ಹೋಗುವಾಗ ಸಂದೇಹಗೊಂಡ ಕೆಲವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಇದರ ಆಧಾರದ ಮೇಲೆ ಪೊಲೀಸರು ದಾಳಿ ನಡೆಸಿ ಎಲ್ಲರನ್ನೂ ಬಂಧಿಸಿದ್ದಾರೆ.