ಉತ್ತರ: ನೀವು ವಿಚ್ಛೇದನಕ್ಕೆ ಪ್ರಕರಣ ದಾಖಲಿಸಬಹುದು. ದಾಂಪತ್ಯ ಜೀವನದ ಸಾಂಗತ್ಯ ಕೊಡದಿರುವುದೂ ಕ್ರೂರತೆಯೇ ಆಗುತ್ತದೆ.
ಜೊತೆಗೆ ಎರಡು ವರ್ಷಕ್ಕೂ ಮೀರಿ ಆಕೆ ನಿಮ್ಮಿಂದ ಯಾವುದೇ ಸಕಾರಣವಿಲ್ಲದೆ , ಬೇರೆ ಇದ್ದಾಳೆ ಎನ್ನುವುದನ್ನು ನೀವು ಸಾಬೀತು ಪಡಿಸಿದರೆ ಆ ಆಧಾರದ ಮೇಲೂ ನಿಮಗೆ ವಿಚ್ಛೇದನ ಸಿಗುತ್ತದೆ.
ಯಾವುದಕ್ಕೂ ಮೊದಲು ಒಮ್ಮೆ ನಿಮ್ಮ ತಾಲ್ಲೂಕಿನ ನ್ಯಾಯಾಲಯದ ಮಧ್ಯಸ್ಥಿಕಾ ಕೇಂದ್ರಕ್ಕೆ ನಿಮ್ಮಿಬ್ಬರ ಮಧ್ಯೆ ಇರುವ ದಾಂಪತ್ಯ ಜೀವನದ ಸಮಸ್ಯೆ ಪರಿಹರಿಸಲು ವ್ಯಾಜ್ಯ ಪೂರ್ವ ಮಧ್ಯಸ್ಥಿಕೆ ಮಾಡಿಕೊಡಿ ಎಂದು ಅರ್ಜಿ ಕೊಡಿ. ಅಲ್ಲಿ ಇಬ್ಬರನ್ನೂ ಕರೆಯಿಸುತ್ತಾರೆ. ನುರಿತ ಮಧ್ಯಸ್ಥಿಕೆಗಾರರ ಸಹಾಯದಿಂದ ನಿಮ್ಮ ಸಮಸ್ಯೆಗೆ ಸುಲಭವಾದ ಪರಿಹಾರ ಸಿಗಲೂ ಬಹುದು.