ಉತ್ತರ: ಮಕ್ಕಳನ್ನು ಪತಿ ಪತ್ನಿಯರು ಹಂಚಿಕೊಳ್ಳುವುದನ್ನು ಸಾಮಾನ್ಯವಾಗಿ ಕಾನೂನು ಮಾನ್ಯತೆ ಮಾಡುವುದಿಲ್ಲ. ಹಂಚಿಕೊಳ್ಳಲು ಮಕ್ಕಳು ಸ್ವತ್ತಲ್ಲ ಎನ್ನುವುದನ್ನು ಪೋಷಕರು ತಿಳಿದುಕೊಳ್ಳಬೇಕು. ಐದು ವರ್ಷದ ಒಳಗಿರುವ ಮಕ್ಕಳ ಕಸ್ಟಡಿಯನ್ನು ತಾಯಿಯಿಂದ ಬದಲಾಯಿಸುವುದಿಲ್ಲ.
ಅದರಲ್ಲೂ ಒಟ್ಟಿಗೆ ಬೆಳೆಯುತ್ತಿರುವ ಮಕ್ಕಳನ್ನು ಯಧು ವರ್ಷ ದಾಟಿದ್ದರೂ ಸಾಮಾನ್ಯವಾಗಿ ನ್ಯಾಯಾಲಯ ಬೇರ್ಪಡಿಸುವುದಿಲ್ಲ. ಹೀಗೆ ಮಾಡುವುದರಿಂದ ಮಕ್ಕಳ ಮನೋವಿಕಾಸದ ಮೇಲೆ ತೀವ್ರವಾದ ಪರಿಣಾಮ ಆಗುತ್ತದೆ. ಅದಕ್ಕೆ ಬದಲಾಗಿ ನೀವು ನಿಮ್ಮ ತಾಲ್ಲೂಕಿನ ಮಧ್ಯಸ್ಥಿಕೆ ಕೇಂದ್ರಕ್ಕೆ ನಿಮ್ಮ ಮತ್ತು ನಿಮ್ಮ ಪತ್ನಿಯ ಮಧ್ಯೆ ಇರುವ ಸಮಸ್ಯೆಯನ್ನು ವ್ಯಾಜ್ಯ ಪೂರ್ವ ಮಧ್ಯಸ್ಥಿಕೆಯ ಮೂಲಕ ಪರಿಹರಿಸಿಕೊಡಿ ಎಂದು ಅರ್ಜಿ ಕೊಡಿ. ಇಬ್ಬರನ್ನೂ ಕರೆಯಿಸಿ ಮಧ್ಯಸ್ಥಿಕೆಗಾರರು ಮಾತಾಡುತ್ತಾರೆ. ನಿಮ್ಮ ಸಮಸ್ಯೆ ಪರಿಹಾರ ಆಗಬಹುದು. ನಿಮ್ಮ ಕುಟುಂಬವೂ ಉಳಿಯಬಹುದು.