ಮುಂಬೈ: ಬಾಲಿವುಡ್ನ ಹಾಟೆಸ್ಟ್ ತಾರೆಯರಲ್ಲಿ ಒಬ್ಬರು ಎನಿಸಿರುವ 37 ವರ್ಷದ ಸೋನಮ್ ಕಪೂರ್ ಗರ್ಭಿಯಾಗಿದ್ದಾರೆ. 2018ರಲ್ಲಿ ಉದ್ಯಮಿ ಆನಂದ್ ಅಹುಜಾ ಅವರನ್ನು ಮದುವೆಯಾಗಿರುವ ಸೋನಮ್ ಇನ್ನು ಕೆಲವೇ ತಿಂಗಳುಗಳಲ್ಲಿ ತಾಯಿಯಾಗಲಿದ್ದಾರೆ.
ಈ ಹಿನ್ನೆಲೆಯಲ್ಲಿ ಬೇಬಿ ಬಂಪ್ ಫೋಟೋಶೂಟ್ ಮಾಡಿಸಿಕೊಂಡಿರುವ ಅವರು, ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಅಷ್ಟಕ್ಕೂ ಅವರು ಇಂದು (ಜೂನ್ 9) ಫೋಟೋಶೂಟ್ ಮಾಡಿಸಿಕೊಳ್ಳಲು ಕಾರಣ ಇವತ್ತು ಅವರ ಹುಟ್ಟಿದ ಹಬ್ಬ.
`ಸಾವರಿಯಾ’ ಚಿತ್ರದ ಮೂಲಕ ಹಿರಿತೆರೆ ಪ್ರವೇಶಿಸಿರುವ ಸೋನಮ್, ಮದುವೆಯ ನಂತರವೂ ಬಿಜಿ ನಾಯಕಿಯೆಂದೇ ಗರುತಿಸಿಕೊಂಡವರು. ಗರ್ಭಿಣಿಯಾದ ತಕ್ಷಣ ತುಸು ಚಿತ್ರರಂಗದಿಂದ ದೂರ ಸರಿದಿರುವ ಅವರು, ಇದೀಗ ಬೇಬಿ ಬಂಪ್ ಷೋ ಮಾಡಿದ್ದಾರೆ. ತಂದೆ ಅನಿಲ್ ಕಪೂರ್ ಬಾಲಿವುಡ್ ಕಂಡ ಅಪ್ರತಿಮ ನಾಯಕ. ಇಂದಿಗೂ ಸಿನಿರಂಗದಲ್ಲಿ ಬ್ಯುಸಿ ಇರುವ ಸ್ಟಾರ್ ನಾಯಕನ ಮಗಳು ಸೋನಮ್ ಕೂಡ ಬಾಲಿವುಡ್ನಲ್ಲಿ ಫೇಮಸ್.
ಮೊದಲ ಚಿತ್ರದಲ್ಲಿಯೇ ಫಿಲ್ಮ್ಫೇರ್ ಪ್ರಶಸ್ತಿ ಪಡೆದ ನಟಿ, ಕೆಲ ಚಿತ್ರಗಳಲ್ಲಿ ಸೋಲನುಭವಿಸಿದರು. ಆದರೆ ಮೂರು ವರ್ಷಗಳ ನಂತರ ಮತ್ತೆ ಸೂಪರ್ ಹಿಟ್ ಚಿತ್ರಕೊಟ್ಟು ಉತ್ತಮ ನಟಿ ಎನಿಸಿಕೊಂಡಿದ್ದಾರೆ. ಇದೀಗ ಬಿಳಿ ಬಣ್ಣದ ಕಲರ್ ಡ್ರೆಸ್ನಲ್ಲಿ ತುಂಬಾ ಮುದ್ದಾಗಿ ಕ್ಯಾಮೆರಾ ಕಣ್ಣಿಗೆ ಪೋಸ್ ಕೊಟ್ಟಿದ್ದಾರೆ. ಅವರ ಅಭಿಮಾನಿಗಳು ಈ ಫೋಟೋಗೆ ಬಾರಿ ಮೆಚ್ಚಿಕೊಂಡಿದ್ದಾರೆ.