ಮಾಸ್ಕೋ: ಜೊಂಬಿ ಡ್ರಗ್ಸ್ ಸ್ಪೈಸ್ ಮತ್ತು ನೋವು ನಿವಾರಕ ಕಾಕ್ಟೈಲ್ ಸೇವಿಸಿ 29 ವರ್ಷದ ರಷ್ಯಾ ಯುವಕನೊಬ್ಬ ತನ್ನ ಕಾಲನ್ನು ತಾನೇ ಕತ್ತರಿಸಿಕೊಂಡಿರುವ ಘಟನೆ ನಡೆದಿದೆ.
ಯುವಕನ ಗುರುತು ಇನ್ನು ಪತ್ತೆಯಾಗಿಲ್ಲ. ಆದರೆ, ಘಟನೆ ಮಾಸ್ಕೋದಿಂದ 2,100 ಮೈಲಿ ದೂರ ಇರುವ ಪ್ರೊಕೊಪಿವಸ್ಕ್ ಪಟ್ಟಣದಲ್ಲಿ ನಡೆದಿದೆ. ತನ್ನ ಎಡಗಾಲಿನ ಮಂಡಿಯ ಮೇಲಿನಿಂದ ಕೆಳಗಿನವರೆಗೂ ಕತ್ತರಿಸಿಕೊಂಡಿದ್ದಾನೆ.
ಸದ್ಯ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ರಕ್ತ ಸೋರಿಕೆ ತಡೆದಿರುವುದರಿಂದ ಬದುಕುಳಿದಿದ್ದಾನೆ. ಆದರೆ, ತನ್ನ ಕಾಲನ್ನು ಕಳೆದುಕೊಂಡಿದ್ದಾನೆ.
ಸ್ಪೈಸ್ ಒಂದು ಪ್ರಸಿದ್ಧ ಸಿಂಥೆಟಿಕ್ ಡ್ರಗ್ಸ್ ಆಗಿದ್ದು, ಅದನ್ನು ಸೇವಿಸಿದರೆ ಅವರನ್ನು ಜೊಂಬಿ(ಜೊಂಬಿ ಸಿನಿಮಾದಲ್ಲಿ ಬರುವ ಭಯಾನಕ ಪಾತ್ರ) ಸ್ಥಿತಿಗೆ ಕೊಂಡೊಯ್ಯುತ್ತದೆ. ಜೊಂಬಿ ಸ್ಪೈಸ್ ಇತ್ತೀಚಿನ ವರ್ಷಗಳಲ್ಲಿ ಬ್ರಿಟನ್ ಮತ್ತು ಇತರೆಡೆಗಳಲ್ಲಿ ಕುಖ್ಯಾತಿಯನ್ನು ಗಳಿಸಿದೆ.
ಇದನ್ನು ಮಾನವ ನಿರ್ಮಿತ ಕೆಮಿಕಲ್ಸ್ ಜತೆಗೆ ಗಿಡಮೂಲಿಕೆಗಳು ಅಥವಾ ಚೂರುಚೂರು ಸಸ್ಯ ವಸ್ತುಗಳನ್ನು ಮಿಶ್ರಣ ಮಾಡಿ ತಯಾರಿಸಲಾಗುತ್ತದೆ. (ಏಜೆನ್ಸೀಸ್)