ನವದೆಹಲಿ: ರಾಷ್ಟ್ರೀಯ ಭದ್ರತಾ ಸಲಹೆಗಾರ (ಎನ್ಎಸ್ಎ) ಅಜಿತ್ ದೋವಲ್ರ ಕಚೇರಿ ಸೇರಿ ಉನ್ನತ ಕಚೇರಿಗಳ ಮೇಲೆ ಭಯೋತ್ಪಾದಕರು ಕಣ್ಣಿಟ್ಟಿದ್ದಾರೆ ಎಂಬುದು ಪಾಕ್ ಮೂಲದ ಜೈಷ್-ಎ-ಮೊಹಮ್ಮದ್ (ಜೆಇಎಂ) ಸಂಘಟನೆಯ ಉಗ್ರನ ವಿಚಾರಣೆಯಿಂದ ಬಯಲಾಗಿದೆ. ಈ ಹಿನ್ನೆಲೆಯಲ್ಲಿ ಭದ್ರತಾ ಪಡೆಗಳಿಗೆ ಕಟ್ಟೆಚ್ಚರದಿಂದ ಇರುವಂತೆ ಸೂಚಿಸಲಾಗಿದೆ.
ಪಾಕ್ನ ನಿಯಂತ್ರಕರ (ಹ್ಯಾಂಡಲರ್) ಆದೇಶದ ಮೇರೆಗೆ ನವದೆಹಲಿಯಲ್ಲಿನ ಎನ್ಎಸ್ಎ ಸೇರಿ ವಿವಿಧ ಉನ್ನತ ಕಚೇರಿಗಳ ಮೇಲೆ ನಿಗಾ ಇರಿಸಲಾಗಿತ್ತು. ಈ ಕಚೇರಿಗಳ ವಿಡಿಯೋವನ್ನು ಚಿತ್ರೀಕರಿಸಲಾಗಿತ್ತು ಎಂದು ಉಗ್ರ ಹಿದಾಯತ್-ಉಲ್ಲಾ-ಮಲಿಕ್ ಬಾಯಿಬಿಟ್ಟಿದ್ದಾನೆ ಎಂದು ಮೂಲಗಳು ಹೇಳಿವೆ. ಈತನನ್ನು ಜಮ್ಮು-ಕಾಶ್ಮೀರದ ಶೋಪಿಯಾನ್ನಲ್ಲಿ ಫೆ. 6ರಂದು ಬಂಧಿಸಲಾಗಿತ್ತು.
‘2019ರ ಮೇ 4ರಂದು ಶ್ರೀನಗರದಿಂದ ನವದೆಹಲಿಗೆ ವಿಮಾನದಲ್ಲೇ ಬಂದೆ. ಎನ್ಎಸ್ಎ ಕಚೇರಿಯ ವಿಡಿಯೋ ಮಾಡಿದೆ. ಈ ಕಚೇರಿಗೆ ಒದಗಿಸಲಾಗಿರುವ ಕೇಂದ್ರೀಯ ಕೈಗಾರಿಕಾ ಭದ್ರತಾ ಪಡೆ (ಸಿಐಎಸ್ಎಫ್) ವಿವರವನ್ನು ಪಡೆದುಕೊಂಡು ವಿಡಿಯೋವನ್ನು ವಾಟ್ಸ್ಆಪ್ ಮೂಲಕ ಪಾಕ್ನಲ್ಲಿರುವ ಹ್ಯಾಂಡಲರ್ಗೆ ರವಾನಿಸಿದೆ. ಹ್ಯಾಂಡಲರ್ ತನ್ನನ್ನು ‘ಡಾಕ್ಟರ್’ ಎಂದಷ್ಟೆ ಹೇಳಿಕೊಂಡಿದ್ದ ಎಂದು ಮಲಿಕ್ ವಿಚಾರಣೆ ವೇಳೆ ತಿಳಿಸಿದ್ದಾನೆ. ಪಾಕ್ ಹ್ಯಾಂಡಲರ್ಗಳ ಕೆಲವರ ಹೆಸರು, ಕೋಡ್ ಹೆಸರು, ತಾನು ಸಂರ್ಪಸುತ್ತಿದ್ದ 10 ಮಂದಿಯ ಫೋನ್ ನಂಬರ್ ನೀಡಿದ್ದಾನೆ ಎಂದು ಮೂಲಗಳು ಮಾಹಿತಿ ನೀಡಿವೆ.