ನವದೆಹಲಿ: ಭಾರತದ ಯೂನಿವರ್ಸಿಟಿಗಳ ಎರಡನೇ ಆವೃತ್ತಿಯ ಕ್ಯೂಸ್ ವರ್ಲ್ಡ್ ರಾಂಕಿಂಗ್ ಪ್ರಕಟವಾಗಿದ್ದು, 107 ಯೂನಿವರ್ಸಿಟಿಗಳನ್ನು ರಾಂಕಿಂಗ್ಗೆ ಪರಿಗಣಿಸಲಾಗಿತ್ತು. ಈ ಎಲ್ಲ ಯೂನಿವರ್ಸಿಟಿಗಳು ಕಳೆದ ವರ್ಷವೂ ಪರಿಗಣಿಸಲ್ಪಟ್ಟವು. 2021ರ ಸಾಲಿನ ಗ್ಲೋಬಲ್ ರಾಂಕಿಂಗ್ನಲ್ಲಿ ಭಾರತದ ಮಟ್ಟಿಗೆ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಬಾಂಬೆ ಮೊದಲ ಸ್ಥಾನದಲ್ಲಿದೆ.
ಕ್ಯೂಎಸ್ ಇಂಡಿಯಾ ಯೂನಿವರ್ಸಿಟಿ ರಾಂಕಿಂಗ್ ಅನ್ನು ಶೈಕ್ಷಣಿಕ ಘನತೆ, ಉದ್ಯೋಗದಾತರ ಘನತೆ, ಬೋಧಕವರ್ಗ/ವಿದ್ಯಾರ್ಥಿವರ್ಗದ ಅನುಪಾತ, ಪಿಎಚ್ಡಿ ಆಗಿರುವ ಸಿಬ್ಬಂದಿ, ಪೇಪರ್ಸ್ ಪರ್ ಫ್ಯಾಕಲ್ಟಿ, ಸೈಟೇಶನ್ ಪರ್ ಪೇಪರ್, ಅಂತಾರಾಷ್ಟ್ರೀಯ ಬೋಧಕ ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳೆಂಬ ಎಂಟು ಮಾನದಂಡದ ಪ್ರಕಾರ ರೂಪಿಸಲಾಗುತ್ತದೆ.
ಒಟ್ಟಾರೆಯಾಗಿ ಭಾರತದ ಉನ್ನತ ಶಿಕ್ಷಣ ವಿಶ್ವವಿದ್ಯಾಲಯಗಳು ಮತ್ತು ಸಂಸ್ಥೆಗಳು 1,000 ರಾಂಕ್ಗಳ ವರ್ಲ್ಡ್ ರಾಂಕಿಂಗ್ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ. ಕ್ಯೂಎಸ್ ವರ್ಲ್ಡ್ ಯೂನಿವರ್ಸಿಟಿ ರಾಂಕಿಂಗ್ಸ್ ಪ್ರಕಾರ, ಭಾರತದ ಬೆಸ್ಟ್ ರಿಸರ್ಚ್ ಯೂನಿವರ್ಸಿಟಿ ಬೆಂಗಳೂರಿನ ಐಐಎಸ್ಸಿ. ಇದು ಸೈಟೇಷನ್ ಪರ್ ಫ್ಯಾಕಲ್ಟಿ ಮಾನದಂಡದಲ್ಲಿ ಶೇಕಡ 100/100 ಅಂಕ ಪಡೆದಿದೆ.
ಐಐಟಿ ಬಾಂಬೆ, ಐಐಎಸ್ಸಿ ಬೆಂಗಳೂರು, ಐಐಟಿ ದೆಹಲಿ ಟಾಪ್ 100ರ ಪಟ್ಟಿಯಲ್ಲಿದ್ದರೆ, ಇತರೆ ಐಐಟಿಗಳು ಟಾಪ್ 500ರ ಪಟ್ಟಿಯಲ್ಲಿವೆ. ಐಐಟಿ ಮದ್ರಾಸ್ 275, ಐಐಟಿ ಖರಗಪುರ 314, ಕಾನ್ಪುರ 350, ರೂರ್ಕಿ 383, ಗುವಾಹಟಿ 470 ನೇ ಸ್ಥಾನದಲ್ಲಿವೆ. (ಏಜೆನ್ಸೀಸ್)