ಬಿಹಾರ: ಜಮೀನು ವಿವಾದದ ಸಿಟ್ಟಿಗೆ ಒಂದುವರೆ ವರ್ಷದ ಮಗುವನ್ನು ಹತ್ಯೆ ಮಾಡಿದ ಘಟನೆ ಬಿಹಾರದ ಬಿಹಾರದ ಜೆಹಾನಾಬಾದ್ನಲ್ಲಿ ನಡೆದಿದೆ.
ಜಮೀನು ವಿವಾದದ ಸಂದರ್ಭದಲ್ಲಿ ಒಂದುವರೆ ವರ್ಷದ ಹಸುಳೆಯನ್ನು ಹತ್ಯೆಗೈದ ಸುದ್ದಿ ಸಿಗುತ್ತಿದ್ದಂತೆ ಘಟನೆ ಕುರಿತು ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ಧಾವಿಸಿದ್ದಾರೆ. ಮಗುವನ್ನು ಕೊಂದ ಆರೋಪದ ಮೇಲೆ ಬಿಹಾರದ ಜೆಹಾನಾಬಾದ್ ಪೊಲೀಸರು ಒಟ್ಟು ಮೂವರನ್ನು ಬಂಧಿಸಿದ್ದಾರೆ. .
''ಜಮೀನು ವಿವಾದಕ್ಕೆ ಸಂಬಂಧಿಸಿದಂತೆ ಎರಡು ಕಡೆಯವರ ನಡುವೆ ಜಗಳ ನಡೆದಿದ್ದು, ಈ ವೇಳೆ ಮಹಿಳೆ, ತನ್ನ ಒಂದೂವರೆ ತಿಂಗಳ ಮಗುವಿನ ಮಡಿಲಲ್ಲಿಟ್ಟುಕೊಂಡು ಜಗಳಕ್ಕೆ ಇಳಿದಿದ್ದಾಳೆ. ಈ ಸಂದರ್ಭ, ಮಗು ನೆಲದ ಮೇಲೆ ಬಿದ್ದಿದ್ದು ಮೃತಪಟ್ಟಿದೆ. ಸದ್ಯ, ಮಗುವನ್ನು ಕೊಂದ ಆರೋಪದ ಮೇಲೆ ಮೂವರನ್ನು ಬಂಧಿಸಲಾಗಿದೆ." ಎಂದು ಜೆಹಾನಾಬಾದ್ನ ಎಎಸ್ಪಿ, ಹರಿವಂಶ್ ಕುಮಾರ್ ಮಾಹಿತಿ ನೀಡಿದ್ದಾರೆ.
ಮೃತ ಮಗುವಿನ ತಂದೆ ಚೀನಿ ಲಾಲ್ ಕುಮಾರ್ "ಮಗು ಬಿದ್ದ ತಕ್ಷಣ ಅವರು ಕಲ್ಲು ಮತ್ತು ಲಾಠಿಗಳಿಂದ (ಕೋಲುಗಳಿಂದ) ದಾಳಿ ನಡೆಸಿದರು. ಅವನಿಗೆ ಕೇವಲ ಒಂದೂವರೆ ವರ್ಷ" ಎಂದು ಅಳಲು ತೋಡಿಕೊಂಡಿದ್ದಾರೆ.
ಮೂವರು ಆರೋಪಿಗಳ ಗುರುತನ್ನು ಬಹಿರಂಗಪಡಿಸದೇ ಇರುವ ಪೊಲೀಸರು ಮೃತದೇಹವನ್ನು ಸ್ವಾಧಿನಕ್ಕೆ ಪಡೆದಿದ್ದೇವೆ ಎಂದು ಮಾಹಿತಿ ನೀಡಿದ್ದಾರೆ. ಈ ಪ್ರದೇಶವು ವಿಷುಂಗಂಜ್ ಪೊಲೀಸ್ ಠಾಣೆ ವ್ಯಾಪ್ತಿಗೆ ಬರುತ್ತದೆ. ಈ ಕೊಲೆ ಪ್ರಕರಣದ ಕುರಿತು ಹೆಚ್ಚಿನ ತನಿಖೆ ಆರಂಭಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. (ಏಜೆನ್ಸೀಸ್)