ಬೆಂಗಳೂರು: ( priyanka upendra mobile number got hacked ) ಸ್ಯಾಂಡಲ್ವುಡ್ ನಟ ಉಪೇಂದ್ರ ಅವರ ಫೋನ್ ನಂಬರ್ ಹಾಗೂ ಅಕೌಂಟ್ನ್ನು ಸೈಬರ್ ವಂಚಕರು ಹ್ಯಾಕ್ ಮಾಡಿದ್ದಾರೆ. ಈ ಕುರಿತಾಗಿ ಉಪೇಂದ್ರ ಅವರು ವಿಡಿಯೋ ಮೂಲಕವಾಗಿ ಹಂಚಿಕೊಂಡಿದ್ದಾರೆ.
ನನ್ನ ಪತ್ನಿ ಪ್ರಿಯಾಂಕಾಗೆ ಒಂದು ನಂಬರ್ ಇಂದು ಎನೋ ಸಂದೇಶ ಬಂದಿತ್ತು. ಪ್ರಿಯಾಂಕ ಅವರು ಒಂದು ವಸ್ತು ಆರ್ಡರ್ ಮಾಡಿದ್ದರು ಅದು ಬರುತ್ತದೆ ನಾವು ಹೇಳಿದಂತೆ ಮಾಡಿ ಎಂದು ಹೇಳಿದ್ದಾರೆ. ಆದರೆ ಅದು ಹ್ಯಾಕರ್ದು ಆಗಿತ್ತು. ನಮಗೆ ಇದು ತಿಳಿಯದೆ ಹ್ಯಾಕರ್ ನಂಬರ್ಗೆ ಕರೆ ಮಾಡಿದ್ದೇವೆ. ನಮ್ಮಿಬ್ಬರ ನಂಬರ್ ಹ್ಯಾಕ್ ಆಗಿದೆ.
ನನ್ನ ಹಾಗೂ ಪ್ರಿಯಾಂಕಾ ಅವರ ನಂಬರ್ ಇಂದ ಹಣ ಕಳುಹಿಸಿ ಎಂದು ಕರೆ, ಸಂದೇಶ ಬಂದರೆ ದಯವಿಟ್ಟು ನೀವು ಯಾರು ಹಣವನ್ನು ಕಳುಹಿಸಬೇಡಿ. ನಾವು ಈ ಕುರಿತಾಗಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸುತ್ತಿದ್ದೇವೆ ಎಂದು ನಟ ಉಪೇಂದ್ರ ಅವರು ವಿಡಿಯೋ ಸಂದೇಶವನ್ನು ಹಂಚಿಕೊಂಡಿದ್ದಾರೆ.
ಈಗ ಪ್ರಿಯಾಂಕಾ ಅವರು ಸದ್ಯ ಸದಾಶಿವ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಸೈಬರ್ ಕ್ರೈಮ್ ಗೆ ದೂರು ನೀಡಿದ್ದಾರೆ.
ಕಾಂಟಾಕ್ಟ್ ಲಿಸ್ಟ್ ನಲ್ಲಿರುವ ಎಲ್ಲರಿಗೂ ಹಣ ನೀಡುವಂತೆ ಮೆಸೇಜ್ ಮಾಡಲಾಗಿದ್ದು, ಎಮರ್ಜೆನ್ಸಿ ಇದೆ, ಹಣ ನೀಡಿ ಎಂದು ಪ್ರಿಯಾಂಕ ಉಪೇಂದ್ರ ನಂಬರ್ ನಿಂದ ಮೆಸೇಜ್ ಹೋಗಿದೆ ಎಂದು ತಿಳಿದು ಬಂದಿದೆ.