ತಿರುವನಂತಪುರಂ: ಇತ್ತೀಚೆಗೆ ಮಲಯಾಳಂ ಸೂಪರ್ಸ್ಟಾರ್ ಮೋಹನ್ ಲಾಲ್(Mohanlal) ತಮ್ಮ ಸಹ ನಟ ಮಮ್ಮುಟ್ಟಿಗಾಗಿ ಶಬರಿಮಲೆಯಲ್ಲಿ ಪೂಜೆ ಸಲ್ಲಿಸಿದರು. ಮಮ್ಮುಟ್ಟಿಯ ಆರೋಗ್ಯ ಸುಧಾರಣೆಗಾಗಿ ಮಾಡಿದ ಈ ಪೂಜೆಯಿಂದ ಹೊಸ ವಿವಾದವನ್ನು ಸೃಷ್ಟಿಯಾಗಿದೆ. ವಾಸ್ತವವಾಗಿ ಕೆಲವು ಮೂಲಭೂತವಾದಿಗಳು ಈ ಪೂಜೆಯನ್ನು ಇಸ್ಲಾಂ ಧರ್ಮಕ್ಕೆ ವಿರುದ್ಧವೆಂದು ಪರಿಗಣಿಸುತ್ತಿದ್ದಾರೆ.
ಇದನ್ನು ಓದಿ: ‘ಕಣ್ಣಪ್ಪ’ ಕುರಿತು ಟ್ರೋಲ್ ಮಾಡುವವರು ಶಿವನಿಂದ ಶಿಕ್ಷೆ ಅನುಭವಿಸುವುದು ಸತ್ಯ; ನಟ ರಘುಬಾಬು ಹೀಗೇಳಿದ್ದೇಕೆ? | Kannappa
ಅಲ್ಲದೆ, ಮಮ್ಮುಟ್ಟಿ ಒಬ್ಬ ಮುಸ್ಲಿಂ ಮತ್ತು ಈ ಪೂಜೆಯನ್ನು ಅವರ ಸೂಚನೆಯ ಮೇರೆಗೆ ಮಾಡಿದ್ದರೆ ಅವರು ಕ್ಷಮೆಯಾಚಿಸಬೇಕು ಎಂದು ವಿಮರ್ಶಕರು ಒತ್ತಾಯಿಸಿದ್ದಾರೆ. ಮಮ್ಮುಟ್ಟಿ ಮುಸ್ಲಿಂ ಮತ್ತು ಹಿಂದೂ ಪ್ರಾರ್ಥನೆಗಳು ಇಸ್ಲಾಮಿಕ್ ನಂಬಿಕೆಗಳನ್ನು ಉಲ್ಲಂಘಿಸುತ್ತವೆ ಎಂದು ಬರೆಯುವ ಇಂತಹ ಅನೇಕ ಪೋಸ್ಟ್ಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ. 'ಮಧ್ಯಮಂ' ಪತ್ರಿಕೆಯ ಮಾಜಿ ಸಂಪಾದಕ ಓ ಅಬ್ದುಲ್ಲಾ ಅವರು ಮಮ್ಮುಟ್ಟಿ ಕ್ಷಮೆಯಾಚಿಸುವಂತೆ ಕೇಳಿಕೊಂಡಿದ್ದಾರೆ. ಮಮ್ಮುಟ್ಟಿ ಮೋಹನ್ ಲಾಲ್ ಅವರನ್ನು ತಮ್ಮ ಪರವಾಗಿ ಪ್ರಾರ್ಥಿಸಲು ಕೇಳಿಕೊಂಡಿದ್ದರೆ ಕ್ಷಮೆಯಾಚಿಸಬೇಕು. ಇಸ್ಲಾಮಿಕ್ ಕಾನೂನುಗಳನ್ನು ಉಲ್ಲೇಖಿಸಿ, ಇಸ್ಲಾಮಿಕ್ ನಂಬಿಕೆಯನ್ನು ಅನುಸರಿಸುವ ವ್ಯಕ್ತಿಯು ಅಲ್ಲಾಹನಿಗೆ ಮಾತ್ರ ಪ್ರಾರ್ಥಿಸಬೇಕು ಎಂದು ಅಬ್ದುಲ್ಲಾ ಹೇಳಿದರು.
ವಿವಾದ ಭುಗಿಲೆಳುತ್ತಿದ್ದಂತೆ ನಟ ಮೋಹನ್ ಲಾಲ್ ಸ್ಪಷ್ಟನೆ ನೀಡಿದ್ದಾರೆ. ಮಮ್ಮುಟ್ಟಿ ಹಾಗೆ ಮಾಡುವಂತೆ ಕೇಳಲಿಲ್ಲ, ನಾನೇ ಸ್ವಂತ ಇಚ್ಛೆಯಂತೆ ಪೂಜೆ ಮಾಡಿಸಿದ್ದೇನೆ. ಚೆನ್ನೈನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮೋಹನ್ ಲಾಲ್ ಈ ವಿವಾದವನ್ನು ಪ್ರಸ್ತಾಪಿಸಿ, ಮಮ್ಮುಟ್ಟಿ ತಮಗೆ ಸಹೋದರನಂತೆ ಎಂದು ಹೇಳಿದರು. ಅವರ ಆರೋಗ್ಯ ಸರಿಯಿಲ್ಲದ ಕಾರಣ ನಾನು ಈ ಪೂಜೆಯನ್ನು ಮಾಡಿಸಿದೆ. ಅದು ಸಂಪೂರ್ಣವಾಗಿ ವೈಯಕ್ತಿಕವಾಗಿತ್ತು ಎಂದು ಹೇಳಿದ್ದಾರೆ. ಶಬರಿಮಲೆಯಲ್ಲಿ ಪೂಜೆಗೆ ಮಮ್ಮುಟ್ಟಿ ಅವರ ಹೆಸರು ಮತ್ತು ನಕ್ಷತ್ರವನ್ನು ತಮ್ಮ ಕುಟುಂಬದವರ ಜತೆಗೆ ನೀಡಿರುವುದಾಗಿ ಹೇಳಿದರು. ಅದೃಷ್ಟವಶಾತ್ ಅಥವಾ ದುರದೃಷ್ಟವಶಾತ್ ಅದು ಹೊರಬಂದಿದೆ ಎಂದಿದ್ದಾರೆ. ನಾನು ಅವರೊಂದಿಗೆ 50ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದೇನೆ. ನಾವು ಪ್ರತಿ ವಾರ ಭೇಟಿಯಾಗುತ್ತಿದ್ದೆವು. ಪ್ರತಿ ಎರಡು-ಮೂರು ದಿನಗಳಿಗೊಮ್ಮೆ ನಮಗೆ ಫೋನ್ ಕರೆ ಬರುತ್ತಿತ್ತು. ನಾವು ನಿಜವಾಗಿಯೂ ಒಳ್ಳೆಯ ಸ್ನೇಹಿತರು ಎಂದ ಹೇಳಿದರು.
ಮೋಹನ್ ಲಾಲ್ ಮಾರ್ಚ್ 18ರಂದು ಶಬರಿಮಲೆ ದೇವಸ್ಥಾನಕ್ಕೆ ಹೋಗಿದ್ದರು. ಅಲ್ಲಿ ಉಷಾ ಪೂಜೆಯ ಸಮಯದಲ್ಲಿ ಅವರು ಅರ್ಚಕರಿಗೆ ಒಂದು ಚೀಟಿಯನ್ನು ನೀಡಿದರು. ಅದರಲ್ಲಿ ಮಮ್ಮುಟ್ಟಿ ಅವರ ಜನ್ಮ ಹೆಸರು ಮುಹಮ್ಮದ್ ಕುಟ್ಟಿ ಮತ್ತು ಅವರ ಜನ್ಮ ನಕ್ಷತ್ರ 'ವಿಶಾಖಂ' ಎಂದು ಉಲ್ಲೇಖಿಸಲಾಗಿದೆ. ಈ ರಶೀದಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಬಳಿಕ ಈ ವಿವಾದ ಉಂಟಾಗಿದೆ.
ನಟ ಮೋಹನ್ಲಾಲ್ ನಟನೆಯ ಎಂಪುರನ್ ಸಿನಿಮಾ ಇನ್ನೆರಡು ದಿನಗಳಲ್ಲಿ ಬಿಡುಗಡೆಯಾಗಲಿದೆ. ಸದ್ಯ ನಟ ಸಿನಿಮಾ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ.(ಏಜೆನ್ಸೀಸ್)