Parrot Speaks English : ಹಕ್ಕಿಗಳಿಗೆ ಸಂಬಂಧಿಸಿದ ವಿಡಿಯೋಗಳು ಪ್ರತಿದಿನ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಲೇ ಇರುತ್ತವೆ. ಗಿಳಿ ಸಾಕು ಪಕ್ಷಿ. ಜನರು ಹೆಚ್ಚಾಗಿ ತಮ್ಮ ಮನೆಗಳಲ್ಲಿ ಮುದ್ದಾಗಿ ಸಾಕುತ್ತಾರೆ. ಇತ್ತೀಚಿಗೆ ಮುದ್ದಾದ ಗಿಳಿಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಗಿಳಿ ತನ್ನ ಸಾಕಿರುವ ಮಹಿಳೆಗೆ ಶೀತವಾಗಿದೆ ಎಂದು ವಿವರಿಸಲು ಪ್ರಯತ್ನಿಸುತ್ತಿದೆ. ಗಿಳಿಯು ಇದನ್ನು ವಿವರಿಸಲು ಕೆಮ್ಮುವುದು ಮತ್ತು ಸೀನುವಂತೆ ವರ್ತಿಸುವುದು ಕಂಡುಬರುತ್ತದೆ. ವಿಡಿಯೋದಲ್ಲಿ ಮಹಿಳೆ ಅನಾರೋಗ್ಯದಿಂದ ಬಳಲುತ್ತಿರುವಂತೆ ಮಾತನಾಡುತ್ತಿದ್ದು, ತಮ್ಮ ಸಮಸ್ಯೆಯನ್ನು ಹೇಳಿಕೊಂಡಿದ್ದಾರೆ. ಇದಕ್ಕೆ ಗಿಳಿ ತನಗೂ ಹುಷಾರಿಲ್ಲ ಎಂದು ನಟಿಸುತ್ತದೆ.
ಗಿಳಿಯು ಮಹಿಳೆಗೆ ಇಂಗ್ಲಿಷ್ನಲ್ಲಿ ಹೇಳುತ್ತದೆ, "ಮಮ್ಮಾ ನಾನು ತುಂಬಾ ಅನಾರೋಗ್ಯದಿಂದ ಬಳಲುತ್ತಿದ್ದೇನೆ." ಇದಾದ ನಂತರ ಗಿಳಿ ಸಾಕಿರುವ ಮಹಿಳೆ ಹೇಳುತ್ತಾಳೆ, ನಿನಗೆ ಅನಾರೋಗ್ಯವಿದೆ ಎಂದು ನಾನು ಭಾವಿಸುವುದಿಲ್ಲ ಎಂದು. ಇದನ್ನು ಕೇಳಿದ ಗಿಳಿ.. ಗಂಟಲು ನೋಯುತ್ತಿರುವಂತೆ ನಟಿಸುತ್ತದೆ ಮತ್ತು "ಅಯ್ಯೋ, ನಾನು ಅನಾರೋಗ್ಯದಿಂದಿದ್ದೇನೆ" ಎಂದು ಇಂಗ್ಲಿಷ್ನಲ್ಲಿ ಹೇಳುತ್ತದೆ.
ಗಿಳಿಯೊಂದು ತನ್ನ ಮಾಲೀಕರೊಂದಿಗೆ ಇಂಗ್ಲಿಷ್ನಲ್ಲಿ ಮಾತನಾಡುತ್ತಿರುವ ಈ ವಿಡಿಯೋ ನೋಡಿ ಜನರ ಮುಖದಲ್ಲಿ ಮಂದಹಾಸ ಮೂಡಿದೆ. ಜನರು ಈ ವೀಡಿಯೊವನ್ನು ತುಂಬಾ ಇಷ್ಟಪಟ್ಟಿದ್ದಾರೆ.
ಗಿಳಿಯ ಅದ್ಭುತ ನಟನೆ ಮತ್ತು ನಿರರ್ಗಳ ಇಂಗ್ಲಿಷ್ ಅನ್ನು ಶ್ಲಾಘಿಸಿದ್ದಾರೆ. ಗಿಳಿಯ ಈ ನಟನೆಗಾಗಿ ಆಸ್ಕರ್ ಪ್ರಶಸ್ತಿಯನ್ನು ನೀಡಬೇಕು ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಸುದ್ದಿ ಬರೆಯುವವರೆಗೂ ಸುಮಾರು ಮೂರು ಲಕ್ಷ ಮಂದಿ ನೋಡಿದ್ದು, 28 ಸಾವಿರ ಮಂದಿ ಲೈಕ್ ಮಾಡಿದ್ದಾರೆ.