ನವದೆಹಲಿ: ( Pak YouTuber ) ವ್ಯಕ್ತಿಯೊಬ್ಬರು ಸಿಂಹದ ಮರಿಯನ್ನು ಮದುವೆಗೆ ಉಡುಗೊರೆಯಾಗಿ ಸ್ವೀಕರಿಸಿದ್ದು, ಅದರ ವಿಡಿಯೋವನ್ನು ಆನ್ಲೈನ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. ವ್ಯಕ್ತಿಯ ವಿರುದ್ಧ ದೂರು ದಾಖಲಾದಾಗ, ಕೋರ್ಟ್ ವಿಚಿತ್ರ ತೀರ್ಪು ನೀಡಿದೆ.
ಪಾಕಿಸ್ತಾನದ ಈ ಯೂಟ್ಯೂಬರ್ ಬೇರೆ ಯಾರೂ ಅಲ್ಲ, 5.6 ಮಿಲಿಯನ್ಗಿಂತಲೂ ಹೆಚ್ಚು ಅನುಯಾಯಿಗಳನ್ನು ಹೊಂದಿರುವ ಯೂಟ್ಯೂಬರ್ ರಜಬ್ ಬಟ್. ಸಹ ಯೂಟ್ಯೂಬರ್ ಸಿಂಹದ ಮರಿ ಗಿಫ್ಟ್ ನೀಡಿ ಸಂಕಷ್ಟಕ್ಕೆ ಸಿಲುಕಿ ಕೊಂಡಿದ್ದಾರೆ. ಇಷ್ಟಕ್ಕೂ ಏನಾಯ್ತು ಗೊತ್ತಾ?...
ಯೂಟ್ಯೂಬರ್ ಒಮರ್ ಡೋಲಾ, ರಜಬ್ ಬಟ್ ಅವರಿಗೆ ಡಿಸೆಂಬರ್ 2023 ರಲ್ಲಿ ಮದುವೆಯಲ್ಲಿ ಈ ವಿಚಿತ್ರವಾದ, ಅನಿರೀಕ್ಷಿತ ಉಡುಗೊರೆಯನ್ನು ನೀಡಿದರು. ಓಮರ್ ಡೋಲಾ, ರಜಬ್ ಗೆ ಮದುವೆಯ ಉಡುಗೊರೆಯಾಗಿ ಸಿಂಹದ ಮರಿಯನ್ನು ನೀಡಿದರು.
ಯೂಟ್ಯೂಬ್ ಚಾನೆಲ್ ನಲ್ಲಿ ಈ ವಿಡಿಯೋದಲ್ಲಿ ಸಿಂಹದ ಮರಿ ಕಾಣಿಸಿಕೊಂಡಿದೆ. ಈ ವಿಡಿಯೋ ವೈರಲ್ ಆದ ನಂತರ ಜನರು ತಮ್ಮ ಆಕ್ರೋಶವನ್ನು ವ್ಯಕ್ತಪಡಿಸಿದ್ದಾರೆ. ನಂತರ ವನ್ಯಜೀವಿ ಅಧಿಕಾರಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ನ್ಯಾಯಾಲಯವು, ಯೂಟ್ಯೂಬರ್ ಒಮರ್ ಡೋಲಾ ಅವರು ಕಾನೂನು ಬದ್ಧವಾಗಿ ಈ ಪ್ರಾಣಿ ಕುರಿತಾಗಿ ಮಾಲೀಕತ್ವ ಹೊಂದಿರುವುದರಿಂದ ಈ ಪ್ರಕರಣದಿಂದ ಬಿಟ್ಟಿದೆ. ಗಿಫ್ಟ್ ಪಡೆದಿರುವ ರಜಬ್ ಬಟ್ ಹೊಣೆಗಾರರನ್ನಾಗಿ ಮಾಡಿತು. ಈ ಅನುಕ್ರಮದಲ್ಲಿ ನ್ಯಾಯಾಧೀಶರು ಅಸಾಮಾನ್ಯ ಶಿಕ್ಷೆಯನ್ನು ವಿಧಿಸಿದರು.
ನ್ಯಾಯಾಲಯದ ತೀರ್ಪಿನ ಪ್ರಕಾರ, ಪ್ರತಿ ತಿಂಗಳು 5 ನಿಮಿಷಗಳ ಕಾಲ ವಿಡಿಯೋ ಮಾಡಿ ಜನರಿಗೆ ಅಗತ್ಯ ವಿಷಯದ ಬಗ್ಗೆ ತಿಳುವಳಿಕೆ ನೀಡಬೇಕು. ಅದರಲ್ಲಿ ಅವನು ತನ್ನ ವೀಕ್ಷಕರಿಗೆ ವನ್ಯಜೀವಿ ಸಂರಕ್ಷಣೆ ಮತ್ತು ಪ್ರಾಣಿ ಕಲ್ಯಾಣದ ಬಗ್ಗೆ ತಿಳಿಸಿ ಕೊಡುವುದೇ ಕೋರ್ಟ್ ನೀಡಿದ ಶಿಕ್ಷೆಯಾಗಿದೆ. ಸದ್ಯ ಭಟ್ಟಿ ಎಂಬ ಸಿಂಹದ ಮರಿಯನ್ನು ಲಾಹೋರ್ ಮೃಗಾಲಯಕ್ಕೆ ಸ್ಥಳಾಂತರಿಸಲಾಗಿದೆ. ಮೇಲಾಗಿ, ವಿಷಯವನ್ನು ರಚಿಸುವಲ್ಲಿ ಬಟ್ಗೆ ಸಹಾಯ ಮಾಡುವಂತೆ ಮೃಗಾಲಯದ ಆಡಳಿತಕ್ಕೆ ನ್ಯಾಯಾಲಯ ನಿರ್ದೇಶಿಸಿದೆ.